ꯁꯤꯖꯤꯟꯅꯔꯤꯕ:Mayek Bot/Test/Bangla/পান্থোইপী
পান্থোইপী (পান্থোইপী) নৎত্রগা পান্থোইবী (পান্থোইবী) অসী ꯕꯦꯡꯒꯂꯤ ꯃꯌꯦꯛ:মীতৈ কাংলুপ্ (ꯕꯦꯡꯒꯂꯤ ꯃꯌꯦꯛ:মৈতৈ কাংলুপ্)কী ꯕꯦꯡꯒꯂꯤ ꯃꯌꯦꯛ:সনামহী লাইনীং (ꯕꯦꯡꯒꯂꯤ ꯃꯌꯦꯛ:লাইনীংথৌ লাইনীং/ꯕꯦꯡꯒꯂꯤ ꯃꯌꯦꯛ:লাইনীংথৌ লাইনীং) অমদী ꯕꯦꯡꯒꯂꯤ ꯃꯌꯦꯛ:মৈতৈগী মী লাই তীনগী ৱারীগী সা-লান্ গী ওইবী, মী লাই কীদবী, নুংসী নুংওল্গী ওইবী, থৌনা লীংজেল্ লৈবী ꯕꯦꯡꯒꯂꯤ ꯃꯌꯦꯛ:লাইরেম্বী অমা ওইনা লৌই । মহাক্কী ꯕꯦꯡꯒꯂꯤ ꯃꯌꯦꯛ:হীন্দু লাইনীংগী লেংমান্নবী ꯕꯦꯡꯒꯂꯤ ꯃꯌꯦꯛ:লাইরেম্মদী ꯕꯦꯡꯒꯂꯤ ꯃꯌꯦꯛ:দুরগানী । মহাক্কী ꯕꯦꯡꯒꯂꯤ ꯃꯌꯦꯛ:গ্রীক্ লাইনীংগী লেংমান্নবী ꯕꯦꯡꯒꯂꯤ ꯃꯌꯦꯛ:লাইরেম্বীদী ꯕꯦꯡꯒꯂꯤ ꯃꯌꯦꯛ:অথীনা (ꯕꯦꯡꯒꯂꯤ ꯃꯌꯦꯛ:এথেনা) নী । মহাক্ অসী ꯕꯦꯡꯒꯂꯤ ꯃꯌꯦꯛ:মীতৈ ফুরুপ্না খুন্দাবা ꯕꯦꯡꯒꯂꯤ ꯃꯌꯦꯛ:কংলৈপাক্ (ꯕꯦꯡꯒꯂꯤ ꯃꯌꯦꯛ:মনীপুর), ꯕꯦꯡꯒꯂꯤ ꯃꯌꯦꯛ:অসাম্, ꯕꯦꯡꯒꯂꯤ ꯃꯌꯦꯛ:ত্রীপুরা, ꯕꯦꯡꯒꯂꯤ ꯃꯌꯦꯛ:বংলাদেস অমদী ꯕꯦꯡꯒꯂꯤ ꯃꯌꯦꯛ:ম্যানমারদা ইরাৎলী ।[꯱]
পুৱারী
ꯁꯦꯝꯒꯠꯂꯨপান্থোইবী খোংগুল্গী মতুং ইন্না খাবা নীংথৌ সাগৈগী মতম্দা লাইরেম্বী পান্থোইবীবু খুরুম্জবা হৌখী। খ্রীসতা পুম্জা ১১০০দা লোয়ুম্বা সীন্য়েন্না লাইরেম্বী পান্থোইবীদা হাইসনম্ সাগৈনা সেবাগী মতাংদা পল্লী। লাইরীক্ অসীনা মহাক্পু খ্বাইদগী নুংসীজবা মৈতৈ লাইরেম্বীনী হাইনা কৌই। ১৭সুবা চহীচাদা পান্থোইবীনা কৈ অমদা থৌদুনা লানগী লাইরেম্বী অমা ওইনা থোক্লক্খী। চেইথারোল্ কুম্বাবাগী পান্থোইবীগী লাইসং অমা সাবগী অহান্বা রেকোর্দা অদু চহী ১৬৮৬তা ওইখী। চপ্ মান্নবা লাইরীক্ অদুগী মহাক্কী মীতম্ সাবগী অহান্বা রেকোর্দা অদু চহী ১৬৯৯দা ওইখী। ১৮সুবা চহীচাদা পান্থোইবীবু খুরুম্জবগী চাং হন্থরক্খী মসীনা মনীপুরদা বৈসনভীজম্ চাওখৎলক্পগী মমী তাখী। হীন্দু নীংথৌ গরীবা নীৱাজা পাম্হেইবা (১৭০৯-১৭৪৮)না মহাক্কী লাইসংসীং লৌথোক্খী অমসুং মহাক্কী মীতম্সীং থুগাইখী, অমসুং ১৮সুবা চহীচাদগী হৌনা পান্থোইবীবু হীন্দু লাইরেম্বী দুরগাগী মসক্ অমা ওইনা নৎত্রগা মহাক্কী সায়োন্ ওইনা নৎত্রগা মহাক্কী মসক্ ওইনা লৌনখী।[꯱]
পান্থোইবী হাইবসী মৈতৈ নীংথৌ অমগী মচানুপী অমাবু হেন্দোক্লবা ফজবগী নুপী অমনী। কংলৈপাক্কী তম্পাক্কী নোংচুপ্ থংবা সরুক্তগী নীংথৌ সপাইবা য়াওনা নীংথৌ অমসুং নীংথৌমচা কয়ানা মহাক্কা লুহোংবা পাম্খী। করীগুম্বা মহাক্না মহাক্কা লুহোংলবদী মহাক্না অফবা লম্বীসীং, ফজরবা থোংসীং, অমসুং পাক্-চাওবা য়ুম্ অমসুং ঙাগী পুখ্রীসীং সাগনী হাইনা ৱাসক্খী, অদুবু মহাক্না মহাক্কী ৱাফম্ অদু য়াখীদে। অরোইবদা, পান্থোইবীনা নীংথৌ খাবা সোক্রোংবা অমসুং খাবা নীংথৌ সাগৈগী লৈমা তেক্ংগাগী মচানুপা তরাং খোইনুচাগা লুহোংখী।[꯱]
পান্থোইবীনা অহাংবা লম্পাক্সীংদা চৎলীঙৈদা, চেল্লীবা তুরেল্ অদুগী অইংবা ইসীংদা ইরুজবা অমসুং সান্নরীঙৈ মতম্দা লাই নোংপোক্ নীংথোওগা অহান্বা ওইনা উনখী। মহাক্ মহাক্কী ফজরবা মওং মতৌ অমসুং অৱাংবা থাক্কী মসক্ অদুদা পুক্নীং চীংসীনখী। মখোই অনী অসী অহান্বা উবদা নুংসীনখী। নোংপোক্ নীংথোওনা পান্থোইবীদা মহাক্কা লোইননা চেন্নবা হাইখী। পান্থোইবী অমসুং নোংপোক্ নীংথোওগা লোন্না কয়ারক্ উনখী, অমসুং মহাক্কী মকু-মনাওসীংনা চীংনখী। মহাক্কী সীবা য়াবা মপুরোইবনা মহাক্কী থমোই কয়ারক্ লৌনবা হোৎনখী, অদুবু মাই পাক্খীদে।[꯱]
পান্থোইবী অমসুং নোংপোক্ নীংথোওনা অরোইবদা চেনখী, তাংখুল্সীংগী সক্লোন্ লৌদুনা কোনুং অদুদগী চেনখী। লাইগী ওইবা নুংসীজবা অনী অদু অরোইবদা নোংমাইচীং চীংসীংগী নুমীৎনা সোক্লবা অঙম্বা মফম্সীংদা পুন্সীনখী। মখোইগী নুংঙাইরবা পুন্সী অদু লাইসীংনা জগোই অমসুং ইসৈ-নোংমাইগা লোইননা পাংথোক্খী। মসীগী হরাও-কুম্হৈ অসীনা লাই হরাওবা কুম্হৈ পোক্খী। ৱারী অসীগী অতোপ্পা মওং অমদা, পান্থোইবীনা মহাক্কী মপাবুংবু কক্থৎলগা মৈ থাবদা মতেং পাংলীঙৈ মতম্দা অহান্বা ওইনা নোংপোক্ নীংথোওগা উনখী। অনী অসী অহান্বা উবদা নুংসীনখী, অদুবু পান্থোইবীনা হান্ননা মহাক্কী অপাম্বগী মায়োক্তা অতোপ্পা নুপা অমগা লুহোংখী। মহাক্না মহাক্কী অসেংবা নুংসীবা অদু থীনবা মহাক্কী মপুরোইবগী ময়ুম্ থাদোক্খী। নোংপোক্ নীংথোওসু চপ্ মান্নবা পান্দম্ অসীগীদমক্তা মহাক্কী ময়ুম্ থাদোক্খী। নুংসীজরবা অনী অসী কাংলাদা উনখী, মদু মখোইগী লাইগী ওইবা পুন্সীন্বগী মফম্ ওইরক্খী অমসুং মসী মৈতৈ নীংথৌসীংগী নীংথৌ ফম্বাল্ তোংবগী মফম্ ওইরক্খী।[꯱]
খ্রীস্ৎ কুম্জাগী অহান্বা চহীচাগী অঙন্বা সরুক্তা ইবা থাইনগী ৱারীগী ৱারী অমা ওইরীবা নুমীৎ কপ্পাগী মতুং ইন্না অরীবা অতীয়াদা নুমীৎ অনী মঙাল্লক্খী। অমনা তেনকাপ্পা অমনা অসোক্ অপন্ নংখী। মনাও নুপা অনী অদুনা অতীয়াদা লৈবা মখোইগী মফম্সীংদগী চেনখী অমসুং নুমীৎ তরানী সাংনা লোৎখী, মসীনা মালেম্ পুম্ববু অমম্বদা থম্খী। কনাগুম্বা অমৎতনা থবক্ তৌবা ঙম্খীদে। মহৈ-মরোংসীং মাংখী অমসুং সা-সন্সীং সীখী। অদুনা, নীংথৌগী লাই তরানা লাই কয়াগী মনাক্তা চৎখী, খুদীংমক্পু নুমীৎকী লাইসীংদা হাইজনবা হাইখী। অরোইবদা, লাই তরানা রাজকুমারী পান্থোইবীদা মতেং পাংনবা হাইজখী। মহাক্না অরোন্বা ৱারী অমসুং অরোন্বা কয়া অমা খংখী, অমসুং মখোইদা নুমীৎকী লাইসীংবু অমুক্ হন্না পুক্নীং চীংসীন্নবা মীত্রংগী থৌরম্সীং উৎখী। অসোক্ অপন্ নংদবা নুমীৎকী লাই অদু মহাক্কী মফম্দা হল্লক্খী, অদুবু অসোক্-অপন্ নংলবা মীওই অদু কৈদৌনুংদা হল্লক্খীদে।[꯱]
ইম্ফালগী কংলা অমদি কংলাগী মৈরম চীংলপ পাংবদা লেঙদবা উপালগুম লেপ্লিবা নোংমাইজিং চীংজাওগী মতোন অৱাংবা চীংদোন্দগী কুমথরক্লগা তম্পাক্লম কংলাদা খুল লিংখিবরা নৎত্রগা তম্পাকলম ময়োল কংলাদগী চীংদোন্দা কাদুনা মতম অমগী মীওই কাঙলূপ ময়োম অমা খুন্দা লৈতাখিবরা হায়দুন হংদুনা অদুম লৈনিংই। মথক্তা পঞ্জরিবা কংলা অমদি নোংমাইচীংগী খলোং অনীমক্কা তুনা চৎপা ৱারী লাইরিক্তা ইমা পান্থোইবীগী চাউরবা খুদা লৈ। মথাই থাংনদগীনা ঙসি ফাওবদা কংলা মনুংদা পান্থোইবী খুভম লেঙদনা থম্লি। অদুগা নোংমাইচীংদগী চীংগী মফম পূম্নমক্তা ইমাগী খুভম মশীং য়াম্না লৈরি। চীংগী মতোন খলোংখক্তদি লাই পূম্নমক্কী লাইনিংথৌ ওইরবা নোংপোক অপানবগা লোয়ননা ইমানা পাক চাউরবা লৈপাক অসিগী লৈমরেল ওইদুনা য়েৎকা ওইগা ফমদেংলি। নোংমাইজিং চীং অসিদগী মীতৈ খুন্নাইগী থৱায়গী মশক লেপ্লিবা লাই হরাওবগী অহানবা পুংখোল তাখিবা, পেনাগী লৈরোল শকখিবা। মসিসু লাইগী থাক্তা লৈক্রবা লাইশিংদুনা শেমখিবা শাখিবা হরাওবগী মশক্তুনি। লাই হরাওবগী থৌরম অসি লৈশেমংঙৈদগী হৌনা পাঙথোক্তুনা লাক্লবা য়াম্না মরুওইবা থৌরম্নি। খুন্নাইগী চৎনরোল লাইনিং-লীচৎ, শেম্মীৎলোন অমদি ইনাৎকা তৎন-থানবা য়াদবা মরী লৈনে। তাইবং শেম্বা হৌবদগী পোক্লগা শিবা ফাওবগী পাঙথোকপা থৌরম্নি। মসি নোংপোক নিংথৌ অমসুং পান্থোইবীনা নোংমাইচিংদা পাল্লবা মতমদা ইহান হানবা ওইনা পাঙথোক্লম্মী হায়না ইরি। মসিদা পান্থোইবী পাউশা, অনোয়ারোল, লৌতাবা, ঔগ্রী খেঞ্চোনচিংবা জগোই ঈশৈশিং পাঙথোকপনা মপূং ওইবা থৌরম ওইখি। মরম অসিনা লাই হরাওবা মতমদা অনী অসিগী শৈশক্না মপূং ফাবা অমা ওই।
লাই হরাওবগী চোঙখোং য়েৎপা লোইরগা মাইবী অনিনা লৈশি জগোই চোংদুনা খুবাক অনীমক নাকোং মপা মপাদা লৈথোক লৈশিন তৌগনি মসিদা শকপা ঈশৈদিঃ
অহানবা মাইবীঃ থংথং থংনরো রসো থংনরো নোংমাইজিংদা উ য়াল্লে, খোংদা য়ুহাররে। থাঙজবা লৈকাই, খুরাই লৈমা নুংশি কপোনং। রে রে রে। অনীশুবা মাইবীঃ নুরাবীগী পামল ঔদনা। নুরাবীগী পামলঔদা হাওলৈনা ঙাঙাং শাৎপদি ঙাঙনা নিঙথিরে। ঙাঙনা ফজরে। ইবুংখোয় মোমবিখোয়। কদোংগোই থোংজাউ লাল্লিঙৈদা লৈহাওনা নয়াৎ খায়রিঙৈদা ঐগীনা শম্লাই তাহৌবদো খিৎতা খুনবিয়ো। হা নুংবালনা পুনশি ঈৱাল্লৈ। ফৎত্রবসু শিন্নলৈ। য়ামদ্রবসু য়াইশিল্লৈ। লৈরাং খয়োম লৈনৌবা শিংঙেল লৈপুন শাবদি দে। নম্মেদিকো চিঙদনা লৈরে হাওওইবী তমদনা লৈরে লাইওইবী নুংশাবু শাদনা ফৌকংবী নোংবুনা চুদনা শাইচোৎপী, ঈদুনা নোংথাং লৈমনে, ঈয়েংনা পান্থোইবীনিদো। নবেম্মা হোই হোই হোই। ঈখোঙনা হাওখোং তাবীনে, ঈনমনা হাউনা নমবীনে, কৌবনা লোকশা অমদা উৎপী উরেল থারকপী, লোইবীনা লোকমায় অমদা, শদুনা য়াংগেল লিংবীনে হায়না অসুম্না লৈথারি। কংলা হায়না ভঙনরিবা ময়োল
লম অসিগী ৱারীদনা কমদৌরি। খাবা সলাইগী নিংথৌ খাবা শোকচ্রোংবগী মচানুপা মমিংনা তরং খোইনুচা কৌবা নুপা অমদা হায়নশিংনদুনা পান্থোইবী লুহোংই। মসিবু নুমিৎ মশীং মঙানিখক্তগী ৱানি। য়ূম্বানমীন্নবগী ৱা য়াওদে। খাবগী নিংথৌকোন্দা লৈদুনসু থাং-তা, অকন-অথৌ লৈঙাকপগী অকনবা শক্তিবু নাথৈদুনা পান্থোইবীনা হাইনা হুম্না লমকেৎ লমহাইনা মাগী অনীংবা খক্তমক পাঙথোক্তুনা থোইচৎননা লৈরকই। মপুরোইবা ওইগদবা নুপাদু অঙাং মচা অমা লোইনবগুম থৌশাদনা হন্না য়েংদবা মতৌদা মকুবোক নিংথৌ খাবা শোকচ্রোম্বা মনেম্বোক মনু-তেকঙা শাউবনা পান্দোম লোম্লে। কমদৌসিগে হায়বদু খন্নবা অঙৌবা পুরৈরোম্বসু কৌএ হায়বনি।
মথক্কী ৱারী অনী অসি নত্তবা ৱারী অমগসু লৈরি। মদুদনা ইম্ফাল ময়োলগী কংলা অসিদা ফম্বাল তোংদুনা মতীক ময়াই চাদুনা ঙাল্লগা পানখিবা লৈপাক মীয়াম্না মমিং পনবগী মহুৎ নুমিৎ হায়না শৈথাদুনা শৈশক্নখিবা পুমিৎ নিংথৌগী লোইনবী পান্থোইবীনি। মঙাল চাউবী ইবেম্মনি, পীজ-পীথক ফজবী, লৈত লায়রা খঙনা ৱায়েনবীনি। অদুনা শৈথাবদা লৈপাক্না ইবেম্মবু তম্ফা চেংলৌ শক্নাইবদা খোইমোম লাই অপক পূম্নমকসি মঙাল অরাবনা চেংলৌ শকথোং ওইনবী, তম্ফা নঙাল অরাবনা খোইমোম লাইশক লইনা ৱারীনবী হায়না পান্থোইবীবু মশক মওং নাইদবী, লাই ময়ামগী মগুণতনা মশক ওইবী, অদুগা মহাক্কী অরাবা মঙালনা লাই ওইন খন্নবী হায়বদি মঙান্না থাবু ঙালহনবদগী মাবু লাই ওইনা খন্নবনি হায়না উৎলি। অদুনবু নাপল থোইনা পানবী পান্থোইবী, নতু থোইনা ৱাংবী ৱাঙম্লোন হায়না লাইরিক অয়াম্বদা শৈথানবা লৈ। অদুবু মীওইবগী লায়বক তম্বা ঙমদে হায়বগুম নোংমা ইখঙ খংহৌদনা অতিয়াদা থোকপা নুমিৎপু থাশিগুম মমখি। তাইবং অসি অমম্বনা কুপথরকখি। অদুদা লাইরেম্বী পান্থোইবীবু অমম্বা মরক অদুদা পুন্সি ওইখি।
থৌদোক্তি অসিনি। নুমিৎ অনী থোকপগুম লৈবাক্কী নিংথৌরেল অমদি লৈমরেল নুপীলক্তগী অথোইবী পান্থোইবী অনিগী মশেক মঙান নাইনা হায়না-হুপ্না পানবদু কলকচবা মী খুজোক খরনা লোন্না ৱাতান্নদুনা নিংথৌ খুভম মুন্নবা লৌতুনরম্মী। অহানবদা নোংমাইচিংদা লৈবা মীওইশিং য়াওবিয়ু হায়রুবদা য়ারক্তরে। য়াম্না থুনা হল্লক্লগা কংলাগী নোংচুপ্তা লৈবা লাঙ্গোন চীংশাদা লৈবা মীওইশিংদা তেংবাংনবা থেম্লুরে। মদুদা য়ারক্লদুনা মতাং চাবা অচেংবা তানফম ঙাইদুনা লৈরে। অসিগুম্বা অরোনবা থৌরাং অসি লাইরিক্না পল্লিবদি ‘লাঙ্গোল ঐগী চীংশাং অসিদা নুমিৎ থানা মঙাল য়ৌবা ঙমদবা অকুপা ৱাপল-লৈ, মদুদগী ৱানা নঙগী তেন শারো’ অসিনি। অরোনবা লাঞ্জং অসিগী লুচিংবা খ্বায় নোংচেনবনা মাগীসু তেন শাদুনা কয়ারক হন্না পাদম্লবদা শোইদ্রে খঙলবদা মাগী নুকীগী নাদা য়ানবা চোম্লাং তেন্না থাদুনা কক্লবদা মাগী পান্দম ফংলে। অসুম্না ঙাইরকপদা তাঞ্জা অদু লাক্লে, নিংথৌরেলনা মথন্তা শগোল শয়াংথক্তা তোংদুনা শাবল লমথোক লীঙৈ পোংবা কনা উদ্রিঙৈ নোংচেনবনা তেন্না থারে। তৌরিবা থৌদোক অসি কংলা মনুং লৈবা নুংজেং মপান্দা থোকখিবনি। অদুবু নোংদম্বগী নোংদমখোল অঙকপনি। নোংচেনবগী তেন্না নিংথৌরেলগী মশাদা অতম্ননা পানখিদে। মাগী লাংগোই শগোলদি খুদক অদুমক্তদা শিরে। তৌরিবা মতৌ অসিদা অঙকপা অমদি অকি-হঙ্গোইরবা নিংথৌরেল কংলাদা হঞ্জিনবগী মহুৎ তুরেল ৱাংমা লান্না লোৎখি। মসিবু লাইরিক্না তেংথাবদা ঙাল্লম্বা নুমিৎ কাপথরে হায়না ইরি। থৌদোক অসিদগী ইবেম্মা পান্থোইবী লৈমরেলগা নিংথৌরেল তাওরোইনাই অহানবগা কায়নবা ওইখি। অসুম্না লৈবাক মীয়াম পূম্বা অৱাবনা কুপশিনখি।
খাবা কাঙবুনা কংলা ফম্বালদি পায়রে। অরোনবা লালহৌদা মায় পাক্লে অদুবু লুরিবদি মতৌ করম্না লৈবাক ঙাক্কদগে। পাক চাউখ্রবা লমদম অসি মতৌ করম্না ৱায়েল চৈরাপ চিংগদগে হায়বদুদা খঙদ-হৈতবা ঙাক্তা ওইরম্বনা লৈবাক্না শকখঙবা খঙ-হৈরবা মীওই থম্বগী তঙায়ফদবদু লাক্লে। মরমদি কংলা কায়রবনা মতম অমগী লৈবাক ৱায়েল্লম্বা নিংথৌ পোংবা তরানচিংবা অঙম অথৌ খঙ-হৈবশিং ঙম্লমকসু লোৎখ্রবনা লৈপুবিনবা মী থিরকপদা থাবা কাঙবু অৱাবা ওইরে। মমৈথংদা তঙাইমক ফদনা অনীশুবা নুমিৎকুম মঙাল লৈবী মতম শাংনা লৈবাক ঙাকপা ৱায়েনবদা শিন্থা চংখোনবী লৈবাক্কী লৈমরেম্বী পান্থোইবীবু খাবা কাঙবুনা কুপশেন কুপশেন শেন্নদুনা লোইনরকখিবা। তৌরিবা থৌশিল থৌরাং অসে খঙলবদা ইবেম্মনা মরৌশিং তৌদুনা লমকেৎ লমহাইবী শাদুনা কংলাগী ৱাংমদা থোক্তুনা মবুংঙো নোংপোক নিংথৌবু উন্ননবা পোরম কাংখিবনি।
পান্থোইবী কনানো হায়বা ঙসিসু হংদুনা অদুম লৈরি। লাইরিক্না পীবা ৱারেলদা তম্ফা ৱাঙম্লোন মৈতৈ চনু অমদি মঙাং চনু হায়না শৈথারি। অমুকসু লৈহৌদা, হৈয়া হৈ তমপা কোরৌদা অৱাংবী, ৱাংঙম কোনখৈ অতাম্বী হায়ন শৈথারি। অসিদা হৈয়া হায়বা অসিনা লাইনিংথৌ সনামহিনা লৈপাক শেম্বা লোইরগা কুরুগী হকাচংনুংদগী হোইদোরকপা থৱায় পানবা খৈবীকপু য়াখিবী লৈপাক লৈমবু তাক্লিবনি। মথংদা অমুক হায়রিবনা তম্পা নোংদম হাল্লকপী, তাইবং থৱায় লীলেং ওইরকপী হায়দুনা পূম্নমক্কী হৌরকফম ওইবী, তইবং পানবা হৌদোকপী, থৱায়পানবশিংগী অপোক অসি তৌরিবা মালেম লৈবাক অসিবু তাক্লি। পান্থৌইবীনা পোকপগী মরম ‘পান্থৌইবী খোঙ্গুল’ লাইরিক্কী অহানবদা শৈথারিবদি, “য়োয়বু তম্পা ৱাংঙমলোন মৈতেংঙু চনু পলেম পীনাইদবী, পান্থৌ পান্নাইদবী, নপল লাইরেল তাউরোইনাই অশৈ ৱাংবী লাই তুবী থিংকোক লাইরেম্মবু লাইরেল চিঙয়া ফৈথিংবা, তুবী কোনতমা, লাইরেন ফৈতম্বনা তম্পা নাতোম শাৎপা শাৎমাবী, নমা খোসমোম লাইনামুং নামুংবী, মালেম তম্পাক লৈরেল হুনবী শলাইহনবীনা লাংনবন চেঙগুমনা তৌবগুম য়োয়বু নতোম তোমশাৎপী তম্পা চাকোক অখৈবী, নুগী নুরম তাবী, পাগী পারম শকপী, লুমঙ শম্লোং লয়, লুতুং শমজি ওয়রম হুল খোইমোম লাইগী মপোক খোইখোয়বী” লাইরেম্মা পান্থোইবী মাদি তম্ফা পাম্ব কৈরেল ফাবী, কৈরেল কৈজাও তোংবী, খোকলোই মপালথক্তা লাংগোই শগোল থৌবদা লাংগোই খোঙ্গুল তাদবী খমকোন খোমনেৎনবী মালং চৈরোয়নবী, নুংনাং খুদানবী, নোং চুদনা শাইচোৎপী, নুংশা শাদনা ফৌকংবী তম্ফা কোরৌ অৱাংবী, মালেম লৈবু লুম্বী, কোরৌ নোংবু খোনবী কোরৌ মতে য়াম্বী, ৱাংবল মতৌ য়াম্বী লাইরেম্বীনি।
তেনশিল্পবদা, মাগী মমা অসি লাইগীদি মবেম্মা ওইরগা লাইমক্নি হায়বদি য়াদবী লৈশেম্লকপগীদি মকোক ওইবী লৈশেশ্লবা লৈপাক্কী খ্বাইদগী অহানবনি হায়বা তাক্লি। লাইনিংথৌ নোংপোক অমসু লাইরেম্মা পান্থৌইবী খুভম লাইফম লৈবা খুঙ্গং লৈকাইশিংদা লাইনিংথৌ লাইরেম্মা অনীমকসু উমংলাই ওইনা হরাও শকশেম তম, থৌদোক কুহ্মৈ শান্নদুনা লমদম অদুদা লৈরিবা মচা মনাই ওইবশিংনা খুঞ্জাল লৈচাওদনা চাহোঙ ঙাহোনঙনবগী ইরাৎ থৌরম তৌই। হৌজিক্তি ইমা লাইরেম্মা পান্থোইবী মাবু কুম অমগী লোইদাম মেরা থাদা খুঙ্গং লৈকাইশিংদা ঈরাৎ থৌরম তৌনরে। অদুবু মেরা থাদা ঈরাৎ থৌরম তৌবদা উমংলাই হরাওবগী মওংদদি চৎনদে, তৌনদে। (কর্সি-ঋতু)