ꯃꯥꯎꯟꯠ ꯃꯅꯤꯄꯨꯔ ꯅꯤꯡꯁꯤꯡ ꯈꯨꯚꯝ

ꯃꯥꯎꯟꯠ ꯃꯅꯤꯄꯨꯔ ꯅꯤꯡꯁꯤꯡ ꯈꯨꯚꯝ (ꯏꯪꯂꯤꯁ: "ꯃꯥꯎꯟꯠ ꯃꯅꯤꯄꯨꯔ ꯃꯦꯃꯣꯔꯤꯌꯦꯜ") ꯑꯁꯤ ꯚꯥꯔꯠꯀꯤ ꯑꯟꯗꯃꯥꯟ ꯑꯃꯁꯨꯡ ꯅꯤꯀꯣꯕꯔ ꯑꯥꯏꯂꯦꯟꯗꯒꯤ ꯃꯥꯎꯟꯠ ꯃꯅꯤꯄꯨꯔ (ꯃꯃꯥꯡꯗꯥ ꯃꯥꯎꯟꯠ ꯍꯦꯔꯤꯌꯦꯠ ꯍꯥꯏꯅꯥ ꯈꯪꯅꯔꯝꯕ)ꯗꯥ ꯂꯩꯕꯥ ꯅꯤꯡꯁꯤꯡ ꯈꯨꯚꯝ ꯑꯃꯅꯤ ꯫ ꯁ꯭ꯀ꯭ꯋꯥꯔ ꯐꯤꯠ ꯴꯵꯰꯰꯰ ꯍꯦꯟꯅꯥ ꯁꯥꯡꯕꯥ ꯃꯐꯝ ꯑꯁꯤ ꯃꯅꯤꯄꯨꯔꯤ ꯅꯤꯡꯇꯝ ꯂꯥꯟꯃꯤꯁꯤꯡ ꯑꯃꯁꯨꯡ ꯑꯦꯡꯒ꯭ꯂꯣ-ꯃꯅꯤꯄꯨꯔꯒꯤ ꯂꯥꯟꯒꯤ ꯑꯊꯧꯕꯁꯤꯡꯒꯤꯗꯃꯛ ꯀꯠꯊꯣꯛꯂꯤ꯫ ꯆꯍꯤ ꯲꯰꯲꯲ꯗꯥ ꯅꯤꯡꯁꯤꯡ ꯈꯨꯚꯝ ꯃꯐꯝ ꯑꯁꯤꯅꯥ ꯃꯅꯤꯄꯨꯔꯗꯒꯤ "ꯍꯨꯏꯗ꯭ꯔꯣꯝ ꯗꯤꯖꯥꯏꯟ ꯁ꯭ꯇꯨꯗꯤꯑꯣꯁꯤꯡ"ꯒꯤ ꯗꯤꯖꯥꯏꯟꯁꯤꯡꯒꯤ ꯈꯨꯠꯊꯥꯡꯗꯥ "ꯏꯟꯇꯔꯅꯦꯁ꯭ꯅꯦꯜ ꯃ꯭ꯌꯨꯖ ꯗꯤꯖꯥꯏꯟ ꯑꯦꯋꯥꯔ꯭ꯗ ꯲꯰꯲꯲" ꯐꯪꯈꯤ꯫

ꯄꯨꯋꯥꯔꯤ

ꯆꯍꯤ ꯱꯸꯹꯱ꯗꯥ ꯑꯦꯡꯒ꯭ꯂꯣ-ꯃꯅꯤꯄꯨꯔꯒꯤ ꯂꯥꯟ ꯂꯣꯏꯔꯕꯥ ꯃꯇꯝꯗꯥ ꯃꯅꯤꯄꯨꯔꯒꯤ ꯂꯥꯟꯃꯤ ꯲꯳ꯕꯨ ꯑꯟꯗꯃꯥꯟ ꯑꯃꯁꯨꯡ ꯅꯤꯀꯣꯕꯔ ꯑꯥꯏꯂꯦꯟꯗꯒꯤ ꯕ꯭ꯔꯤꯇꯤꯁꯀꯤ ꯄꯦꯅꯥꯜ ꯀꯣꯂꯣꯅꯤꯗꯥ ꯊꯥꯗꯣꯛꯈꯤ, ꯃꯗꯨꯒꯤ ꯃꯅꯨꯡꯗꯥ ꯃꯅꯤꯄꯨꯔꯒꯤ ꯃꯍꯥꯔꯥꯖꯥ ꯃꯩꯇꯩ-ꯅꯤꯡꯊꯧ "ꯀꯨꯂꯆꯟꯗ꯭ꯔ ꯙ꯭ꯋꯖꯥ ꯁꯤꯡꯍ"ꯁꯨ ꯌꯥꯎꯈꯤ꯫ ꯂꯣꯏ ꯊꯥꯈꯤꯕ ꯃꯇꯃꯗꯥ ꯑꯥꯏꯂꯦꯟ꯭ꯗ ꯑꯗꯨꯗꯥ ꯁꯦꯜꯂꯨꯂꯔ ꯖꯦꯜ (ꯀꯂꯥꯄꯥꯅꯤ) ꯁꯥꯕꯥ ꯂꯣꯏꯗ꯭ꯔꯤ ꯫ ꯑꯗꯨꯅꯥ, ꯀꯨꯂꯆꯟꯗ꯭ꯔ ꯁꯤꯡꯍ ꯑꯃꯁꯨꯡ ꯑꯇꯣꯞꯄꯥ ꯅꯤꯡꯇꯝ ꯂꯥꯟꯃꯤꯁꯤꯡ ꯲꯲ ꯃꯥꯎꯟꯠ ꯃꯅꯤꯄꯨꯔꯗꯥ, ꯈꯥ ꯑꯟꯗꯃꯥꯟ ꯖꯤꯂꯥꯗꯥ ꯖꯦꯜꯗꯥ ꯊꯝꯈꯤ꯫

ꯃꯥꯎꯟꯠ ꯃꯅꯤꯄꯨꯔꯗꯥ "ꯃꯥꯎꯟꯠ ꯃꯅꯤꯄꯨꯔ ꯃꯦꯃꯣꯔꯤꯌꯦꯜ" ꯁꯥꯏꯠ ꯁꯥꯗ꯭ꯔꯤꯉꯩ ꯃꯃꯥꯡꯗꯥ, ꯃꯅꯤꯄꯨꯔ ꯁꯔꯀꯥꯔꯅꯥ ꯑꯟꯗꯃꯥꯟ ꯑꯃꯁꯨꯡ ꯅꯤꯀꯣꯕꯔ ꯑꯥꯏꯂꯦꯟꯗꯒꯤ ꯁꯔꯀꯥꯔꯒꯤ ꯑꯣꯊꯣꯔꯤꯇꯤꯁꯤꯡꯒꯥ ꯋꯥꯔꯤ ꯁꯥꯅꯗꯨꯅꯥ ꯃꯅꯤꯄꯨꯔꯤ ꯂꯥꯟꯃꯤꯁꯤꯡꯒꯤ ꯃꯦꯃꯣꯔꯤꯌꯦꯜ ꯁꯥꯏꯠ ꯑꯁꯤ ꯁꯥꯅꯕꯥ ꯂꯝ ꯑꯃꯥ ꯄꯤꯅꯕꯥ ꯋꯥꯔꯤ ꯁꯥꯅꯈꯤ꯫ ꯆꯍꯤ ꯲꯰꯱꯹ꯗꯥ ꯑꯦ.ꯑꯦꯟꯗ.ꯑꯦꯟ.ꯒꯤ ꯑꯣꯊꯣꯔꯤꯇꯤꯁꯤꯡꯅꯥ ꯁꯦꯜꯂꯨꯂꯔ ꯖꯦꯜꯒꯤ ꯃꯅꯥꯛꯇꯥ ꯂꯩꯕꯥ ꯂꯝ ꯑꯃꯥ ꯄꯤꯅꯕꯥ ꯌꯥꯅꯈꯤ꯫ ꯑꯗꯨꯕꯨ ꯀꯣꯕꯤꯗ-꯱꯹ ꯂꯥꯏꯆꯠꯅꯥ ꯃꯔꯝ ꯑꯣꯏꯗꯨꯅꯥ ꯁꯥꯕꯒꯤ ꯊꯧꯑꯣꯡ ꯑꯁꯤ ꯊꯦꯡꯊꯈꯤ꯫ ꯃꯦꯃꯣꯔꯤꯌꯦꯜ ꯁꯥꯏꯠ ꯑꯁꯤ ꯁꯥꯕꯗꯥ ꯃꯅꯤꯄꯨꯔ ꯁꯔꯀꯥꯔꯗꯥ ꯚꯥꯔꯠꯀꯤ ꯀꯦꯟꯗ꯭ꯔ ꯁꯔꯀꯥꯔꯅꯥ ꯃꯇꯦꯡ ꯄꯥꯡꯈꯤ꯫

ꯃꯑꯣꯡ ꯃꯇꯧꯁꯤꯡ

ꯃꯥꯎꯟꯠ ꯃꯅꯤꯄꯨꯔ ꯃꯦꯃꯣꯔꯤꯌꯦꯜ ꯁꯥꯏꯠ ꯑꯁꯤꯗꯥ ꯃ꯭ꯌꯨꯖꯤꯌꯝ, ꯔꯣꯌꯦꯜ ꯁ꯭ꯌꯣꯔ꯭ꯗ ꯃꯣꯅꯨꯃꯦꯟꯠ, ꯒꯦꯜꯂꯔꯤꯁꯤꯡ, ꯑꯥꯎꯠꯗꯣꯔ ꯑꯣꯗꯤꯇꯣꯔꯤꯌꯝ, ꯀꯦꯐꯦꯇꯦꯔꯤꯌꯝ ꯑꯃꯁꯨꯡ ꯒꯥꯔꯗꯦꯟꯁꯤꯡ ꯎꯠꯂꯤ ꯑꯃꯁꯨꯡ ꯂꯩꯔꯤ꯫

ꯊꯥꯡꯒꯤ ꯃꯤꯇꯝ

ꯃꯥꯎꯟꯠ ꯃꯅꯤꯄꯨꯔ ꯃꯦꯃꯣꯔꯤꯌꯦꯜꯗꯥ ꯂꯩꯕꯥ "ꯊꯥꯡꯒꯤ ꯃꯣꯅꯨꯃꯦꯟꯠ" ꯑꯁꯤ ꯑꯦꯡꯒ꯭ꯂꯣ-ꯃꯅꯤꯄꯨꯔ ꯂꯥꯟꯗꯥ ꯅꯤꯡꯇꯝ ꯂꯥꯟꯃꯤꯁꯤꯡ ꯑꯃꯁꯨꯡ ꯑꯊꯧꯕꯁꯤꯡ ꯀꯠꯊꯣꯛꯈꯤꯕꯁꯤꯡ ꯑꯗꯨ ꯅꯤꯡꯁꯤꯡꯕꯥ ꯌꯥꯕꯥ ꯃꯤꯇꯝ ꯑꯃꯅꯤ꯫ ꯃꯁꯤ ꯃꯩꯇꯩ-ꯅꯤꯡꯊꯧ ꯀꯨꯂꯆꯟꯗ꯭ꯔ ꯙ꯭ꯋꯖꯥ ꯁꯤꯡꯍ, ꯃꯅꯤꯄꯨꯔ ꯅꯤꯡꯊꯧ ꯂꯩꯕꯥꯛꯀꯤ ꯃꯍꯥꯔꯥꯖꯥ ꯑꯃꯁꯨꯡ ꯃꯅꯤꯄꯨꯔꯤ ꯅꯤꯡꯇꯝ ꯂꯥꯟꯃꯤ ꯲꯲ꯗꯥ ꯑꯈꯟꯅꯅꯥ ꯀꯠꯊꯣꯛꯂꯕꯥ ꯒꯦꯜꯂꯔꯤ ꯑꯃꯒꯥ ꯃꯔꯤ ꯂꯩꯅꯩ, ꯃꯈꯣꯏꯁꯤꯡ ꯑꯗꯨ ꯂꯥꯟ ꯂꯣꯏꯔꯕꯥ ꯃꯇꯨꯡꯗꯥ ꯃꯈꯣꯏꯒꯤ ꯃꯌꯨꯝ ꯃꯅꯤꯄꯨꯔꯗꯒꯤ "ꯃꯥꯎꯟꯠ ꯃꯅꯤꯄꯨꯔ"ꯗꯥ ꯊꯥꯗꯣꯛꯈꯤ꯫

ꯃꯅꯥꯁꯤꯡ ꯑꯃꯁꯨꯡ ꯏꯀꯥꯏꯈꯨꯝꯅꯕꯁꯤꯡ

ꯃꯥꯎꯟꯠ ꯃꯅꯤꯄꯨꯔ ꯃꯦꯃꯣꯔꯤꯌꯦꯜ ꯑꯁꯤ ꯗꯤꯖꯥꯏꯅꯔ "ꯁꯨꯔꯦꯁ ꯍꯨꯏꯗ꯭ꯔꯣꯝ"ꯅꯥ ꯂꯨꯆꯤꯡꯕꯥ ꯃꯅꯤꯄꯨꯔꯗꯥ ꯂꯩꯕꯥ "ꯍꯨꯏꯗ꯭ꯔꯣꯝ ꯗꯤꯖꯥꯏꯟ ꯁ꯭ꯇꯨꯗꯤꯑꯣꯁꯤꯡ"ꯅꯥ ꯗꯤꯖꯥꯏꯟ ꯇꯧꯈꯤ, ꯅꯦꯚꯤꯌꯥ ꯂꯥꯏꯁ꯭ꯔꯝꯅꯥ ꯂꯨꯆꯤꯡꯕꯥ ꯑꯥꯔꯀꯤꯇꯦꯛꯆꯔ ꯑꯣꯏꯅꯥ, ꯔꯤꯕꯥꯁ ꯑꯀꯣꯏꯖꯝꯅꯥ ꯚꯤꯖꯨꯑꯦꯜ ꯑꯥꯔꯀꯤꯇꯦꯛꯆꯔ ꯑꯣꯏꯅꯥ, ꯒꯦꯂꯦꯛꯁꯤ ꯄꯨꯡꯌꯥꯝꯕꯝꯅꯥ ꯁꯤꯚꯤꯜ ꯏꯟꯖꯤꯅꯤꯌꯔ ꯑꯣꯏꯅꯥ ꯑꯃꯁꯨꯡ ꯗꯦꯅꯤ ꯑꯍꯣꯡꯁꯥꯡꯕꯝꯅꯥ ꯑꯦꯁꯤꯁ꯭ꯇꯦꯟꯠ ꯑꯥꯔꯀꯤꯇꯦꯛꯆꯔ ꯑꯣꯏꯅꯥ ꯁꯦꯝꯈꯤꯕꯅꯤ꯫ ꯃꯁꯤꯗꯥ ꯑꯥꯔꯀꯤꯇꯦꯛꯆꯔ ꯀꯟꯁꯦꯞꯇ ꯗꯤꯖꯥꯏꯟ ꯀꯝꯄꯤꯇꯤꯁꯟꯗꯥ "ꯏꯟꯇꯔꯅꯦꯁ꯭ꯅꯦꯜ ꯃ꯭ꯌꯨꯖ ꯗꯤꯖꯥꯏꯟ ꯑꯦꯋꯥꯔꯗ ꯲꯰꯲꯲" ꯄꯤꯈꯤ꯫ ꯃꯗꯨꯒꯤ ꯃꯇꯨꯡꯗꯥ, ꯃꯦꯃꯣꯔꯤꯌꯦꯜ ꯁꯥꯏꯠ ꯑꯁꯤꯅꯥ ꯃꯥꯂꯦꯝꯒꯤ ꯑꯣꯏꯕꯥ ꯃꯐꯝ ꯑꯗꯨꯗꯥ ꯄꯨꯛꯅꯤꯡ ꯆꯤꯡꯁꯤꯟꯈ꯭ꯔꯦ꯫ ꯇ꯭ꯋꯤꯠꯇꯔꯗꯥ ꯄꯣꯁ꯭ꯠ ꯇꯧꯔꯛꯄꯗꯥ "ꯍꯨꯏꯗ꯭ꯔꯣꯝ ꯗꯤꯖꯥꯏꯟ ꯁ꯭ꯇꯨꯗꯤꯑꯣ"ꯅꯥ ꯃꯈꯥꯒꯤ ꯑꯁꯤ ꯏꯈꯤ:

"Huidrom Design Studios is once again excited and honoured to receive the prestigious International Muse Design Award 2022 (Season2) as a GOLD WINNER for the Project Mount Manipur Memorial (Architectural Concept Design Competition). We are so blessed by the opportunity given to us by the Government of Manipur. Our special thanks to honourable CM Manipur for his incredible Vision and Ideas and for believing in us. This project design is indeed an organic design that not only the entire world recognized but also helps us leave footprints in the field of architecture today."

ꯃꯁꯤꯒꯤ ꯋꯥꯍꯟꯊꯣꯛꯇꯤ:

“ꯍꯨꯏꯗ꯭ꯔꯣꯝ ꯗꯤꯖꯥꯏꯟ ꯁ꯭ꯇꯨꯗꯤꯑꯣꯁꯤꯡꯅꯥ ꯄ꯭ꯔꯣꯖꯦꯛꯇ ꯃꯥꯎꯟꯠ ꯃꯅꯤꯄꯨꯔ ꯃꯦꯃꯣꯔꯤꯌꯦꯜ (ꯑꯥꯔꯀꯤꯇꯦꯛꯆꯔ ꯀꯟꯁꯦꯞꯠ ꯗꯤꯖꯥꯏꯟ ꯀꯝꯄꯤꯇꯤꯁꯟ)ꯒꯤꯗꯃꯛ GOLD WINNER ꯑꯃꯥ ꯑꯣꯏꯅꯥ ꯃꯃꯤꯡ ꯂꯩꯔꯕꯥ ꯏꯟꯇꯔꯅꯦꯁ꯭ꯅꯦꯜ ꯃ꯭ꯌꯨꯖ ꯗꯤꯖꯥꯏꯟ ꯑꯦꯋꯥꯔꯗ ꯲꯰꯲꯲ (ꯁꯤꯖꯟ ꯲) ꯐꯪꯕꯗꯥ ꯑꯃꯨꯛ ꯍꯟꯅꯥ ꯍꯔꯥꯎꯕꯥ ꯑꯃꯁꯨꯡ ꯏꯀꯥꯏꯈꯨꯝꯅꯕꯥ ꯎꯠꯂꯤ꯫ ꯃꯅꯤꯄꯨꯔ ꯂꯩꯉꯥꯛꯅꯥ ꯑꯩꯈꯣꯏꯗꯥ ꯄꯤꯕꯤꯔꯤꯕꯥ ꯈꯨꯗꯣꯡꯆꯥꯕꯥ ꯑꯁꯤꯅꯥ ꯑꯩꯈꯣꯏꯗꯥ ꯑꯁꯨꯛ ꯌꯥꯝꯅꯥ ꯊꯧꯖꯥꯜ ꯐꯪꯖꯔꯤ꯫ ꯏꯀꯥꯏ ꯈꯨꯝꯅꯖꯔꯕꯥ ꯁꯤ.ꯑꯦꯝ. ꯃꯁꯤꯒꯤ ꯄ꯭ꯔꯣꯖꯦꯛꯇ ꯗꯤꯖꯥꯏꯟ ꯑꯁꯤ ꯇꯁꯦꯡꯅꯥ ꯃꯥꯂꯦꯝ ꯄꯨꯝꯕꯅꯥ ꯁꯛꯈꯪꯕꯥ ꯈꯛꯇꯥ ꯅꯠꯇꯅꯥ ꯉꯁꯤꯗꯤ ꯑꯥꯔꯀꯤꯇꯦꯛꯆꯔꯒꯤ ꯂꯝꯗꯥ ꯈꯣꯡꯖꯦꯜ ꯌꯥꯡꯅꯥ ꯆꯠꯄꯗꯥ ꯃꯇꯦꯡ ꯄꯥꯡꯂꯤꯕꯥ ꯑꯣꯔꯒꯥꯅꯤꯛ ꯗꯤꯖꯥꯏꯟ ꯑꯃꯅꯤ꯫”