ꯄꯥꯟꯊꯣꯏꯄꯤ

ꯃꯤꯇꯩ ꯂꯥꯢꯅꯤꯡꯒꯤ ꯂꯥꯢꯔꯦꯝꯕꯤ
(ꯄꯥꯟꯊꯣꯢꯕꯤ ꯗꯒꯤ ꯑꯃꯨꯛꯍꯟꯂꯛꯄ)

ꯄꯥꯟꯊꯣꯢꯄꯤ (ꯄꯥꯟꯊꯣꯏꯄꯤ) ꯅꯠꯇ꯭ꯔꯒ ꯄꯥꯟꯊꯣꯢꯕꯤ (ꯄꯥꯟꯊꯣꯏꯕꯤ) ꯑꯁꯤ ꯃꯤꯇꯩ ꯀꯥꯡꯂꯨꯞ (ꯃꯩꯇꯩ ꯀꯥꯡꯂꯨꯞ)ꯀꯤ ꯁꯅꯥꯃꯍꯤ ꯂꯥꯏꯅꯤꯡ (ꯂꯥꯢꯅꯤꯡꯊꯧ ꯂꯥꯢꯅꯤꯡ/ꯂꯥꯏꯅꯤꯡꯊꯧ ꯂꯥꯏꯅꯤꯡ) ꯑꯃꯗꯤ ꯃꯩꯇꯩꯒꯤ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤꯒꯤ ꯁꯥ-ꯂꯥꯟ ꯒꯤ ꯑꯣꯢꯕꯤ, ꯃꯤ ꯂꯥꯢ ꯀꯤꯗꯕꯤ, ꯅꯨꯡꯁꯤ ꯅꯨꯡꯑꯣꯜꯒꯤ ꯑꯣꯢꯕꯤ, ꯊꯧꯅꯥ ꯂꯤꯡꯖꯦꯜ ꯂꯩꯕꯤ ꯂꯥꯢꯔꯦꯝꯕꯤ ꯑꯃ ꯑꯣꯢꯅ ꯂꯧꯢ ꯫ ꯃꯍꯥꯛꯀꯤ ꯍꯤꯟꯗꯨ ꯂꯥꯢꯅꯤꯡꯒꯤ ꯂꯦꯡꯃꯥꯟꯅꯕꯤ ꯂꯥꯢꯔꯦꯝꯃꯗꯤ ꯗꯨꯔꯒꯥꯅꯤ ꯫ ꯃꯍꯥꯛꯀꯤ ꯒ꯭ꯔꯤꯛ ꯂꯥꯢꯅꯤꯡꯒꯤ ꯂꯦꯡꯃꯥꯟꯅꯕꯤ ꯂꯥꯢꯔꯦꯝꯕꯤꯗꯤ ꯑꯊꯤꯅꯥ (ꯑꯦꯊꯦꯅꯥ) ꯅꯤ ꯫ ꯃꯍꯥꯛ ꯑꯁꯤ ꯃꯤꯇꯩ ꯐꯨꯔꯨꯞꯅ ꯈꯨꯟꯗꯥꯕ ꯀꯪꯂꯩꯄꯥꯛ (ꯃꯅꯤꯄꯨꯔ), ꯑꯁꯥꯝ, ꯇ꯭ꯔꯤꯄꯨꯔꯥ, ꯕꯪꯂꯥꯗꯦꯁ ꯑꯃꯗꯤ ꯃ꯭ꯌꯥꯟꯃꯥꯔꯗ ꯏꯔꯥꯠꯂꯤ ꯫[꯱]

ꯑꯁꯥꯝ ꯒꯤ ꯍꯣꯖꯥꯢ ꯅꯇꯨꯟ ꯕꯖꯥꯔ ꯗ ꯄꯥꯟꯊꯣꯢꯕꯤ ꯏꯔꯥꯠꯄ (ꯄꯥꯟꯊꯣꯢꯄꯤ ꯏꯂꯥꯠꯄ) ꯀꯨꯝꯍꯩ ꯄꯥꯡꯊꯣꯛꯄꯗ ꯂꯥꯠꯄ ꯄꯥꯟꯊꯣꯢꯕꯤ (ꯄꯥꯟꯊꯣꯢꯄꯤ) ꯏꯃꯥ ꯒꯤ ꯃꯤꯇꯝ ꯒꯤ ꯁꯛꯇꯝ ꯅꯤ ꯫
ꯄꯥꯟꯊꯣꯢꯄꯤ (ꯄꯥꯟꯊꯣꯏꯄꯤ, ꯄꯥꯟꯊꯣꯢꯕꯤ, ꯄꯥꯟꯊꯣꯏꯕꯤ) ꯑꯁꯤ ꯀꯪꯂꯩꯄꯥꯛ ꯃꯅꯤꯄꯨꯔ ꯒꯤ ꯃꯤꯇꯩ/ꯃꯩꯇꯩ ꯅꯤꯡꯊꯧ ꯒꯤ ꯃꯆꯥꯅꯨꯄꯤ ꯑꯃꯅꯤ꯫ ꯃꯍꯥꯛꯁꯤ ꯇꯨꯡꯂꯝꯆꯠꯇ ꯂꯥꯢꯔꯦꯝꯕꯤ ꯑꯃ ꯑꯣꯢꯅ ꯂꯥꯠꯅꯈꯤ꯫ ꯃꯍꯥꯛꯁꯤ ꯁꯒꯣꯜ ꯊꯧꯕ ꯍꯩꯕꯤꯅꯤ ꯍꯥꯢꯅꯁꯨ ꯂꯧꯅꯩ꯫

ꯄꯨꯋꯥꯔꯤ ꯁꯦꯝꯒꯠꯂꯨ

 

ꯄꯥꯟꯊꯣꯏꯕꯤ ꯈꯣꯡꯒꯨꯜꯒꯤ ꯃꯇꯨꯡ ꯏꯟꯅ ꯈꯥꯕ ꯅꯤꯡꯊꯧ ꯁꯥꯒꯩꯒꯤ ꯃꯇꯝꯗ ꯂꯥꯏꯔꯦꯝꯕꯤ ꯄꯥꯟꯊꯣꯏꯕꯤꯕꯨ ꯈꯨꯔꯨꯝꯖꯕ ꯍꯧꯈꯤ꯫ ꯈ꯭ꯔꯤꯁꯇ ꯄꯨꯝꯖꯥ ꯱꯱꯰꯰ꯗ ꯂꯣꯌꯨꯝꯕ ꯁꯤꯟꯌꯦꯟꯅ ꯂꯥꯏꯔꯦꯝꯕꯤ ꯄꯥꯟꯊꯣꯏꯕꯤꯗ ꯍꯥꯏꯁꯅꯝ ꯁꯥꯒꯩꯅ ꯁꯦꯕꯥꯒꯤ ꯃꯇꯥꯡꯗ ꯄꯜꯂꯤ꯫ ꯂꯥꯏꯔꯤꯛ ꯑꯁꯤꯅ ꯃꯍꯥꯛꯄꯨ ꯈ꯭ꯋꯥꯏꯗꯒꯤ ꯅꯨꯡꯁꯤꯖꯕ ꯃꯩꯇꯩ ꯂꯥꯏꯔꯦꯝꯕꯤꯅꯤ ꯍꯥꯏꯅ ꯀꯧꯏ꯫ ꯱꯷ꯁꯨꯕ ꯆꯍꯤꯆꯥꯗ ꯄꯥꯟꯊꯣꯏꯕꯤꯅ ꯀꯩ ꯑꯃꯗ ꯊꯧꯗꯨꯅ ꯂꯥꯟꯒꯤ ꯂꯥꯏꯔꯦꯝꯕꯤ ꯑꯃ ꯑꯣꯏꯅ ꯊꯣꯛꯂꯛꯈꯤ꯫ ꯆꯦꯏꯊꯥꯔꯣꯜ ꯀꯨꯝꯕꯥꯕꯥꯒꯤ ꯄꯥꯟꯊꯣꯏꯕꯤꯒꯤ ꯂꯥꯏꯁꯪ ꯑꯃ ꯁꯥꯕꯒꯤ ꯑꯍꯥꯟꯕ ꯔꯦꯀꯣꯔ꯭ꯗ ꯑꯗꯨ ꯆꯍꯤ ꯱꯶꯸꯶ꯇ ꯑꯣꯏꯈꯤ꯫ ꯆꯞ ꯃꯥꯟꯅꯕ ꯂꯥꯏꯔꯤꯛ ꯑꯗꯨꯒꯤ ꯃꯍꯥꯛꯀꯤ ꯃꯤꯇꯝ ꯁꯥꯕꯒꯤ ꯑꯍꯥꯟꯕ ꯔꯦꯀꯣꯔ꯭ꯗ ꯑꯗꯨ ꯆꯍꯤ ꯱꯶꯹꯹ꯗ ꯑꯣꯏꯈꯤ꯫ ꯱꯸ꯁꯨꯕ ꯆꯍꯤꯆꯥꯗ ꯄꯥꯟꯊꯣꯏꯕꯤꯕꯨ ꯈꯨꯔꯨꯝꯖꯕꯒꯤ ꯆꯥꯡ ꯍꯟꯊꯔꯛꯈꯤ ꯃꯁꯤꯅ ꯃꯅꯤꯄꯨꯔꯗ ꯕꯩꯁꯅꯚꯤꯖꯝ ꯆꯥꯎꯈꯠꯂꯛꯄꯒꯤ ꯃꯃꯤ ꯇꯥꯈꯤ꯫ ꯍꯤꯟꯗꯨ ꯅꯤꯡꯊꯧ ꯒꯔꯤꯕ ꯅꯤꯋꯥꯖ ꯄꯥꯝꯍꯦꯏꯕꯥ (꯱꯷꯰꯹-꯱꯷꯴꯸)ꯅ ꯃꯍꯥꯛꯀꯤ ꯂꯥꯏꯁꯪꯁꯤꯡ ꯂꯧꯊꯣꯛꯈꯤ ꯑꯃꯁꯨꯡ ꯃꯍꯥꯛꯀꯤ ꯃꯤꯇꯝꯁꯤꯡ ꯊꯨꯒꯥꯏꯈꯤ, ꯑꯃꯁꯨꯡ ꯱꯸ꯁꯨꯕ ꯆꯍꯤꯆꯥꯗꯒꯤ ꯍꯧꯅ ꯄꯥꯟꯊꯣꯏꯕꯤꯕꯨ ꯍꯤꯟꯗꯨ ꯂꯥꯏꯔꯦꯝꯕꯤ ꯗꯨꯔꯒꯥꯒꯤ ꯃꯁꯛ ꯑꯃ ꯑꯣꯏꯅ ꯅꯠꯇ꯭ꯔꯒ ꯃꯍꯥꯛꯀꯤ ꯁꯥꯌꯣꯟ ꯑꯣꯏꯅ ꯅꯠꯇ꯭ꯔꯒ ꯃꯍꯥꯛꯀꯤ ꯃꯁꯛ ꯑꯣꯏꯅ ꯂꯧꯅꯈꯤ꯫[꯱]

 
ꯑꯁꯥꯝ ꯒꯤ ꯍꯣꯖꯥꯢ ꯅꯇꯨꯟ ꯕꯖꯥꯔ ꯗ ꯄꯥꯟꯊꯣꯢꯕꯤ ꯏꯔꯥꯠꯄ (ꯄꯥꯟꯊꯣꯢꯄꯤ ꯏꯂꯥꯠꯄ) ꯀꯨꯝꯍꯩ ꯄꯥꯡꯊꯣꯛꯄꯗ ꯂꯥꯠꯄ ꯄꯥꯟꯊꯣꯢꯕꯤ (ꯄꯥꯟꯊꯣꯢꯄꯤ) ꯏꯃꯥ ꯒꯤ ꯃꯤꯇꯝ ꯒꯤ ꯁꯛꯇꯝ ꯅꯤ ꯫

ꯄꯥꯟꯊꯣꯏꯕꯤ ꯍꯥꯏꯕꯁꯤ ꯃꯩꯇꯩ ꯅꯤꯡꯊꯧ ꯑꯃꯒꯤ ꯃꯆꯥꯅꯨꯄꯤ ꯑꯃꯥꯕꯨ ꯍꯦꯟꯗꯣꯛꯂꯕ ꯐꯖꯕꯒꯤ ꯅꯨꯄꯤ ꯑꯃꯅꯤ꯫ ꯀꯪꯂꯩꯄꯥꯛꯀꯤ ꯇꯝꯄꯥꯛꯀꯤ ꯅꯣꯡꯆꯨꯞ ꯊꯪꯕ ꯁꯔꯨꯛꯇꯒꯤ ꯅꯤꯡꯊꯧ ꯁꯄꯥꯏꯕꯥ ꯌꯥꯎꯅ ꯅꯤꯡꯊꯧ ꯑꯃꯁꯨꯡ ꯅꯤꯡꯊꯧꯃꯆꯥ ꯀꯌꯥꯅ ꯃꯍꯥꯛꯀ ꯂꯨꯍꯣꯡꯕ ꯄꯥꯝꯈꯤ꯫ ꯀꯔꯤꯒꯨꯝꯕ ꯃꯍꯥꯛꯅ ꯃꯍꯥꯛꯀ ꯂꯨꯍꯣꯡꯂꯕꯗꯤ ꯃꯍꯥꯛꯅ ꯑꯐꯕ ꯂꯝꯕꯤꯁꯤꯡ, ꯐꯖꯔꯕ ꯊꯣꯡꯁꯤꯡ, ꯑꯃꯁꯨꯡ ꯄꯥꯛ-ꯆꯥꯎꯕ ꯌꯨꯝ ꯑꯃꯁꯨꯡ ꯉꯥꯒꯤ ꯄꯨꯈ꯭ꯔꯤꯁꯤꯡ ꯁꯥꯒꯅꯤ ꯍꯥꯏꯅ ꯋꯥꯁꯛꯈꯤ, ꯑꯗꯨꯕꯨ ꯃꯍꯥꯛꯅ ꯃꯍꯥꯛꯀꯤ ꯋꯥꯐꯝ ꯑꯗꯨ ꯌꯥꯈꯤꯗꯦ꯫ ꯑꯔꯣꯏꯕꯗ, ꯄꯥꯟꯊꯣꯏꯕꯤꯅ ꯅꯤꯡꯊꯧ ꯈꯥꯕ ꯁꯣꯛꯔꯣꯡꯕꯥ ꯑꯃꯁꯨꯡ ꯈꯥꯕꯥ ꯅꯤꯡꯊꯧ ꯁꯥꯒꯩꯒꯤ ꯂꯩꯃ ꯇꯦꯛꯡꯒꯥꯒꯤ ꯃꯆꯥꯅꯨꯄꯥ ꯇꯔꯥꯡ ꯈꯣꯏꯅꯨꯆꯥꯒ ꯂꯨꯍꯣꯡꯈꯤ꯫[꯱]

ꯄꯥꯟꯊꯣꯏꯕꯤꯅ ꯑꯍꯥꯡꯕ ꯂꯝꯄꯥꯛꯁꯤꯡꯗ ꯆꯠꯂꯤꯉꯩꯗ, ꯆꯦꯜꯂꯤꯕ ꯇꯨꯔꯦꯜ ꯑꯗꯨꯒꯤ ꯑꯏꯪꯕ ꯏꯁꯤꯡꯗ ꯏꯔꯨꯖꯕ ꯑꯃꯁꯨꯡ ꯁꯥꯟꯅꯔꯤꯉꯩ ꯃꯇꯝꯗ ꯂꯥꯏ ꯅꯣꯡꯄꯣꯛ ꯅꯤꯡꯊꯣꯎꯒ ꯑꯍꯥꯟꯕ ꯑꯣꯏꯅ ꯎꯅꯈꯤ꯫ ꯃꯍꯥꯛ ꯃꯍꯥꯛꯀꯤ ꯐꯖꯔꯕ ꯃꯑꯣꯡ ꯃꯇꯧ ꯑꯃꯁꯨꯡ ꯑꯋꯥꯡꯕ ꯊꯥꯛꯀꯤ ꯃꯁꯛ ꯑꯗꯨꯗ ꯄꯨꯛꯅꯤꯡ ꯆꯤꯡꯁꯤꯟꯈꯤ꯫ ꯃꯈꯣꯏ ꯑꯅꯤ ꯑꯁꯤ ꯑꯍꯥꯟꯕ ꯎꯕꯗ ꯅꯨꯡꯁꯤꯅꯈꯤ꯫ ꯅꯣꯡꯄꯣꯛ ꯅꯤꯡꯊꯣꯎꯅ ꯄꯥꯟꯊꯣꯏꯕꯤꯗ ꯃꯍꯥꯛꯀ ꯂꯣꯏꯅꯅ ꯆꯦꯟꯅꯕ ꯍꯥꯏꯈꯤ꯫ ꯄꯥꯟꯊꯣꯏꯕꯤ ꯑꯃꯁꯨꯡ ꯅꯣꯡꯄꯣꯛ ꯅꯤꯡꯊꯣꯎꯒ ꯂꯣꯟꯅ ꯀꯌꯥꯔꯛ ꯎꯅꯈꯤ, ꯑꯃꯁꯨꯡ ꯃꯍꯥꯛꯀꯤ ꯃꯀꯨ-ꯃꯅꯥꯎꯁꯤꯡꯅ ꯆꯤꯡꯅꯈꯤ꯫ ꯃꯍꯥꯛꯀꯤ ꯁꯤꯕ ꯌꯥꯕ ꯃꯄꯨꯔꯣꯏꯕꯅ ꯃꯍꯥꯛꯀꯤ ꯊꯃꯣꯏ ꯀꯌꯥꯔꯛ ꯂꯧꯅꯕ ꯍꯣꯠꯅꯈꯤ, ꯑꯗꯨꯕꯨ ꯃꯥꯏ ꯄꯥꯛꯈꯤꯗꯦ꯫[꯱]

ꯄꯥꯟꯊꯣꯏꯕꯤ ꯑꯃꯁꯨꯡ ꯅꯣꯡꯄꯣꯛ ꯅꯤꯡꯊꯣꯎꯅ ꯑꯔꯣꯏꯕꯗ ꯆꯦꯟꯈꯤ, ꯇꯥꯡꯈꯨꯜꯁꯤꯡꯒꯤ ꯁꯛꯂꯣꯟ ꯂꯧꯗꯨꯅ ꯀꯣꯅꯨꯡ ꯑꯗꯨꯗꯒꯤ ꯆꯦꯟꯈꯤ꯫ ꯂꯥꯏꯒꯤ ꯑꯣꯏꯕ ꯅꯨꯡꯁꯤꯖꯕ ꯑꯅꯤ ꯑꯗꯨ ꯑꯔꯣꯏꯕꯗ ꯅꯣꯡꯃꯥꯏꯆꯤꯡ ꯆꯤꯡꯁꯤꯡꯒꯤ ꯅꯨꯃꯤꯠꯅ ꯁꯣꯛꯂꯕ ꯑꯉꯝꯕ ꯃꯐꯝꯁꯤꯡꯗ ꯄꯨꯟꯁꯤꯟꯈꯤ꯫ ꯃꯈꯣꯏꯒꯤ ꯅꯨꯡꯉꯥꯏꯔꯕ ꯄꯨꯟꯁꯤ ꯑꯗꯨ ꯂꯥꯏꯁꯤꯡꯅ ꯖꯒꯣꯏ ꯑꯃꯁꯨꯡ ꯏꯁꯩ-ꯅꯣꯡꯃꯥꯏꯒ ꯂꯣꯏꯅꯅ ꯄꯥꯡꯊꯣꯛꯈꯤ꯫ ꯃꯁꯤꯒꯤ ꯍꯔꯥꯎ-ꯀꯨꯝꯍꯩ ꯑꯁꯤꯅ ꯂꯥꯏ ꯍꯔꯥꯎꯕꯥ ꯀꯨꯝꯍꯩ ꯄꯣꯛꯈꯤ꯫ ꯋꯥꯔꯤ ꯑꯁꯤꯒꯤ ꯑꯇꯣꯞꯄ ꯃꯑꯣꯡ ꯑꯃꯗ, ꯄꯥꯟꯊꯣꯏꯕꯤꯅ ꯃꯍꯥꯛꯀꯤ ꯃꯄꯥꯕꯨꯡꯕꯨ ꯀꯛꯊꯠꯂꯒ ꯃꯩ ꯊꯥꯕꯗ ꯃꯇꯦꯡ ꯄꯥꯡꯂꯤꯉꯩ ꯃꯇꯝꯗ ꯑꯍꯥꯟꯕ ꯑꯣꯏꯅ ꯅꯣꯡꯄꯣꯛ ꯅꯤꯡꯊꯣꯎꯒ ꯎꯅꯈꯤ꯫ ꯑꯅꯤ ꯑꯁꯤ ꯑꯍꯥꯟꯕ ꯎꯕꯗ ꯅꯨꯡꯁꯤꯅꯈꯤ, ꯑꯗꯨꯕꯨ ꯄꯥꯟꯊꯣꯏꯕꯤꯅ ꯍꯥꯟꯅꯅ ꯃꯍꯥꯛꯀꯤ ꯑꯄꯥꯝꯕꯒꯤ ꯃꯥꯌꯣꯛꯇ ꯑꯇꯣꯞꯄ ꯅꯨꯄꯥ ꯑꯃꯒ ꯂꯨꯍꯣꯡꯈꯤ꯫ ꯃꯍꯥꯛꯅ ꯃꯍꯥꯛꯀꯤ ꯑꯁꯦꯡꯕ ꯅꯨꯡꯁꯤꯕ ꯑꯗꯨ ꯊꯤꯅꯕ ꯃꯍꯥꯛꯀꯤ ꯃꯄꯨꯔꯣꯏꯕꯒꯤ ꯃꯌꯨꯝ ꯊꯥꯗꯣꯛꯈꯤ꯫ ꯅꯣꯡꯄꯣꯛ ꯅꯤꯡꯊꯣꯎꯁꯨ ꯆꯞ ꯃꯥꯟꯅꯕ ꯄꯥꯟꯗꯝ ꯑꯁꯤꯒꯤꯗꯃꯛꯇ ꯃꯍꯥꯛꯀꯤ ꯃꯌꯨꯝ ꯊꯥꯗꯣꯛꯈꯤ꯫ ꯅꯨꯡꯁꯤꯖꯔꯕ ꯑꯅꯤ ꯑꯁꯤ ꯀꯥꯡꯂꯥꯗ ꯎꯅꯈꯤ, ꯃꯗꯨ ꯃꯈꯣꯏꯒꯤ ꯂꯥꯏꯒꯤ ꯑꯣꯏꯕ ꯄꯨꯟꯁꯤꯟꯕꯒꯤ ꯃꯐꯝ ꯑꯣꯏꯔꯛꯈꯤ ꯑꯃꯁꯨꯡ ꯃꯁꯤ ꯃꯩꯇꯩ ꯅꯤꯡꯊꯧꯁꯤꯡꯒꯤ ꯅꯤꯡꯊꯧ ꯐꯝꯕꯥꯜ ꯇꯣꯡꯕꯒꯤ ꯃꯐꯝ ꯑꯣꯏꯔꯛꯈꯤ꯫[꯱]

ꯈ꯭ꯔꯤꯁ꯭ꯠ ꯀꯨꯝꯖꯥꯒꯤ ꯑꯍꯥꯟꯕ ꯆꯍꯤꯆꯥꯒꯤ ꯑꯉꯟꯕ ꯁꯔꯨꯛꯇ ꯏꯕ ꯊꯥꯏꯅꯒꯤ ꯋꯥꯔꯤꯒꯤ ꯋꯥꯔꯤ ꯑꯃ ꯑꯣꯏꯔꯤꯕ ꯅꯨꯃꯤꯠ ꯀꯞꯄꯥꯒꯤ ꯃꯇꯨꯡ ꯏꯟꯅ ꯑꯔꯤꯕ ꯑꯇꯤꯌꯥꯗ ꯅꯨꯃꯤꯠ ꯑꯅꯤ ꯃꯉꯥꯜꯂꯛꯈꯤ꯫ ꯑꯃꯅ ꯇꯦꯟꯀꯥꯞꯄ ꯑꯃꯅ ꯑꯁꯣꯛ ꯑꯄꯟ ꯅꯪꯈꯤ꯫ ꯃꯅꯥꯎ ꯅꯨꯄꯥ ꯑꯅꯤ ꯑꯗꯨꯅ ꯑꯇꯤꯌꯥꯗ ꯂꯩꯕ ꯃꯈꯣꯏꯒꯤ ꯃꯐꯝꯁꯤꯡꯗꯒꯤ ꯆꯦꯟꯈꯤ ꯑꯃꯁꯨꯡ ꯅꯨꯃꯤꯠ ꯇꯔꯥꯅꯤ ꯁꯥꯡꯅ ꯂꯣꯠꯈꯤ, ꯃꯁꯤꯅ ꯃꯥꯂꯦꯝ ꯄꯨꯝꯕꯕꯨ ꯑꯃꯝꯕꯗ ꯊꯝꯈꯤ꯫ ꯀꯅꯥꯒꯨꯝꯕ ꯑꯃꯠꯇꯅ ꯊꯕꯛ ꯇꯧꯕ ꯉꯝꯈꯤꯗꯦ꯫ ꯃꯍꯩ-ꯃꯔꯣꯡꯁꯤꯡ ꯃꯥꯡꯈꯤ ꯑꯃꯁꯨꯡ ꯁꯥ-ꯁꯟꯁꯤꯡ ꯁꯤꯈꯤ꯫ ꯑꯗꯨꯅ, ꯅꯤꯡꯊꯧꯒꯤ ꯂꯥꯏ ꯇꯔꯥꯅ ꯂꯥꯏ ꯀꯌꯥꯒꯤ ꯃꯅꯥꯛꯇ ꯆꯠꯈꯤ, ꯈꯨꯗꯤꯡꯃꯛꯄꯨ ꯅꯨꯃꯤꯠꯀꯤ ꯂꯥꯏꯁꯤꯡꯗ ꯍꯥꯏꯖꯅꯕ ꯍꯥꯏꯈꯤ꯫ ꯑꯔꯣꯏꯕꯗ, ꯂꯥꯏ ꯇꯔꯥꯅ ꯔꯥꯖꯀꯨꯃꯥꯔꯤ ꯄꯥꯟꯊꯣꯏꯕꯤꯗ ꯃꯇꯦꯡ ꯄꯥꯡꯅꯕ ꯍꯥꯏꯖꯈꯤ꯫ ꯃꯍꯥꯛꯅ ꯑꯔꯣꯟꯕ ꯋꯥꯔꯤ ꯑꯃꯁꯨꯡ ꯑꯔꯣꯟꯕ ꯀꯌꯥ ꯑꯃ ꯈꯪꯈꯤ, ꯑꯃꯁꯨꯡ ꯃꯈꯣꯏꯗ ꯅꯨꯃꯤꯠꯀꯤ ꯂꯥꯏꯁꯤꯡꯕꯨ ꯑꯃꯨꯛ ꯍꯟꯅ ꯄꯨꯛꯅꯤꯡ ꯆꯤꯡꯁꯤꯟꯅꯕ ꯃꯤꯇ꯭ꯔꯪꯒꯤ ꯊꯧꯔꯝꯁꯤꯡ ꯎꯠꯈꯤ꯫ ꯑꯁꯣꯛ ꯑꯄꯟ ꯅꯪꯗꯕ ꯅꯨꯃꯤꯠꯀꯤ ꯂꯥꯏ ꯑꯗꯨ ꯃꯍꯥꯛꯀꯤ ꯃꯐꯝꯗ ꯍꯜꯂꯛꯈꯤ, ꯑꯗꯨꯕꯨ ꯑꯁꯣꯛ-ꯑꯄꯟ ꯅꯪꯂꯕ ꯃꯤꯑꯣꯏ ꯑꯗꯨ ꯀꯩꯗꯧꯅꯨꯡꯗ ꯍꯜꯂꯛꯈꯤꯗꯦ꯫[꯱]

 

ইম্ফালগী কংলা অমদি কংলাগী মৈরম চীংলপ পাংবদা লেঙদবা উপালগুম লেপ্লিবা নোংমাইজিং চীংজাওগী মতোন অৱাংবা চীংদোন্দগী কুমথরক্লগা তম্পাক্লম কংলাদা খুল লিংখিবরা নৎত্রগা তম্পাকলম ময়োল কংলাদগী চীংদোন্দা কাদুনা মতম অমগী মীওই কাঙলূপ ময়োম অমা খুন্দা লৈতাখিবরা হায়দুন হংদুনা অদুম লৈনিংই। মথক্তা পঞ্জরিবা কংলা অমদি নোংমাইচীংগী খলোং অনীমক্কা তুনা চৎপা ৱারী লাইরিক্তা ইমা পান্থোইবীগী চাউরবা খুদা লৈ। মথাই থাংনদগীনা ঙসি ফাওবদা কংলা মনুংদা পান্থোইবী খুভম লেঙদনা থম্লি। অদুগা নোংমাইচীংদগী চীংগী মফম পূম্নমক্তা ইমাগী খুভম মশীং য়াম্না লৈরি। চীংগী মতোন খলোংখক্তদি লাই পূম্নমক্কী লাইনিংথৌ ওইরবা নোংপোক অপানবগা লোয়ননা ইমানা পাক চাউরবা লৈপাক অসিগী লৈমরেল ওইদুনা য়েৎকা ওইগা ফমদেংলি। নোংমাইজিং চীং অসিদগী মীতৈ খুন্নাইগী থৱায়গী মশক লেপ্লিবা লাই হরাওবগী অহানবা পুংখোল তাখিবা, পেনাগী লৈরোল শকখিবা। মসিসু লাইগী থাক্তা লৈক্রবা লাইশিংদুনা শেমখিবা শাখিবা হরাওবগী মশক্তুনি। লাই হরাওবগী থৌরম অসি লৈশেমংঙৈদগী হৌনা পাঙথোক্তুনা লাক্লবা য়াম্না মরুওইবা থৌরম্নি। খুন্নাইগী চৎনরোল লাইনিং-লীচৎ, শেম্মীৎলোন অমদি ইনাৎকা তৎন-থানবা য়াদবা মরী লৈনে। তাইবং শেম্বা হৌবদগী পোক্লগা শিবা ফাওবগী পাঙথোকপা থৌরম্নি। মসি নোংপোক নিংথৌ অমসুং পান্থোইবীনা নোংমাইচিংদা পাল্লবা মতমদা ইহান হানবা ওইনা পাঙথোক্লম্মী হায়না ইরি। মসিদা পান্থোইবী পাউশা, অনোয়ারোল, লৌতাবা, ঔগ্রী খেঞ্চোনচিংবা জগোই ঈশৈশিং পাঙথোকপনা মপূং ওইবা থৌরম ওইখি। মরম অসিনা লাই হরাওবা মতমদা অনী অসিগী শৈশক্না মপূং ফাবা অমা ওই।

লাই হরাওবগী চোঙখোং য়েৎপা লোইরগা মাইবী অনিনা লৈশি জগোই চোংদুনা খুবাক অনীমক নাকোং মপা মপাদা লৈথোক লৈশিন তৌগনি মসিদা শকপা ঈশৈদিঃ

অহানবা মাইবীঃ থংথং থংনরো রসো থংনরো নোংমাইজিংদা উ য়াল্লে, খোংদা য়ুহাররে। থাঙজবা লৈকাই, খুরাই লৈমা নুংশি কপোনং। রে রে রে। অনীশুবা মাইবীঃ নুরাবীগী পামল ঔদনা। নুরাবীগী পামলঔদা হাওলৈনা ঙাঙাং শাৎপদি ঙাঙনা নিঙথিরে। ঙাঙনা ফজরে। ইবুংখোয় মোমবিখোয়। কদোংগোই থোংজাউ লাল্লিঙৈদা লৈহাওনা নয়াৎ খায়রিঙৈদা ঐগীনা শম্লাই তাহৌবদো খিৎতা খুনবিয়ো। হা নুংবালনা পুনশি ঈৱাল্লৈ। ফৎত্রবসু শিন্নলৈ। য়ামদ্রবসু য়াইশিল্লৈ। লৈরাং খয়োম লৈনৌবা শিংঙেল লৈপুন শাবদি দে। নম্মেদিকো চিঙদনা লৈরে হাওওইবী তমদনা লৈরে লাইওইবী নুংশাবু শাদনা ফৌকংবী নোংবুনা চুদনা শাইচোৎপী, ঈদুনা নোংথাং লৈমনে, ঈয়েংনা পান্থোইবীনিদো। নবেম্মা হোই হোই হোই। ঈখোঙনা হাওখোং তাবীনে, ঈনমনা হাউনা নমবীনে, কৌবনা লোকশা অমদা উৎপী উরেল থারকপী, লোইবীনা লোকমায় অমদা, শদুনা য়াংগেল লিংবীনে হায়না অসুম্না লৈথারি। কংলা হায়না ভঙনরিবা ময়োল

লম অসিগী ৱারীদনা কমদৌরি। খাবা সলাইগী নিংথৌ খাবা শোকচ্রোংবগী মচানুপা মমিংনা তরং খোইনুচা কৌবা নুপা অমদা হায়নশিংনদুনা পান্থোইবী লুহোংই। মসিবু নুমিৎ মশীং মঙানিখক্তগী ৱানি। য়ূম্বানমীন্নবগী ৱা য়াওদে। খাবগী নিংথৌকোন্দা লৈদুনসু থাং-তা, অকন-অথৌ লৈঙাকপগী অকনবা শক্তিবু নাথৈদুনা পান্থোইবীনা হাইনা হুম্না লমকেৎ লমহাইনা মাগী অনীংবা খক্তমক পাঙথোক্তুনা থোইচৎননা লৈরকই। মপুরোইবা ওইগদবা নুপাদু অঙাং মচা অমা লোইনবগুম থৌশাদনা হন্না য়েংদবা মতৌদা মকুবোক নিংথৌ খাবা শোকচ্রোম্বা মনেম্বোক মনু-তেকঙা শাউবনা পান্দোম লোম্লে। কমদৌসিগে হায়বদু খন্নবা অঙৌবা পুরৈরোম্বসু কৌএ হায়বনি।

মথক্কী ৱারী অনী অসি নত্তবা ৱারী অমগসু লৈরি। মদুদনা ইম্ফাল ময়োলগী কংলা অসিদা ফম্বাল তোংদুনা মতীক ময়াই চাদুনা ঙাল্লগা পানখিবা লৈপাক মীয়াম্না মমিং পনবগী মহুৎ নুমিৎ হায়না শৈথাদুনা শৈশক্নখিবা পুমিৎ নিংথৌগী লোইনবী পান্থোইবীনি। মঙাল চাউবী ইবেম্মনি, পীজ-পীথক ফজবী, লৈত লায়রা খঙনা ৱায়েনবীনি। অদুনা শৈথাবদা লৈপাক্না ইবেম্মবু তম্ফা চেংলৌ শক্নাইবদা খোইমোম লাই অপক পূম্নমকসি মঙাল অরাবনা চেংলৌ শকথোং ওইনবী, তম্ফা নঙাল অরাবনা খোইমোম লাইশক লইনা ৱারীনবী হায়না পান্থোইবীবু মশক মওং নাইদবী, লাই ময়ামগী মগুণতনা মশক ওইবী, অদুগা মহাক্কী অরাবা মঙালনা লাই ওইন খন্নবী হায়বদি মঙান্না থাবু ঙালহনবদগী মাবু লাই ওইনা খন্নবনি হায়না উৎলি। অদুনবু নাপল থোইনা পানবী পান্থোইবী, নতু থোইনা ৱাংবী ৱাঙম্লোন হায়না লাইরিক অয়াম্বদা শৈথানবা লৈ। অদুবু মীওইবগী লায়বক তম্বা ঙমদে হায়বগুম নোংমা ইখঙ খংহৌদনা অতিয়াদা থোকপা নুমিৎপু থাশিগুম মমখি। তাইবং অসি অমম্বনা কুপথরকখি। অদুদা লাইরেম্বী পান্থোইবীবু অমম্বা মরক অদুদা পুন্সি ওইখি।

থৌদোক্তি অসিনি। নুমিৎ অনী থোকপগুম লৈবাক্কী নিংথৌরেল অমদি লৈমরেল নুপীলক্তগী অথোইবী পান্থোইবী অনিগী মশেক মঙান নাইনা হায়না-হুপ্না পানবদু কলকচবা মী খুজোক খরনা লোন্না ৱাতান্নদুনা নিংথৌ খুভম মুন্নবা লৌতুনরম্মী। অহানবদা নোংমাইচিংদা লৈবা মীওইশিং য়াওবিয়ু হায়রুবদা য়ারক্তরে। য়াম্না থুনা হল্লক্লগা কংলাগী নোংচুপ্তা লৈবা লাঙ্গোন চীংশাদা লৈবা মীওইশিংদা তেংবাংনবা থেম্লুরে। মদুদা য়ারক্লদুনা মতাং চাবা অচেংবা তানফম ঙাইদুনা লৈরে। অসিগুম্বা অরোনবা থৌরাং অসি লাইরিক্না পল্লিবদি ‘লাঙ্গোল ঐগী চীংশাং অসিদা নুমিৎ থানা মঙাল য়ৌবা ঙমদবা অকুপা ৱাপল-লৈ, মদুদগী ৱানা নঙগী তেন শারো’ অসিনি। অরোনবা লাঞ্জং অসিগী লুচিংবা খ্বায় নোংচেনবনা মাগীসু তেন শাদুনা কয়ারক হন্না পাদম্লবদা শোইদ্রে খঙলবদা মাগী নুকীগী নাদা য়ানবা চোম্লাং তেন্না থাদুনা কক্লবদা মাগী পান্দম ফংলে। অসুম্না ঙাইরকপদা তাঞ্জা অদু লাক্লে, নিংথৌরেলনা মথন্তা শগোল শয়াংথক্তা তোংদুনা শাবল লমথোক লীঙৈ পোংবা কনা উদ্রিঙৈ নোংচেনবনা তেন্না থারে। তৌরিবা থৌদোক অসি কংলা মনুং লৈবা নুংজেং মপান্দা থোকখিবনি। অদুবু নোংদম্বগী নোংদমখোল অঙকপনি। নোংচেনবগী তেন্না নিংথৌরেলগী মশাদা অতম্ননা পানখিদে। মাগী লাংগোই শগোলদি খুদক অদুমক্তদা শিরে। তৌরিবা মতৌ অসিদা অঙকপা অমদি অকি-হঙ্গোইরবা নিংথৌরেল কংলাদা হঞ্জিনবগী মহুৎ তুরেল ৱাংমা লান্না লোৎখি। মসিবু লাইরিক্না তেংথাবদা ঙাল্লম্বা নুমিৎ কাপথরে হায়না ইরি। থৌদোক অসিদগী ইবেম্মা পান্থোইবী লৈমরেলগা নিংথৌরেল তাওরোইনাই অহানবগা কায়নবা ওইখি। অসুম্না লৈবাক মীয়াম পূম্বা অৱাবনা কুপশিনখি।

খাবা কাঙবুনা কংলা ফম্বালদি পায়রে। অরোনবা লালহৌদা মায় পাক্লে অদুবু লুরিবদি মতৌ করম্না লৈবাক ঙাক্কদগে। পাক চাউখ্রবা লমদম অসি মতৌ করম্না ৱায়েল চৈরাপ চিংগদগে হায়বদুদা খঙদ-হৈতবা ঙাক্তা ওইরম্বনা লৈবাক্না শকখঙবা খঙ-হৈরবা মীওই থম্বগী তঙায়ফদবদু লাক্লে। মরমদি কংলা কায়রবনা মতম অমগী লৈবাক ৱায়েল্লম্বা নিংথৌ পোংবা তরানচিংবা অঙম অথৌ খঙ-হৈবশিং ঙম্লমকসু লোৎখ্রবনা লৈপুবিনবা মী থিরকপদা থাবা কাঙবু অৱাবা ওইরে। মমৈথংদা তঙাইমক ফদনা অনীশুবা নুমিৎকুম মঙাল লৈবী মতম শাংনা লৈবাক ঙাকপা ৱায়েনবদা শিন্থা চংখোনবী লৈবাক্কী লৈমরেম্বী পান্থোইবীবু খাবা কাঙবুনা কুপশেন কুপশেন শেন্নদুনা লোইনরকখিবা। তৌরিবা থৌশিল থৌরাং অসে খঙলবদা ইবেম্মনা মরৌশিং তৌদুনা লমকেৎ লমহাইবী শাদুনা কংলাগী ৱাংমদা থোক্তুনা মবুংঙো নোংপোক নিংথৌবু উন্ননবা পোরম কাংখিবনি।

পান্থোইবী কনানো হায়বা ঙসিসু হংদুনা অদুম লৈরি। লাইরিক্না পীবা ৱারেলদা তম্ফা ৱাঙম্লোন মৈতৈ চনু অমদি মঙাং চনু হায়না শৈথারি। অমুকসু লৈহৌদা, হৈয়া হৈ তমপা কোরৌদা অৱাংবী, ৱাংঙম কোনখৈ অতাম্বী হায়ন শৈথারি। অসিদা হৈয়া হায়বা অসিনা লাইনিংথৌ সনামহিনা লৈপাক শেম্বা লোইরগা কুরুগী হকাচংনুংদগী হোইদোরকপা থৱায় পানবা খৈবীকপু য়াখিবী লৈপাক লৈমবু তাক্লিবনি। মথংদা অমুক হায়রিবনা তম্পা নোংদম হাল্লকপী, তাইবং থৱায় লীলেং ওইরকপী হায়দুনা পূম্নমক্কী হৌরকফম ওইবী, তইবং পানবা হৌদোকপী, থৱায়পানবশিংগী অপোক অসি তৌরিবা মালেম লৈবাক অসিবু তাক্লি। পান্থৌইবীনা পোকপগী মরম ‘পান্থৌইবী খোঙ্গুল’ লাইরিক্কী অহানবদা শৈথারিবদি, “য়োয়বু তম্পা ৱাংঙমলোন মৈতেংঙু চনু পলেম পীনাইদবী, পান্থৌ পান্নাইদবী, নপল লাইরেল তাউরোইনাই অশৈ ৱাংবী লাই তুবী থিংকোক লাইরেম্মবু লাইরেল চিঙয়া ফৈথিংবা, তুবী কোনতমা, লাইরেন ফৈতম্বনা তম্পা নাতোম শাৎপা শাৎমাবী, নমা খোসমোম লাইনামুং নামুংবী, মালেম তম্পাক লৈরেল হুনবী শলাইহনবীনা লাংনবন চেঙগুমনা তৌবগুম য়োয়বু নতোম তোমশাৎপী তম্পা চাকোক অখৈবী, নুগী নুরম তাবী, পাগী পারম শকপী, লুমঙ শম্লোং লয়, লুতুং শমজি ওয়রম হুল খোইমোম লাইগী মপোক খোইখোয়বী” লাইরেম্মা পান্থোইবী মাদি তম্ফা পাম্ব কৈরেল ফাবী, কৈরেল কৈজাও তোংবী, খোকলোই মপালথক্তা লাংগোই শগোল থৌবদা লাংগোই খোঙ্গুল তাদবী খমকোন খোমনেৎনবী মালং চৈরোয়নবী, নুংনাং খুদানবী, নোং চুদনা শাইচোৎপী, নুংশা শাদনা ফৌকংবী তম্ফা কোরৌ অৱাংবী, মালেম লৈবু লুম্বী, কোরৌ নোংবু খোনবী কোরৌ মতে য়াম্বী, ৱাংবল মতৌ য়াম্বী লাইরেম্বীনি।

তেনশিল্পবদা, মাগী মমা অসি লাইগীদি মবেম্মা ওইরগা লাইমক্নি হায়বদি য়াদবী লৈশেম্লকপগীদি মকোক ওইবী লৈশেশ্লবা লৈপাক্কী খ্বাইদগী অহানবনি হায়বা তাক্লি। লাইনিংথৌ নোংপোক অমসু লাইরেম্মা পান্থৌইবী খুভম লাইফম লৈবা খুঙ্গং লৈকাইশিংদা লাইনিংথৌ লাইরেম্মা অনীমকসু উমংলাই ওইনা হরাও শকশেম তম, থৌদোক কুহ্মৈ শান্নদুনা লমদম অদুদা লৈরিবা মচা মনাই ওইবশিংনা খুঞ্জাল লৈচাওদনা চাহোঙ ঙাহোনঙনবগী ইরাৎ থৌরম তৌই। হৌজিক্তি ইমা লাইরেম্মা পান্থোইবী মাবু কুম অমগী লোইদাম মেরা থাদা খুঙ্গং লৈকাইশিংদা ঈরাৎ থৌরম তৌনরে। অদুবু মেরা থাদা ঈরাৎ থৌরম তৌবদা উমংলাই হরাওবগী মওংদদি চৎনদে, তৌনদে। (কর্সি-ঋতু)

ꯁꯛꯇꯝꯁꯤꯡ ꯁꯦꯝꯒꯠꯂꯨ

ꯁꯤꯁꯨ ꯌꯦꯡꯉꯨ ꯁꯦꯝꯒꯠꯂꯨ

ꯊꯣꯢꯕꯤ

ꯃꯇꯦꯡ ꯂꯧꯔꯛꯐꯝ ꯁꯦꯝꯒꯠꯂꯨ