ꯇꯤꯡ ꯇꯤꯡ ꯆꯥꯎꯔꯣ
ꯇꯤꯡ ꯇꯤꯡ ꯆꯥꯎꯔꯣ ꯍꯥꯏꯕ ꯁꯩꯔꯦꯡꯁꯤ ꯃꯤꯇꯩꯂꯣꯟꯒꯤ ꯃꯃꯤꯡ ꯆꯠꯂꯕ ꯁꯩꯔꯦꯡ ꯑꯃꯅꯤ ꯫ ꯁꯩꯔꯦꯡ ꯑꯁꯤꯗ ꯋꯥꯀꯣꯛꯂꯣꯟ ꯍꯤꯂꯦꯜ ꯊꯤꯂꯦꯜ ꯁꯂꯥꯏ ꯑꯃꯥꯏꯂꯣꯟ ꯄꯨꯀꯣꯛ ꯄꯨꯌꯥ ꯂꯣꯠꯐꯝ ꯇꯥꯛꯂꯝꯕ ꯁꯩꯔꯦꯡꯅꯤ, ꯁꯩꯔꯦꯡꯁꯤꯒꯤ ꯄꯔꯦꯡ ꯃꯇꯦꯛ ꯱ ꯂꯧꯈꯠꯂꯒ ꯌꯦꯡꯁꯤ ꯍꯥꯎꯔꯩꯕꯤꯒꯤ ꯏꯪꯈꯣꯟꯗ ꯍꯥꯏꯕꯗꯤ ꯆꯤꯡꯁꯥꯡ ꯅꯥꯄꯣꯝꯗ ꯈꯨꯝꯗꯥꯔꯤꯕ ꯆꯤꯡꯃꯤꯁꯤꯡ ꯂꯝꯗꯝ ꯑꯗꯨꯗ ꯄꯨꯌꯥ ꯑꯗꯨ ꯂꯣꯠꯂꯝꯃꯤ ꯇꯥꯛꯂꯤꯕꯅꯤ ꯫ ꯃꯁꯤ ꯄꯨꯌꯥ ꯃꯩꯊꯥꯈ꯭ꯔꯕ ꯃꯇꯨꯡꯗ ꯏꯄꯥ ꯏꯄꯨꯁꯤꯡ ꯑꯉꯥꯡꯁꯤꯡꯗ ꯆꯥꯎꯕ ꯁꯥꯔꯦꯞ ꯊꯨꯅ ꯐꯥꯅꯕ ꯑꯣꯏꯅ ꯃꯤꯌꯥꯝꯗ ꯈꯟꯍꯟꯕ ꯁꯩꯔꯦꯡ ꯃꯇꯦꯛ ꯑꯃꯁꯨꯅꯤ ꯫
ꯇꯤꯡ ꯇꯤꯡ ꯆꯥꯎꯔꯣ
ꯇꯤꯡ ꯇꯤꯡ ꯆꯥꯎꯔꯣ!
ꯅꯨꯃꯤꯠꯅ ꯀꯥꯔꯤꯉꯩ ꯀꯥꯍꯧꯔꯣ!
ꯊꯕꯤꯅ ꯋꯥꯡꯂꯤꯉꯩ ꯋꯥꯡꯍꯧꯔꯣ!
ꯅꯨꯡꯁꯥꯂꯩꯃ ꯊꯣꯛꯂꯛꯂꯣ
ꯎꯔꯨꯝꯂꯩꯃ ꯆꯪꯈꯔꯣ
ꯍꯥꯎꯔꯩꯕꯤꯒꯤ ꯏꯪꯈꯣꯜꯗ
ꯂꯁꯤꯡ ꯄꯣꯂꯥꯡ ꯐꯧꯍꯧꯕ
ꯍꯨꯏꯅ ꯌꯦꯟꯅ ꯁꯣꯛꯀꯅꯤ
ꯀꯣꯅꯥꯔꯥꯕ ꯇꯤꯡ! ꯇꯤꯡ!
(ꯑꯏꯕ: ꯃꯥꯏꯆꯧ )