ꯊꯝꯕꯥꯜ
ꯊꯝꯕꯥꯜ ꯍꯥꯏꯕꯁꯤ ꯏꯁꯤꯡꯗ ꯍꯧꯕ ꯂꯩ ꯃꯈꯜ ꯑꯃꯅꯤ ꯫ ꯃꯁꯤꯒꯤ ꯃꯍꯩꯁꯤꯡꯁꯨ ꯆꯥꯕ ꯌꯥꯏ ꯫ ꯊꯝꯕꯥꯜꯒꯤ ꯁꯥꯏ꯭ꯅꯇꯤꯐꯤꯛ ꯑꯣꯏꯕ ꯃꯃꯤꯡ ꯑꯁꯤ ꯅꯤꯂꯝꯕꯣ ꯅꯨꯁꯤꯐꯦꯔꯥ ꯅꯤ ꯫ ꯃꯁꯤ ꯅꯤꯂꯝꯕꯣꯅꯦꯁꯤ ꯐꯦꯃꯤꯂꯤꯒꯤ ꯃꯅꯨꯡ ꯆꯟꯅ ꯂꯩ ꯫ ꯊꯝꯕꯥꯜꯁꯤ ꯍꯤꯟꯗꯤꯗꯥ ꯀꯃꯜ ꯍꯥꯏꯅ ꯈꯪꯅꯩ ꯫ ꯊꯝꯕꯥꯜ ꯑꯁꯤ ꯂꯥꯏꯗ ꯀꯠꯄꯗ ꯇꯣꯏꯅ ꯁꯤꯖꯤꯟꯅꯕ ꯂꯩ ꯃꯈꯜ ꯑꯃꯅꯤ ꯫ ꯊꯝꯕꯥꯜ ꯃꯅꯝ ꯌꯥꯝꯅ ꯅꯨꯡꯁꯤꯕꯥ ꯂꯩꯅꯤ ꯫ ꯂꯩ ꯑꯁꯤ ꯃꯄꯨꯡ ꯐꯥꯗꯨꯅ ꯁꯥꯠꯂꯕ ꯃꯇꯨꯡꯗ ꯂꯩꯅꯥꯁꯤꯡ (ꯄꯦꯇꯥꯜ) ꯀꯦꯜꯂꯤ ꯑꯃꯁꯨꯡ ꯃꯌꯥꯏꯗꯥ ꯌꯥꯎꯔꯤꯕꯥ ꯃꯍꯩ (ꯊꯝꯆꯦꯠ) ꯆꯥꯎꯈꯠꯂꯛꯏ ꯫ ꯊꯝꯆꯦꯠꯁꯨ ꯂꯥꯏꯗ ꯀꯠꯅꯩ ꯫ ꯊꯝꯆꯦꯠ ꯃꯔꯨꯁꯨ ꯃꯀꯨ ꯈꯣꯛꯂꯒꯥ ꯑꯃꯁꯨꯡ ꯃꯌꯥꯏꯗ ꯌꯥꯎꯕꯥ ꯃꯌꯣꯜ ꯂꯧꯊꯣꯛꯂꯒ ꯆꯥꯕꯥ ꯌꯥꯝꯅ ꯍꯥꯎꯋꯤ, ꯊꯨꯝꯂꯤ ꯊꯨꯝꯂꯤ ꯇꯧꯋꯤ ꯫ ꯃꯔꯨ ꯑꯁꯤ ꯀꯪꯍꯜꯂꯒ "ꯄꯣꯞꯀꯣꯔ꯭ꯅ" ꯁꯦꯝꯗꯧꯅꯁꯨ ꯌꯣꯜꯂꯤ ꯫ ꯔꯊꯖꯥꯇ꯭ꯔꯥ (ꯀꯥꯡ ꯆꯤꯡꯕ) ꯅꯨꯃꯤꯟꯇ ꯊꯝꯅꯥꯗ (ꯊꯝꯊꯥꯜ ꯃꯅꯥꯗ) ꯈꯦꯆꯔꯤ ꯍꯥꯞꯇꯨꯅ ꯆꯥꯕꯒꯤ ꯆꯠꯅꯕꯤ ꯃꯅꯤꯄꯨꯔꯗ ꯂꯩ ꯫ ꯊꯝꯕꯥꯜ ꯑꯁꯤ ꯏꯪꯗ꯭ꯌꯥꯒꯤ ꯅꯦꯁꯅꯦꯜ ꯄꯣꯂꯤꯇꯤꯀꯦꯜ ꯄꯥꯔꯇꯤ ꯕꯤ꯬ ꯖꯦ꯬ ꯄꯤ꯬ ꯒꯤ ꯁꯤꯝꯕꯣꯜꯅꯤ ꯫ ꯃꯅꯤꯄꯨꯔꯒꯤ ꯕꯤꯖꯤꯌꯥꯁꯥꯟꯇꯤ ꯇꯣꯡꯕ꯭ꯔꯝ ꯀꯧꯕꯤ ꯅꯨꯄꯤ ꯑꯁꯤꯅꯥ ꯂꯣꯛꯇꯥꯛꯇꯒꯤ ꯍꯦꯛꯄ ꯊꯝꯕꯥꯜ ꯃꯈꯣꯛꯇꯒꯤ ꯂꯉ (ꯁꯤꯜ꯭ꯀ) ꯁꯨꯡꯗꯨꯅꯥ ꯐꯤ ꯁꯥꯕꯒꯤ ꯄꯥꯝꯕꯩ ꯑꯃꯥ ꯄꯨꯊꯣꯛꯇꯨꯅꯥ ꯑꯒ꯭ꯔꯣ-ꯕꯤꯖꯤꯅꯦꯖ ꯍꯧꯗꯣꯛꯅꯕ ꯈꯣꯡꯖꯡ ꯆꯪꯁꯤꯜꯂꯤ ꯫ ꯕꯤꯖꯤꯌꯥꯁꯥꯟꯇꯤ ꯑꯁꯤ ꯕꯣꯇꯅꯤꯗ ꯑꯣꯅꯔ꯭ꯁ ꯇꯧꯈꯤꯕꯤ ꯁꯥꯇ꯭ꯔꯤꯅꯤ ꯫ ꯊꯝꯕꯥꯜꯗꯒꯤ ꯍꯤꯗꯥꯛ ꯁꯨꯡꯕꯒꯤ ꯃꯔꯝꯗꯁꯨ ꯊꯤꯖꯤꯟꯕ ꯄꯥꯝꯃꯤ ꯫ (ꯏꯝꯐꯥꯜ ꯐ꯭ꯔꯤ ꯄ꯭ꯔꯦꯁ ꯀꯤ ꯑꯣꯛꯇꯣꯕꯔ ꯸, ꯲꯰꯲꯰ ꯗ ꯐꯣꯡꯈꯤꯕꯥ ꯑꯥꯔꯇꯤꯛꯜ "ꯍꯥꯎ ꯕꯤꯖꯤꯌꯥꯁꯥꯟꯇꯤ ꯇꯣꯡꯕ꯭ꯔꯝ ꯐ꯭ꯔꯣꯝ ꯃꯅꯤꯄꯨꯔ ꯋꯤꯚ꯭ꯖ ꯅ꯭ꯌꯨ ꯐꯦꯕ꯭ꯔꯤꯀ꯭ꯁ ꯑꯣꯐ ꯂꯥꯏꯐ ꯐ꯭ꯔꯣꯝ ꯂꯣꯇꯁ ꯁ꯭ꯇꯦꯝ" ꯗꯒꯤ ꯂꯧꯊꯣꯛꯄ ꯫)
ꯍꯧꯐꯝ
ꯁꯦꯝꯒꯠꯂꯨꯄꯥꯝꯕꯤ ꯑꯁꯤ ꯂꯩꯕꯥꯛꯇ ꯃꯔꯥ ꯇꯥꯔꯒ ꯍꯧꯋꯤ ꯫ ꯃꯗꯨꯅ ꯃꯁꯤ ꯇꯨꯡꯗꯅ ꯂꯩꯕ ꯑꯊꯦꯟꯕ ꯏꯁꯤꯡ (ꯄꯨꯈ꯭ꯔꯤ, ꯈꯣꯡꯕꯥꯜ) ꯑꯃꯗꯤ ꯇꯞꯅ ꯆꯦꯟꯕ ꯇꯨꯔꯦꯜꯗ ꯍꯧꯋꯤ ꯫ ꯁꯥꯡꯂꯕ ꯃꯈꯣꯛꯅ ꯀꯣꯔꯣꯛ ꯀꯣꯏꯕ ꯆꯥꯎꯔꯕ ꯃꯅꯥꯁꯤꯡꯗꯨ ꯑꯃꯗꯤ ꯂꯩꯁꯤꯡꯗꯨ ꯊꯤꯟꯒꯠꯇꯨꯅ ꯏꯁꯤꯡ ꯃꯊꯛꯇ ꯇꯥꯎꯍꯜꯂꯤ ꯅꯇ꯭ꯔꯒ ꯏꯁꯤꯡ ꯃꯊꯛꯇ ꯊꯤꯡꯒꯠꯇꯨꯅ ꯍꯧꯋꯤ ꯫