ꯂꯣꯏꯌꯨꯝꯄꯥ ꯁꯤꯜꯌꯦꯜ

(ꯂꯣꯌꯨꯝꯕ ꯁꯤꯟꯌꯦꯟ ꯗꯒꯤ ꯑꯃꯨꯛꯍꯟꯂꯛꯄ)

ꯂꯣꯏꯌꯨꯝꯄꯥ ꯁꯤꯜꯌꯦꯜ (ꯂꯦꯇꯤꯟ-ꯔꯣꯃꯥꯟ ꯃꯌꯦꯛꯇ: Loiyumpa Silyel) ꯅꯠꯇ꯭ꯔꯒꯥ ꯂꯣꯌꯨꯝꯕ ꯁꯤꯟꯌꯦꯟ (ꯂꯣꯌꯨꯝꯄ ꯁꯤꯟꯌꯦꯟ) (ꯂꯦꯇꯤꯟ-ꯔꯣꯃꯥꯟ ꯃꯌꯦꯛꯇ: Loyumba Shinyen ꯅꯠꯇ꯭ꯔꯒ Loyumpa Sinyen) ꯑꯁꯤ ꯀꯪꯂꯩꯄꯥꯛꯀꯤ ꯂꯩꯄꯥꯛꯀꯤ ꯆꯠꯅ ꯀꯥꯡꯂꯣꯟ ꯑꯃꯗꯤ ꯆꯠꯅ ꯄꯊꯥꯞ ꯀꯌꯥꯒꯤ ꯃꯇꯥꯡꯗ ꯏꯕ ꯂꯥꯢꯔꯤꯛ ꯑꯃꯅꯤ ꯫ ꯃꯁꯤ ꯏꯪ. ꯀꯨꯝ ꯱꯰꯷꯴ ꯑꯦ.ꯗꯤ. ꯗ ꯐꯝꯕꯥꯜ ꯀꯥꯈꯤꯕ ꯅꯤꯡꯊꯧ ꯂꯣꯏꯌꯨꯝꯕ)ꯒꯤ ꯃꯇꯝꯗ ꯆꯠꯅꯔꯝꯕ ꯂꯝꯗꯝꯁꯤꯒꯤ ꯂꯩꯄꯥꯛꯀꯤ ꯆꯠꯅ ꯄꯊꯥꯞ ꯀꯌꯥꯒꯤ ꯃꯇꯥꯡꯗ ꯏꯕ ꯂꯥꯢꯔꯤꯛꯅꯤ ꯫

ꯂꯣꯏꯌꯨꯝꯄꯥ ꯁꯤꯜꯌꯦꯜ
ꯂꯩꯕꯥꯛꯀꯪꯂꯩꯄꯥꯛ (ꯃꯅꯤꯄꯨꯔ)
ꯂꯣꯟꯃꯤꯇꯩꯂꯣꯟ (ꯃꯅꯤꯄꯨꯔꯤ ꯂꯣꯟ/ꯃꯩꯇꯩꯂꯣꯟ)
ꯐꯣꯡꯈꯤꯕꯆꯍꯤ ꯱꯱꯱꯰
ꯐꯣꯡꯈꯤꯕ ꯆꯩꯆꯠ
ꯆꯍꯤ ꯱꯱꯱꯰
Media ꯃꯈꯜꯂꯥꯢꯔꯤꯛ
ꯀꯪꯂꯩꯄꯥꯛꯀꯤ ꯂꯩꯄꯥꯛꯀꯤ ꯏꯟꯒꯗꯕ ꯆꯠꯅ ꯀꯥꯡꯂꯣꯟ ꯑꯃꯗꯤ ꯆꯠꯅ ꯄꯊꯥꯞ ꯀꯌꯥ ꯏꯕ ꯂꯥꯢꯂꯤꯛꯅꯤ ꯫

ꯀꯪꯂꯩꯄꯥꯛꯀꯤ ꯋꯥꯌꯦꯟ ꯄꯊꯥꯞ ꯂꯩꯉꯥꯛꯂꯣꯟꯒꯤ ꯃꯔꯝꯗ ꯏꯕ ꯂꯥꯏꯔꯤꯛꯁꯤꯡꯒꯤ ꯃꯅꯨꯡꯗ ꯂꯣꯏꯌꯨꯝꯕ ꯁꯤꯟꯌꯦꯟ ꯍꯥꯏꯕꯁꯤ ꯁꯤꯡꯊꯥꯕ ꯌꯥꯕ ꯂꯥꯏꯔꯤꯛ ꯑꯃꯅꯤ꯫ ꯃꯁꯤ ꯈ꯭ꯔꯤꯁꯇꯒꯤ ꯱꯲ꯁꯨꯕ ꯆꯍꯤꯆꯥꯒꯤ ꯑꯍꯥꯟꯕ ꯍꯧꯒꯠꯂꯛꯄ ꯃꯇꯝꯒꯤꯅꯤ ꯫ ꯂꯥꯏꯔꯤꯛ ꯑꯁꯤ ꯄꯥꯔꯒ ꯑꯩꯈꯣꯏꯅ ꯂꯣꯏꯌꯨꯝꯕ ꯅꯤꯡꯊꯧꯒꯤ ꯍꯥꯛꯇꯛ ꯑꯁꯤꯗ ꯋꯥꯌꯦꯟ ꯄꯊꯥꯞꯀꯤ ꯃꯔꯝꯗ ꯌꯥꯝꯅ ꯆꯪꯈꯣꯟꯅ ꯏꯕ ꯂꯥꯏꯔꯤꯛ ꯂꯩꯔꯦ ꯍꯥꯏꯕꯁꯤ ꯈꯪꯕ ꯉꯝꯏ ꯫ ꯀꯅꯥꯒꯨꯝꯕ ꯃꯤ ꯑꯃꯅ ꯅꯠꯇ꯭ꯔꯒ ꯃꯤ ꯈꯔꯅ ꯀꯔꯤꯒꯨꯝꯕ ꯁꯤꯟꯐꯝ ꯑꯃ ꯇꯧꯕꯗ ꯈꯔ ꯀꯥꯟꯅꯔꯦ ꯍꯥꯏꯗꯨꯅ ꯃꯤ ꯑꯇꯣꯞꯄ ꯑꯇꯩꯅꯁꯨ ꯃꯈꯣꯏ ꯃꯈꯣꯏꯒꯤ ꯃꯁꯤꯜ ꯊꯥꯗꯣꯛꯇꯨꯅ ꯍꯧꯖꯤꯛ ꯀꯥꯟꯅꯔꯦ ꯍꯥꯏꯔꯤꯕ ꯁꯤꯟꯐꯝ ꯑꯗꯨꯗ ꯃꯈꯣꯏ ꯃꯌꯥꯝ ꯍꯨꯞꯆꯤꯜꯂꯛꯂꯕꯗꯤ ꯃꯈꯣꯏ ꯃꯈꯣꯏꯅ ꯍꯥꯟꯅ ꯇꯧꯔꯝꯃꯤꯕ ꯍꯩꯅꯔꯝꯃꯤꯕ ꯊꯕꯛ ꯑꯗꯨ ꯃꯇꯝ ꯈꯔ ꯂꯩꯔꯒꯗꯤ ꯃꯗꯨꯗ ꯄꯨꯛꯅꯤꯡ ꯆꯪꯗꯕ ꯑꯃꯗꯤ ꯇꯧꯈꯤꯗꯕꯗꯒꯤ ꯁꯤꯟꯐꯝ ꯑꯗꯨ ꯁꯤꯊꯔꯛꯏ ꯫ ꯑꯗꯨꯅ ꯃꯤ ꯃꯤꯒꯤ ꯃꯁꯤꯜ ꯃꯊꯧ ꯃꯁꯛ ꯅꯥꯏꯅ ꯇꯣꯉꯥꯟ ꯇꯣꯉꯥꯟ ꯈꯥꯏꯗꯣꯛꯄ ꯑꯁꯤ ꯇꯧꯗꯕ ꯌꯥꯗꯕ ꯑꯃꯅꯤ ꯫

ꯃꯤ ꯃꯤꯒꯤ ꯃꯊꯧ ꯇꯣꯞ ꯇꯣꯞꯅ ꯄꯤꯔꯕꯗꯤ ꯊꯕꯛꯁꯤꯡ ꯑꯗꯨ ꯇꯧꯕꯗꯁꯨ ꯇꯧꯔꯤꯕ ꯃꯤꯁꯤꯡ ꯑꯗꯨꯅ ꯊꯕꯛ ꯑꯗꯨ ꯇꯧꯕꯗ ꯈꯨꯠꯂꯣꯏꯅ ꯊꯣꯛꯀꯅꯤ ꯊꯕꯛ ꯑꯗꯨ ꯇꯧꯕꯗꯁꯨ ꯃꯆꯨ ꯇꯥꯕ ꯍꯦꯟꯒꯅꯤ ꯍꯥꯏꯕꯁꯤ ꯃꯩꯇꯩ ꯅꯤꯡꯊꯧ ꯂꯣꯏꯌꯨꯝꯕꯅ ꯌꯥꯝꯅ ꯃꯨꯟꯅ ꯈꯪꯏ ꯫ ꯃꯍꯥꯛꯀꯤ ꯍꯥꯛꯇꯛ ꯑꯁꯤꯗ ꯂꯩꯔꯝꯕ ꯃꯤꯁꯤꯡꯅ ꯃꯥꯒꯤ ꯃꯥꯒꯤ ꯇꯧꯐꯝ ꯊꯣꯛꯄ ꯃꯁꯤꯜ ꯃꯊꯧ ꯃꯁꯛ ꯈꯪꯅ ꯇꯧꯅꯔꯝꯃꯤ ꯫ ꯁꯥꯒꯩ ꯁꯥꯒꯩꯒꯤꯁꯨ ꯇꯧꯐꯝ ꯊꯣꯛꯄ ꯃꯁꯤꯜ ꯂꯩꯅꯔꯝꯃꯤ ꯫ ꯌꯨꯝꯅꯥꯛ ꯁꯥꯒꯩ ꯑꯃꯒꯤ ꯃꯤꯅ ꯁꯨꯒꯗꯕ ꯃꯁꯤꯜ ꯃꯊꯧ ꯑꯗꯨ ꯑꯇꯣꯞꯄ ꯌꯨꯝꯅꯥꯛ ꯑꯃꯒꯤ ꯃꯤꯅ ꯇꯧꯅꯗꯦ ꯍꯥꯏꯕꯁꯤ ꯂꯥꯏꯔꯤꯛ ꯑꯁꯤ ꯄꯥꯔꯒ ꯈꯪꯕ ꯉꯝꯏ ꯫

ꯄꯨꯋꯥꯔꯤ ꯁꯦꯝꯒꯠꯂꯨ

ꯃꯩꯗꯤꯡꯉꯨ ꯀꯥꯏꯅꯧ ꯏꯔꯦꯡꯕ (ꯃꯩꯇꯤꯡꯉꯨ ꯀꯥꯏꯅꯧ ꯏꯂꯦꯡꯄ)ꯅ ꯏꯪ. ꯀꯨꯝ ꯱꯰꯷꯴ꯗ ꯂꯩꯈꯤꯗ꯭ꯔꯕꯗ ꯃꯆꯥ ꯏꯕꯨꯡꯉꯣ ꯂꯣꯏꯌꯨꯝꯕꯅ ꯃꯩꯇꯩꯒꯤ ꯐꯝꯕꯥꯜ ꯀꯥꯈꯤ ꯫ ꯅꯤꯡꯊꯧ ꯑꯁꯤꯅ ꯃꯥꯒꯤ ꯃꯊꯛꯇ ꯄꯥꯟꯈꯤꯕ ꯃꯩꯗꯤꯡꯉꯨ ꯅꯥꯎꯐꯪꯕ (ꯏꯪ. ꯀꯨꯝ ꯴꯲꯹-꯵꯱꯸), ꯁꯥꯃꯩꯔꯥꯡ (ꯏꯪ. ꯀꯨꯝ ꯵꯱꯸-꯵꯶꯸), ꯎꯔꯥ ꯀꯣꯟꯊꯧꯕ (ꯏꯪ. ꯀꯨꯝ ꯵꯶꯸-?) ꯑꯃꯁꯨꯡ ꯅꯥꯎꯊꯤꯡꯈꯣꯡ (ꯏꯪ. ꯀꯨꯝ ?-꯷꯶꯳) ꯑꯁꯤꯅꯆꯤꯡꯕ ꯃꯄꯨꯊꯧꯁꯤꯡꯅ ꯄꯥꯜꯂꯤꯉꯩꯗ ꯆꯠꯂꯝꯕ ꯂꯩꯕꯥꯛꯀꯤ ꯆꯠꯅꯔꯣꯜ ꯋꯥꯌꯦꯟ ꯄꯊꯥꯞ ꯃꯌꯥꯝ ꯑꯗꯨ ꯌꯥꯝꯅ ꯀꯨꯞꯅ ꯅꯩꯅꯗꯨꯅ ꯈꯪꯂꯝꯃꯤ ꯫

ꯂꯃꯥꯏꯁꯤꯡ ꯁꯦꯝꯒꯠꯂꯨ

ꯃꯇꯦꯡ ꯂꯧꯔꯛꯐꯝ ꯁꯦꯝꯒꯠꯂꯨ