ꯑꯦꯗꯒꯔ ꯑꯗ꯭ꯔꯤꯌꯥꯟ
ꯑꯦꯗꯒꯔ ꯗ꯭ꯂꯣꯒꯁ ꯑꯦꯗ꯭ꯔꯤꯌꯟ, ꯱ꯁꯨꯕ ꯕꯦꯔꯣꯟ ꯑꯦꯗ꯭ꯔꯤꯌꯥꯟ ꯑꯣ. ꯑꯦꯝ. ꯑꯦꯐ. ꯑꯥꯔ. ꯑꯦꯁ. (ꯏꯪ ꯱꯸꯸꯹ꯒꯤ ꯅꯕꯦꯝꯕꯔ ꯳꯰- ꯱꯹꯷꯷ꯒꯤ ꯑꯣꯒꯁ꯭ꯠ ꯴) ꯑꯁꯤ ꯏꯪꯂꯤꯁ ꯏꯂꯦꯛꯇꯔꯣꯐꯤꯖꯤꯑꯣꯂꯣꯖꯤꯁ꯭ꯠ ꯑꯃꯅꯤ ꯑꯃꯁꯨꯡ ꯏꯪ ꯱꯹꯳꯲ꯒꯤ ꯐꯤꯖꯤꯑꯣꯂꯣꯖꯤꯒꯤ ꯅꯣꯕꯦꯜ ꯄ꯭ꯔꯥꯏꯖ ꯐꯪꯂꯕ ꯃꯤꯑꯣꯏ ꯑꯃꯅꯤ, ꯃꯍꯥꯛꯅ ꯅ꯭ꯌꯨꯔꯣꯟꯁꯤꯡ ꯃꯊꯧꯗ ꯊꯕꯛ ꯇꯧꯈꯤꯕꯒꯤꯗꯃꯛ ꯁꯔ ꯆꯥꯔꯜꯁ ꯁꯦꯔꯤꯡ꯭ꯇꯟ ꯄꯨꯟꯅ ꯃꯅꯥ ꯐꯪꯈꯤ ꯫ ꯃꯍꯥꯛꯅ ꯅ꯭ꯔ꯭ꯚꯁꯤꯡꯒꯤ ꯑꯣꯜ-ꯑꯣꯔ-ꯅꯣꯟ ꯂꯣꯒꯤꯗꯃꯛ ꯆꯥꯡꯌꯦꯡꯒꯤ ꯑꯣꯏꯕ ꯈꯨꯗꯝ ꯄꯤꯈꯤ ꯫[꯱]
ꯄꯨꯟꯁꯤ ꯋꯥꯔꯤ
ꯁꯦꯝꯒꯠꯂꯨꯑꯗ꯭ꯔꯤꯌꯥꯟ ꯑꯁꯤ ꯂꯟꯗꯟꯒꯤ ꯍꯦꯝꯞꯁ꯭ꯇꯦꯗ, ꯂꯣꯀꯦꯜ ꯒꯕꯔꯟꯃꯦꯟꯠ ꯕꯣꯔ꯭ꯗ ꯋꯥꯌꯦꯜꯂꯣꯟꯒꯤ ꯄꯥꯎꯇꯥꯛ ꯄꯤꯕ, ꯑꯜꯐ꯭ꯔꯦꯠ ꯗ꯭ꯂꯣꯒꯁ ꯑꯗ꯭ꯔꯤꯌꯟ ꯑꯃꯁꯨꯡ ꯐ꯭ꯂꯣꯔꯥ ꯂꯦꯕꯤꯅꯤꯌꯥ ꯕꯥꯔꯇꯟꯒꯤ ꯃꯆꯥꯅꯨꯄꯥ ꯈ꯭ꯋꯥꯏꯗꯒꯤ ꯅꯦꯝꯃꯤꯟꯅꯕ ꯑꯣꯏꯅ ꯄꯣꯛꯈꯤ ꯫[꯲]
ꯃꯍꯥꯛ ꯋꯦꯁ꯭ꯃꯦꯁ꯭ꯇꯔ ꯁ꯭ꯀꯨꯜ ꯃꯍꯩ ꯇꯝꯈꯤ ꯑꯃꯁꯨꯡ ꯃꯗꯨꯒꯤ ꯃꯇꯨꯡꯗ ꯀꯦꯝꯕ꯭ꯔꯤꯖꯀꯤ ꯇ꯭ꯔꯤꯅꯤꯇꯤ ꯀꯣꯂꯦꯖꯗ ꯅꯦꯆꯔꯦꯜ ꯁꯥꯏꯟꯁꯁ ꯇꯝꯈꯤ, ꯏꯪ ꯱꯹꯱꯱ꯗ ꯒ꯭ꯔꯦꯖꯨꯑꯦꯁꯟ ꯇꯧꯈꯤ ꯫ ꯏꯪ ꯱꯹꯱꯳ꯗ ꯃꯍꯥꯛꯅ ꯅ꯭ꯔꯚꯁꯤꯡꯒꯤ "ꯄꯨꯝꯅꯃꯛ ꯅꯠꯇ꯭ꯔꯒ ꯑꯃꯠꯇ ꯂꯩꯇꯦ" ꯍꯥꯏꯕ ꯑꯥꯏꯟꯒꯤ ꯃꯇꯥꯡꯗ ꯊꯤꯖꯤꯟꯕꯒꯤ ꯃꯔꯝꯅ ꯇ꯭ꯔꯤꯅꯤꯇꯤ ꯀꯣꯂꯦꯖꯒꯤ ꯐꯦꯂꯣꯁꯤꯞ ꯑꯃꯗ ꯈꯟꯈꯤ ꯫
ꯏꯪ ꯱꯹꯱꯵ꯗ ꯃꯦꯗꯤꯀꯦꯜ ꯗꯤꯒ꯭ꯔꯤ (ꯑꯦꯝ. ꯕꯤ. ꯕꯤ. ꯁꯤ. ꯑꯩꯆ.) ꯂꯣꯏꯔꯕ ꯃꯇꯨꯡꯗ ꯃꯍꯥꯛꯅ ꯃꯥꯂꯦꯝꯒꯤ ꯑꯍꯥꯟꯕ ꯂꯥꯟꯒꯤ ꯃꯇꯝꯗ ꯁꯦꯟꯠ ꯕꯥꯔꯊꯣꯂꯣꯃꯤꯎꯁ ꯍꯣꯁꯄꯤꯇꯥꯜ ꯂꯟꯗꯟꯗ ꯑꯅꯥ-ꯂꯥꯌꯦꯡꯒꯤ ꯊꯕꯛ ꯇꯧꯈꯤ, ꯃꯁꯤꯗ ꯃꯍꯥꯛꯅ ꯅꯔ꯭ꯚꯗ ꯁꯣꯛꯍꯜꯂꯕ ꯂꯥꯟꯃꯤꯁꯤꯡ ꯑꯃꯁꯨꯡ ꯁꯦꯜ ꯁꯣꯛ ꯅꯔ꯭ꯋꯁꯀꯤ ꯑꯅꯥꯕꯁꯤꯡ ꯂꯥꯌꯦꯡꯈꯤ ꯫ ꯑꯗ꯭ꯔꯤꯌꯟ ꯏꯪ ꯱꯹꯱꯹ꯗ ꯃꯍꯥꯛꯀꯤ ꯗꯣꯛꯇꯔꯦꯠ (ꯑꯦꯝ. ꯗꯤ.) ꯐꯪꯂꯕ ꯂꯦꯛꯆꯔꯔ ꯑꯃ ꯑꯣꯏꯅ ꯀꯦꯝꯕ꯭ꯔꯤꯖꯗ ꯍꯜꯂꯛꯈꯤ ꯑꯃꯁꯨꯡ ꯏꯪ ꯱꯹꯲꯵ꯗ ꯃꯩꯒꯤ ꯊꯧꯑꯣꯡꯁꯤꯡꯅ ꯃꯤꯑꯣꯏꯕꯒꯤ ꯁꯦꯟꯁꯔꯤ ꯑꯣꯒ꯭ꯟꯁꯤꯡꯒꯤ ꯃꯇꯥꯡꯗ ꯊꯤꯖꯤꯟ-ꯍꯨꯝꯖꯤꯟꯕꯒꯤ ꯊꯕꯛ ꯍꯧꯈꯤ ꯫
ꯁꯤꯟꯐꯝꯒꯤ ꯑꯣꯏꯕ ꯁꯤꯟꯐꯝ
ꯁꯦꯝꯒꯠꯂꯨꯀꯤꯊ ꯂꯣꯀꯁ ꯃꯃꯥꯡꯗ ꯆꯠꯊꯈꯤꯕ ꯊꯤꯖꯤꯟ-ꯍꯨꯝꯖꯤꯟꯕꯒꯤ ꯊꯕꯛꯁꯤꯡ ꯃꯈꯥ ꯆꯠꯊꯗꯨꯅ, ꯃꯍꯥꯛꯅ ꯅꯔ꯭ꯕꯁ ꯁ꯭ꯇꯦꯝꯅ ꯄꯨꯊꯣꯛꯄ ꯁꯤꯒꯅꯦꯜꯁꯤꯡ ꯑꯗꯨ ꯆꯥꯎꯊꯣꯛꯍꯟꯅꯕ ꯀꯦꯄꯤꯂꯔ ꯏꯂꯦꯛꯇ꯭ꯔꯣꯃꯤꯇꯔ ꯑꯃꯁꯨꯡ ꯀꯦꯊꯣꯗ ꯔꯦ ꯇ꯭ꯌꯨꯕ ꯑꯃ ꯁꯤꯖꯤꯟꯅꯈꯤ ꯑꯃꯁꯨꯡ ꯍꯛꯆꯥꯡꯒꯤ ꯑꯣꯏꯕ ꯊꯧꯒꯠꯄꯒꯤ ꯃꯈꯥꯗ ꯁꯤꯡꯒꯜ ꯁꯤꯡꯂꯤ ꯅꯥꯎꯔꯤ ꯐꯥꯏꯕꯔꯁꯤꯡꯒꯤ ꯏꯂꯦꯛꯇ꯭ꯔꯤꯀꯦꯜ ꯗꯤꯁꯆꯥꯔꯖ ꯑꯗꯨ ꯔꯦꯀꯣꯔ꯭ꯗ ꯇꯧꯕ ꯉꯝꯈꯤ ꯫ (ꯃꯁꯤ ꯃꯍꯥꯛꯅ ꯃꯍꯥꯛꯀꯤ ꯆꯥꯡꯌꯦꯡꯁꯤꯡꯗ ꯐ꯭ꯔꯣꯡꯁꯤꯡ ꯁꯤꯖꯤꯟꯅꯈꯤꯕꯒꯨꯝ ꯇꯧꯋꯤ ꯱꯹꯲꯸ꯗ ꯑꯗ꯭ꯔꯤꯌꯟꯅ ꯈꯪꯍꯧꯗꯅ ꯊꯤꯗꯣꯛꯈꯤꯕ ꯑꯃꯅ ꯅꯔ꯭ꯚ ꯁꯦꯜꯁꯤꯡꯒꯤ ꯃꯅꯨꯡꯗ ꯃꯩ ꯂꯩꯕ ꯑꯗꯨ ꯄ꯭ꯔꯃꯥꯟ ꯇꯧꯈꯤ ꯫ ꯑꯗ꯭ꯔꯤꯌꯟꯅ ꯍꯥꯏꯈꯤ,
ꯔꯦꯇꯤꯅꯥꯗ ꯆꯥꯡꯌꯦꯡ ꯈꯔꯒ ꯃꯔꯤ ꯂꯩꯅꯅ ꯑꯩ ꯇꯦꯗ ꯑꯃꯒꯤ ꯑꯣꯞꯇꯤꯛ ꯅ꯭ꯚꯇ ꯏꯂꯦꯛꯇ꯭ꯔꯣꯗꯁꯤꯡ ꯁꯦꯝꯖꯤꯟꯈꯤ ꯫ ꯀꯥ ꯑꯗꯨ ꯆꯥꯎꯔꯥꯛꯅ ꯃꯨꯛꯇꯣꯛꯈꯤ ꯑꯃꯁꯨꯡ ꯑꯩ ꯑꯝꯄ꯭ꯂꯤꯐꯥꯏꯌꯔ ꯑꯗꯨꯗ ꯌꯥꯎꯕ ꯂꯥꯎꯗ ꯁ꯭ꯄꯤꯀꯔ ꯑꯗꯨꯗ ꯑꯃꯨꯛ ꯍꯟꯅ ꯃꯈꯣꯟ ꯇꯥꯕꯗꯨꯗꯒꯤ ꯑꯩ ꯆꯤꯡꯁꯤꯟꯈꯤ, ꯃꯈꯣꯟꯁꯤꯡ ꯑꯁꯤꯅ ꯏꯝꯄꯜꯁꯀꯤ ꯊꯕꯛ ꯌꯥꯝꯅ ꯆꯠꯊꯔꯤ ꯍꯥꯏꯕ ꯇꯥꯛꯂꯤ ꯫ ꯃꯈꯣꯜꯗꯨ ꯀꯥ ꯑꯗꯨꯒꯤ ꯑꯀꯣꯏꯕꯗ ꯑꯩꯒꯤ ꯃꯁꯥꯒꯤ ꯈꯣꯡꯖꯦꯜꯁꯤꯡꯒ ꯆꯥꯡꯗꯝꯅꯕꯗ ꯑꯩꯅ ꯈꯪꯂꯛꯈꯤ ꯃꯗꯨꯗꯤ ꯑꯩ ꯎꯒꯤ ꯃꯤꯠ ꯑꯗꯨ ꯌꯦꯡꯕꯒꯤ ꯂꯝꯗ ꯂꯩꯔꯤ ꯑꯃꯁꯨꯡ ꯃꯁꯤꯅ ꯑꯩꯅ ꯀꯔꯤ ꯇꯧꯔꯤꯒꯦ ꯍꯥꯏꯕꯗꯨ ꯇꯥꯛꯂꯤ ꯫
꯱꯹꯲꯸ꯇ ꯐꯣꯡꯈꯤꯕ ꯃꯔꯨꯑꯣꯏꯕ ꯃꯍꯩ ꯑꯃꯥꯅ ꯍꯥꯏꯔꯝꯃꯤ ꯃꯗꯨꯗꯤ ꯂꯦꯞꯇꯅ ꯊꯧꯒꯠꯂꯛꯄꯒꯤ ꯃꯈꯥꯗ ꯎꯟꯁꯥꯒꯤ ꯄꯨꯛꯅꯤꯡ ꯊꯧꯒꯠꯂꯛꯄ ꯑꯁꯤ ꯑꯍꯥꯟꯕꯗ ꯃꯄꯥꯡꯒꯜ ꯀꯜꯂꯤ ꯑꯗꯨꯕꯨ ꯃꯇꯝꯒꯤ ꯃꯇꯨꯡ ꯏꯟꯅ ꯇꯞꯅ ꯇꯞꯅ ꯍꯟꯊꯩ, ꯑꯗꯨꯒ ꯁꯝꯅꯕ ꯃꯐꯝꯗꯒꯤ ꯅ꯭ꯔ꯭ꯚꯁꯤꯡꯗ ꯆꯠꯂꯤꯕ ꯁꯦꯟꯁꯔꯤ ꯏꯝꯄꯜꯁꯁꯤꯡ ꯑꯗꯨ ꯆꯥꯡ ꯅꯥꯏꯅ ꯃꯄꯥꯡꯒꯜ ꯂꯩ, ꯑꯗꯨꯝ ꯑꯣꯏꯅꯃꯛ ꯃꯇꯝꯒꯤ ꯃꯇꯨꯡ ꯏꯟꯅ ꯆꯥꯡ ꯅꯥꯏꯅ ꯍꯟꯊꯩ, ꯑꯃꯁꯨꯡ ꯃꯁꯤꯒꯤ ꯃꯍꯩ ꯑꯣꯏꯅ ꯕ꯭ꯔꯦꯟꯗ ꯂꯩꯕ ꯋꯥꯈꯜ ꯑꯗꯨ ꯍꯟꯊꯩ ꯫
ꯃꯁꯤꯒꯤ ꯃꯍꯩꯁꯤꯡ ꯑꯁꯤ ꯅꯔ꯭ꯕꯁ ꯁꯤꯁꯇꯦꯝꯒꯤ ꯊꯧꯒꯠꯂꯛꯄꯅ ꯊꯣꯛꯍꯟꯕ ꯑꯅꯥꯕꯒꯤ ꯃꯇꯥꯡꯗ ꯅꯩꯅꯕꯗ ꯄꯥꯛꯊꯣꯛ-ꯆꯥꯎꯊꯣꯛꯍꯟꯗꯨꯅ, ꯃꯍꯥꯛꯅ ꯊꯣꯞꯇꯥ ꯑꯁꯤꯒꯨꯝꯕ ꯁꯤꯒꯅꯦꯜꯁꯤꯡ ꯐꯪꯂꯛꯄ ꯑꯃꯁꯨꯡ ꯇꯣꯉꯥꯟ-ꯇꯣꯉꯥꯟꯕ ꯁꯥꯁꯤꯡꯗ ꯁꯦꯔꯦꯕ꯭꯭ꯔꯦꯜ ꯀꯣꯔꯇꯦꯛꯁꯀꯤ ꯁꯦꯟꯁꯔꯤ ꯑꯦꯔꯤꯌꯥꯁꯤꯡꯒꯤ ꯃꯐꯝ ꯑꯃꯗ ꯁꯟꯗꯣꯛꯄꯒꯤ ꯃꯇꯥꯡꯗ ꯊꯤꯖꯟꯈꯤ ꯫ ꯍꯥꯏꯔꯤꯕ ꯋꯥꯔꯣꯏꯁꯤꯟꯁꯤꯡ ꯑꯁꯤꯅ ꯁꯣꯃꯥꯇꯣꯁꯦꯟꯁꯔꯤ ꯁꯤꯁ꯭ꯇꯦꯝꯗ ꯍꯣꯃꯨꯟꯀ꯭ꯌꯨꯂꯁ ꯀꯧꯕ ꯁꯦꯟꯁꯔꯤ ꯃꯦꯞ ꯑꯃꯒꯤ ꯋꯥꯈꯜꯂꯣꯟꯗ ꯄꯨꯔꯛꯏ ꯫
ꯃꯇꯨꯡꯗ ꯑꯗ꯭ꯔꯤꯌꯟꯅ ꯃꯤꯑꯣꯏꯕꯗ ꯊꯣꯞ ꯏꯂꯦꯛꯇ꯭ꯔꯤꯀꯦꯜ ꯑꯦꯛꯇꯤꯕ꯭ꯌꯨꯇꯤꯕꯨ ꯅꯩꯅꯅꯕ ꯏꯂꯦꯛꯇ꯭ꯔꯣꯑꯦꯟꯁꯦꯐꯂꯣꯒ꯭ꯔꯥꯝ ꯁꯤꯖꯤꯟꯅꯈꯤ ꯫ ꯕꯔꯒꯔ ꯔꯤꯊꯝꯒꯤ ꯑꯅꯝꯕꯒꯤ ꯃꯇꯥꯡꯗ ꯃꯍꯥꯛꯅ ꯇꯧꯈꯤꯕ ꯊꯕꯛ ꯑꯁꯤꯅ ꯏꯄꯤꯂꯦꯞꯁꯤ ꯑꯃꯁꯨꯡ ꯑꯇꯣꯞꯄ ꯁꯦꯔꯦꯕ꯭ꯔꯦꯜ ꯄꯦꯊꯣꯂꯣꯖꯤꯁꯤꯡꯗ ꯃꯈꯥ ꯇꯥꯅ ꯊꯤꯖꯤꯟꯕꯒꯤ ꯂꯝꯕꯤ ꯁꯦꯝꯈꯤ ꯫ ꯃꯍꯥꯛꯅ ꯃꯍꯥꯛꯀꯤ ꯊꯤꯖꯟ ꯍꯨꯝꯖꯟꯕ ꯁꯤꯟꯐꯝꯒꯤ ꯑꯔꯣꯏꯕ ꯁꯔꯨꯛ ꯑꯗꯨ ꯅꯨꯡꯁꯤꯍꯤꯗꯥꯛꯄꯒꯤ ꯃꯇꯥꯡꯗ ꯊꯤꯖꯤꯟꯕꯗ ꯂꯦꯟꯈꯤ ꯫
ꯃꯍꯥꯛꯀꯤ ꯁꯤꯟꯐꯝꯒꯤ ꯃꯇꯝꯗ ꯃꯍꯥꯛꯅ ꯄꯥꯏꯈꯤꯕ ꯐꯝꯁꯤꯡꯒꯤ ꯃꯅꯨꯡꯗ ꯀꯦꯝꯕ꯭ꯔꯤꯖ ꯌꯨꯅꯤꯚꯔꯁꯤꯇꯤꯗ ꯐꯤꯖꯤꯑꯣꯂꯣꯖꯤꯒꯤ ꯄ꯭ꯔꯣꯐꯦꯁꯔ ꯐꯧꯂꯔꯇꯟ ꯄ꯭ꯔꯣꯐ꯭ꯔꯦꯁꯔ ꯱꯹꯲꯹-꯱꯹꯳꯷, ꯔꯣꯌꯜ ꯁꯣꯁꯥꯏꯇꯤꯒꯤ ꯄ꯭ꯔꯦꯁꯤꯗꯦꯟ꯭ꯇ, ꯀꯦꯝꯕ꯭ꯔꯤꯁꯀꯤ ꯇ꯭ꯔꯤꯅꯤꯇꯤ ꯀꯣꯂꯦꯖꯒꯤ ꯄ꯭ꯔꯦꯗꯤꯗꯦꯟ꯭ꯇ ꯱꯹꯵꯰-꯱꯹꯵꯵, ꯔꯌꯥꯜ ꯁꯣꯁꯥꯏꯇꯤ ꯑꯣꯐ ꯃꯦꯗꯤꯁꯤꯟꯒꯤ ꯄ꯭ꯔꯦꯗꯗꯤꯟ꯭ꯇ, ꯌꯨꯅꯤꯚꯔꯁꯤꯇꯤ ꯑꯣꯐ ꯀꯦꯝꯕ꯭ꯔꯤꯇꯤꯁꯀꯤ ꯆꯦꯟꯆꯂꯔ ꯱꯹꯶꯷-꯱꯹꯷꯵, ꯌꯨꯅꯤꯚꯔꯁꯤꯇꯤ ꯑꯣꯐ ꯂꯦꯁꯦꯁꯇꯔ ꯆꯦꯟꯆꯂꯔ, ꯱꯹꯵꯷-꯱꯹꯷꯱ ꯌꯥꯎꯈꯤ ꯫ ꯑꯗ꯭ꯔꯤꯌꯥꯟ ꯑꯁꯤ ꯏꯪ ꯱꯹꯳꯸ꯗ ꯑꯃꯦꯔꯤꯀꯥꯒꯤ ꯑꯦꯀꯥꯗꯦꯃꯤ ꯑꯣꯐ ꯑꯥꯔ꯭ꯠꯁ ꯑꯦꯟꯗ ꯁꯥꯏꯟꯁꯁ ꯑꯃꯁꯨꯡ ꯑꯃꯦꯔꯤꯀꯥꯒꯤ ꯐꯤꯂꯣꯁꯣꯐꯤꯀꯦꯜ ꯁꯣꯁꯥꯏꯇꯤ ꯐꯣꯔꯦꯟ ꯑꯣꯅꯔꯦꯔꯤ ꯃꯦꯝꯕꯔ ꯑꯣꯏꯅ ꯈꯟꯈꯤ ꯫ ꯃꯍꯥꯛ ꯏꯪ ꯱꯹꯴꯱ꯗ ꯌꯨꯅꯥꯏꯇꯦꯗ ꯁ꯭ꯇꯦꯠꯁ ꯅꯦꯁꯅꯦꯜ ꯑꯦꯀꯥꯗꯦꯃꯤ ꯑꯣꯐ ꯁꯥꯏꯟꯁꯁꯀꯤ ꯏꯟꯇꯔꯅꯦꯁꯅꯦꯜ ꯃꯦꯝꯕꯔ ꯑꯣꯏꯅ ꯈꯟꯈꯤ ꯫ ꯏꯪ ꯱꯹꯴꯶ꯇ ꯃꯍꯥꯛ ꯔꯣꯌꯦꯜ ꯅꯦꯗꯔꯂꯦꯟ꯭ꯁ ꯑꯦꯀꯥꯗꯦꯃꯤ ꯑꯣꯐ ꯑꯥꯔ꯭ꯠꯁ ꯑꯦꯟ ꯁꯥꯏꯟꯁꯦꯁꯀꯤ ꯃꯄꯥꯟ ꯂꯩꯕꯥꯛꯀꯤ ꯃꯤꯍꯨꯠ ꯑꯣꯏꯈꯤ ꯫ ꯏꯪ ꯱꯹꯴꯲ꯗ ꯃꯍꯥꯛꯄꯨ ꯑꯣꯔꯗꯔ ꯑꯣꯐ ꯃꯦꯔꯤꯠ ꯃꯦꯝꯕꯔꯁꯤꯞ ꯄꯤꯈꯤ ꯑꯃꯁꯨꯡ ꯏꯪ ꯱꯹꯵꯵ꯒꯤ ꯅ꯭ꯌꯨ ꯏꯌꯔ ꯑꯣꯅꯔꯁꯇ ꯀꯦꯝꯕ꯭ꯔꯤꯖ ꯀꯥꯎꯟꯇꯤꯒꯤ ꯀꯦꯝꯕ꯭ꯔꯤꯓꯒꯤ ꯕꯦꯔꯣꯟ ꯑꯗ꯭ꯔꯤꯌꯟ ꯁꯦꯝꯈꯤ ꯫[꯳]
ꯏꯃꯨꯡ ꯃꯅꯨꯡ
ꯁꯦꯝꯒꯠꯂꯨꯏꯪ ꯱꯹꯲꯳ꯒꯤ ꯖꯨꯟ ꯱꯴ꯗ ꯑꯦꯗꯒꯔ ꯑꯗ꯭ꯌꯟꯅ ꯑꯦꯂꯦꯟ ꯄꯤꯟꯁꯦꯟ꯭ꯇ ꯃꯆꯥꯅꯨꯄꯤ ꯑꯃꯁꯨꯡ ꯗꯦꯚꯤꯗ ꯄꯤꯟꯁꯦꯟꯒꯤ ꯃꯅꯥꯎꯅꯨꯄꯥ ꯑꯣꯏꯔꯤꯕ ꯍꯦꯁꯇꯔ ꯑꯦꯒꯅꯦꯁ ꯄꯤꯟꯁꯦꯟꯒ ꯂꯨꯍꯣꯡꯈꯤ ꯫ ꯃꯈꯣꯏ ꯄꯨꯟꯅ ꯑꯉꯥꯡ ꯑꯍꯨꯝ ꯄꯣꯛꯈꯤ, ꯑꯍꯥꯟꯕꯗ ꯃꯆꯥꯅꯨꯄꯤ ꯑꯃꯥ ꯑꯃꯁꯨꯡ ꯃꯗꯨꯒꯤ ꯃꯇꯨꯡꯗ ꯐꯥꯏꯄꯣꯛ:
- ꯆꯥꯔꯜꯁ ꯗꯥꯔꯋꯤꯟ ꯃꯁꯨꯅꯨꯄꯥ ꯑꯣꯏꯔꯤꯕ ꯐꯤꯖꯤꯑꯣꯂꯣꯖꯤꯁ꯭ꯠ ꯔꯤꯆꯥꯔ꯭ꯗ ꯀꯦꯅꯦꯁ ꯂꯨꯍꯣꯡꯈꯤꯕ ꯑꯦꯟ ꯄꯤꯟꯁꯦꯟ ꯑꯦꯗ꯭ꯔꯤꯌꯥꯟ ꯫ ꯃꯇꯩ ꯃꯅꯥꯎ ꯑꯗꯨꯒꯤ ꯑꯉꯥꯡ ꯃꯔꯤ ꯂꯩꯈꯤ ꯫
- ꯑꯗ꯭ꯔꯤꯌꯟ ꯀꯦꯅꯦꯁ (꯱꯹꯴꯶-꯱꯹꯷꯴)
- ꯔꯥꯟꯗꯜ ꯀꯦꯅꯦꯁ (꯱꯹꯴꯸)
- ꯔꯣꯖꯔ ꯀꯦꯅꯦꯁ (꯱꯹꯵꯱)
- ꯁꯥꯏꯃꯟ ꯀꯦꯅꯦꯁ (꯱꯹꯵꯲)
- ꯔꯤꯆꯥꯔꯗ ꯑꯗ꯭ꯔꯤꯌꯥꯟ, ꯲ꯁꯨꯕ ꯕꯦꯔꯣꯟ ꯑꯗ꯭ꯔꯤꯌꯟ (꯱꯹꯲꯷-꯱꯹꯹꯵)
- ꯃꯇꯩ ꯃꯅꯥꯎ ꯑꯗꯨꯒꯤ ꯃꯆꯥ ꯑꯃꯠꯇ ꯂꯩꯈꯤꯗꯦ ꯫
- ꯄꯤꯇꯔ ꯋꯥꯠꯁꯟ ꯀꯦꯝꯄ꯭ꯂꯦꯒ ꯂꯨꯍꯣꯡꯈꯤꯕ ꯖꯦꯟꯅꯦꯠ ꯑꯗ꯭ꯔꯤꯌꯟ (ꯏꯪ ꯱꯹꯲꯷)
- ꯏꯃꯨꯡ ꯃꯅꯨꯡꯒꯤ ꯃꯈꯥ ꯇꯥꯔꯛꯄ ꯑꯀꯨꯞꯄ ꯃꯔꯣꯜꯁꯤꯡ ꯈꯡꯕ ꯉꯝꯗ꯭ꯔꯤ ꯫ [꯴]
ꯂꯥꯏꯔꯤꯛ ꯄꯔꯤꯡ
ꯁꯦꯝꯒꯠꯂꯨ- ꯕꯦꯁꯤꯁ ꯑꯣꯐ ꯁꯦꯟꯁꯦꯁꯟ (꯱꯹꯲꯸)
- ꯗ ꯃꯦꯀꯥꯅꯤꯖꯝ ꯑꯣꯐ ꯅꯔꯚꯁ ꯑꯦꯛꯁꯟ (꯱꯹꯳꯲)
- ꯃꯤꯑꯣꯏꯕꯒꯤ ꯃꯑꯣꯡ ꯃꯇꯧ ꯂꯦꯞꯊꯣꯛꯄ ꯃꯔꯝꯁꯤꯡ (꯱꯹꯳꯷)
ꯈꯨꯠꯁꯤꯡ
ꯁꯦꯝꯒꯠꯂꯨꯑꯁꯤꯁꯨ ꯌꯦꯡꯕꯤꯌꯨ
ꯁꯦꯝꯒꯠꯂꯨ- ꯔꯣꯌꯜ ꯁꯣꯁꯥꯏꯇꯤꯒꯤ ꯄ ꯭ ꯔꯦꯁꯤꯗꯦꯟꯁꯤꯡꯒꯤ ꯂꯤꯁꯠ
ꯃꯇꯦꯡ ꯂꯧꯔꯛꯐꯝꯁꯤꯡ
ꯁꯦꯝꯒꯠꯂꯨ- ↑ Raymond J. Corsini (2002). The Dictionary of Psychology. Psychology Press, 1119–. ISBN 978-1-58391-328-4.
- ↑ (2006) Former Fellows of The Royal Society of Edinburgh, 1783 – 2002: Biographical Index Part One. Royal Society of Edinburgh, 7. ISBN 090219884X.
- ↑
- ↑ Ian Glynn (January 2011). "Richard Darwin Keynes". Biographical Memoirs of Fellows of the Royal Society. 57: 205–227. doi:10.1098/rsbm.2011.0001.