꯲꯰꯲꯴ ꯕꯪꯒ꯭ꯂꯥꯗꯦꯁ ꯀꯣꯇꯥ ꯔꯤꯐꯣꯔ꯭ꯝ ꯃꯨꯕꯃꯦꯟꯠ
ꯏꯪ ꯲꯰꯲꯴ꯒꯤ ꯕꯪꯒ꯭ꯂꯥꯗꯦꯁ ꯀꯣꯇꯥ ꯔꯤꯐꯣꯔ꯭ꯝ ꯃꯨꯕꯃꯦꯟꯠ ꯑꯁꯤ ꯄꯕ꯭ꯂꯤꯛ ꯑꯃꯁꯨꯡ ꯄ꯭ꯔꯥꯏꯕꯦꯠ ꯌꯨꯅꯤꯚꯔꯁꯤꯇꯤꯁꯤꯡꯒꯤ ꯃꯍꯩꯔꯣꯏꯁꯤꯡꯅ ꯂꯨꯆꯤꯡꯕ ꯕꯪꯒ꯭ꯂꯥꯗꯦꯁꯇ ꯆꯠꯊꯔꯤꯕ ꯂꯩꯉꯥꯛꯀꯤ ꯃꯥꯌꯣꯛꯇ ꯆꯠꯊꯔꯤꯕ ꯈꯣꯡꯖꯪ ꯑꯃꯅꯤ꯫ ꯑꯍꯥꯟꯕꯗ ꯁꯔꯀꯥꯔꯒꯤ ꯊꯕꯛ ꯂꯧꯅꯕꯒꯤꯗꯃꯛꯇ ꯆꯠꯅꯕꯤꯒꯤ ꯑꯣꯏꯕ ꯀꯣꯇꯥꯗ ꯌꯨꯝꯐꯝ ꯑꯣꯏꯕ ꯁꯤꯁ꯭ꯇꯦꯝ ꯑꯁꯤ ꯑꯃꯨꯛ ꯍꯟꯅ ꯁꯦꯝꯒꯠꯄꯗ ꯃꯤꯠꯌꯦꯡ ꯊꯝꯈꯤ, ꯂꯩꯉꯥꯛꯅ ꯋꯥꯀꯠꯂꯤꯕ ꯃꯤꯑꯣꯏ ꯂꯤꯁꯤꯡ ꯑꯃ ꯍꯦꯟꯅ ꯑꯃꯁꯨꯡ ꯃꯤꯆꯝꯁꯤꯡ ꯍꯥꯠꯈ꯭ꯔꯕ ꯃꯇꯨꯡꯗ ꯈꯣꯡꯖꯪ ꯑꯁꯤ ꯄꯥꯛꯊꯣꯛ ꯆꯥꯎꯊꯣꯛꯍꯟꯈꯤ꯫[꯱][꯲][꯳]
ꯃꯁꯤ ꯏꯪ ꯲꯰꯲꯴ꯒꯤ ꯖꯨꯟꯗ ꯕꯪꯒ꯭ꯂꯥꯗꯦꯁꯀꯤ ꯁꯨꯄ꯭ꯔꯤꯝ ꯀꯣꯔ꯭ꯠꯀꯤ ꯋꯥꯔꯦꯞꯅ ꯏꯪ ꯲꯰꯱꯸ꯒꯤ ꯑꯍꯣꯡꯕ ꯑꯃ ꯍꯣꯡꯗꯣꯛꯇꯨꯅ ꯅꯤꯡꯇꯝꯕ ꯂꯥꯟꯃꯤꯁꯤꯡꯒꯤ ꯆꯥꯔꯣꯜ-ꯁꯨꯔꯣꯜꯁꯤꯡꯒꯤꯗꯃꯛ ꯆꯥꯗ ꯳꯰ꯒꯤ ꯀꯣꯇꯥ ꯑꯃ ꯑꯃꯨꯛ ꯍꯟꯅ ꯍꯤꯡꯒꯠꯍꯟꯈꯤꯕꯗꯒꯤ ꯍꯧꯈꯤ꯫ ꯃꯍꯩꯔꯣꯏꯁꯤꯡꯅ ꯃꯁꯤꯒꯤ ꯈꯨꯗꯣꯡꯆꯥꯕꯁꯤꯡ ꯑꯁꯤ ꯃꯦꯔꯤꯠꯇ ꯌꯨꯝꯐꯝ ꯑꯣꯏꯔꯒ ꯌꯥꯝꯅ ꯅꯦꯝꯅ ꯐꯥꯎꯈꯤ꯫ ꯑꯍꯥꯟꯕꯗ ꯀꯣꯇꯥ ꯁꯤꯁ꯭ꯇꯦꯝꯒꯤ ꯄꯥꯎꯈꯨꯝ ꯑꯣꯏꯅ ꯍꯧꯈꯤꯕ ꯑꯃꯁꯨꯡ ꯌꯨꯅꯤꯚꯔꯁꯤꯇꯤꯒꯤ ꯀꯦꯝꯄꯁꯁꯤꯡꯗ ꯇꯥꯁꯤꯟꯗꯨꯅ ꯊꯝꯈꯤꯕ ꯋꯥꯀꯠ ꯑꯁꯤ ꯁꯔꯀꯥꯔꯒꯤ ꯌꯥꯝꯅ ꯀꯟꯅ ꯍꯤꯡꯁꯥꯒꯤ ꯄꯥꯎꯈꯨꯝ ꯄꯤꯕꯅ ꯃꯔꯝ ꯑꯣꯏꯗꯨꯅ ꯂꯩꯕꯥꯛ ꯄꯨꯝꯕꯗ ꯊꯨꯅ ꯁꯟꯗꯣꯛꯈꯤ, ꯃꯁꯤꯒ ꯂꯣꯏꯅꯅ ꯀꯌꯥ ꯑꯃꯅ ꯁꯛꯇꯤ ꯂꯩꯕ ꯂꯩꯉꯥꯛ ꯑꯃ ꯑꯣꯏꯅ ꯂꯧꯔꯤꯕ ꯃꯤꯑꯣꯠ-ꯃꯤꯅꯩ ꯆꯠꯊꯕꯗꯒꯤ ꯊꯣꯛꯈꯤꯕ ꯃꯤꯌꯥꯝꯒꯤ ꯅꯨꯡꯉꯥꯏꯇꯕ ꯑꯗꯨꯁꯨ ꯃꯔꯝ ꯑꯣꯏꯗꯨꯅ ꯂꯩꯕꯥꯛ ꯄꯨꯝꯕꯗ ꯁꯟꯗꯣꯛꯈꯤ꯫ ꯐꯤꯚꯝ ꯑꯁꯤ ꯑꯇꯣꯞꯄ ꯆꯠꯊꯔꯤꯕ ꯋꯥꯐꯝ ꯀꯌꯥꯅ ꯃꯈꯥ ꯇꯥꯅ ꯑꯔꯨꯕ ꯑꯣꯏꯈꯤ, ꯃꯗꯨꯗꯤ - ꯂꯩꯉꯥꯛꯅ ꯃꯇꯝ ꯁꯥꯡꯅ ꯁꯦꯟꯃꯤꯠꯂꯣꯟꯒꯤ ꯑꯋꯥꯠꯄ ꯑꯃ ꯁꯤꯟꯕ ꯉꯝꯗꯕ ꯑꯃꯁꯨꯡ ꯑꯍꯣꯡꯕ ꯄꯨꯔꯛꯅꯕ ꯃꯤꯌꯥꯝꯒꯤ ꯂꯩꯉꯥꯛꯀꯤ ꯂꯝꯕꯤꯁꯤꯡ ꯂꯩꯇꯕ꯫
ꯑꯋꯥꯃꯤ ꯂꯤꯒꯀꯤ ꯂꯩꯉꯥꯛꯅ ꯋꯥꯀꯠ ꯑꯁꯤ ꯂꯩꯕꯥꯛ ꯑꯁꯤꯕꯨ ꯇꯪꯗꯨ ꯂꯩꯇꯥꯗꯅꯕ ꯍꯣꯠꯅꯔꯤꯕ ꯔꯥꯖꯅꯤꯇꯤꯒꯤ ꯃꯥꯌꯣꯛꯇ ꯂꯩꯕ ꯃꯤꯑꯣꯏꯁꯤꯡ, ꯃꯔꯨꯑꯣꯏꯅ ꯕꯤ.ꯑꯦꯟ.ꯄꯤ. ꯑꯃꯁꯨꯡ ꯖꯃꯥꯠ-ꯏ-ꯏꯁ꯭ꯂꯥꯃꯤꯅ ꯍꯥꯏꯖꯦꯛ ꯇꯧꯈꯤ ꯍꯥꯏꯅ ꯃꯔꯥꯜ ꯁꯤꯈꯤ ꯫ ꯂꯩꯉꯥꯛꯅ ꯃꯍꯩ-ꯃꯁꯤꯡ ꯇꯝꯕꯒꯤ ꯂꯣꯏꯁꯪ ꯄꯨꯝꯅꯃꯛ ꯊꯤꯡꯖꯤꯟꯗꯨꯅ, ꯋꯥꯀꯠꯂꯤꯕꯁꯤꯡꯒꯤ ꯃꯥꯌꯣꯛꯇ ꯃꯈꯣꯏꯒꯤ ꯃꯍꯩꯔꯣꯏ ꯀꯥꯡꯂꯨꯞ - ꯁꯇ꯭ꯔ ꯂꯤꯒ ꯁꯤꯖꯤꯟꯅꯗꯨꯅ, ꯄꯨꯂꯤꯁ ꯑꯃꯁꯨꯡ ꯉꯝꯈꯩꯒꯤ ꯉꯥꯛꯁꯦꯜꯂꯤꯕꯁꯤꯡ ꯊꯥꯗꯨꯅ ꯑꯃꯁꯨꯡ ꯑꯔꯣꯏꯕꯗ ꯂꯩꯕꯥꯛ ꯁꯤꯟꯕ ꯊꯨꯡꯅ ꯅꯣꯡꯃꯩ ꯀꯥꯞꯄꯒꯤ ꯀꯥꯔꯐ꯭ꯌꯨ ꯂꯥꯎꯊꯣꯛꯇꯨꯅ ꯋꯥꯀꯠ ꯑꯗꯨ ꯅꯝꯊꯅꯕ ꯍꯣꯠꯅꯈꯤ ꯫ ꯕꯪꯒ꯭ꯂꯥꯗꯦꯁꯄꯨ ꯃꯥꯂꯦꯝꯒꯤ ꯑꯇꯣꯞꯄ ꯃꯐꯝꯁꯤꯡꯗꯒꯤ ꯐꯖꯅ ꯇꯣꯈꯥꯏꯅ ꯊꯝꯈꯤꯕ ꯂꯩꯕꯥꯛ ꯁꯤꯟꯕ ꯊꯨꯡꯅ ꯃꯃꯥꯡꯗ ꯑꯃꯨꯛꯇ ꯇꯧꯈꯤꯗ꯭ꯔꯤꯕ ꯏꯟꯇꯔꯅꯦꯠ ꯕ꯭ꯂꯦꯛꯑꯥꯎꯠ ꯑꯃꯒꯤ ꯃꯔꯛꯇ ꯂꯩꯕꯥꯛ ꯁꯤꯟꯕ ꯊꯨꯡꯅ ꯑꯥꯔꯃꯤ ꯊꯥꯈꯤ꯫ ꯇꯣꯉꯥꯟ-ꯇꯣꯉꯥꯟꯕ ꯃꯁꯤꯡꯒꯤ ꯁꯤꯕꯒꯤ ꯄꯥꯎꯗꯝꯈ꯭ꯔꯦ꯫ ꯖꯨꯂꯥꯏ ꯲꯴ ꯐꯥꯎꯕꯗ ꯁꯤꯈꯤꯕꯒꯤ ꯃꯁꯤꯡ ꯑꯁꯤ ꯆꯥꯎꯔꯥꯛꯅ ꯱꯹꯷+ ꯅꯤ ꯑꯃꯁꯨꯡ ꯑꯇꯣꯞꯄ ꯂꯤꯁꯤꯡ ꯲꯰ ꯍꯦꯟꯅ ꯑꯁꯣꯛ ꯑꯄꯟ ꯅꯪꯈꯤ, ꯂꯩꯕꯥꯛ ꯑꯁꯤꯒꯤ ꯇꯣꯉꯥꯟ-ꯇꯣꯉꯥꯟꯕ ꯃꯐꯝꯁꯤꯡꯗ ꯃꯤꯑꯣꯏ ꯲꯵꯸꯰ ꯐꯥꯈꯤꯕꯒ ꯂꯣꯏꯅꯅ꯫ ꯈꯣꯡꯖꯪ ꯑꯁꯤ ꯃꯈꯥ ꯇꯥꯅ ꯆꯠꯊꯔꯤ ꯃꯔꯝꯗꯤ ꯃꯁꯤꯅ ꯍꯤꯡꯁꯥꯒꯤ ꯃꯇꯥꯡꯗ ꯄꯥꯎꯈꯨꯝ ꯄꯤꯕ, ꯁꯔꯀꯥꯔꯒꯤ ꯐꯝꯅꯥꯏꯕꯁꯤꯡꯅ ꯊꯕꯛ ꯊꯥꯗꯣꯛꯄ, ꯑꯃꯁꯨꯡ ꯃꯍꯩꯔꯣꯏ ꯌꯨꯅꯤꯌꯟꯁꯤꯡꯒꯤ ꯑꯍꯣꯡꯕ ꯄꯨꯔꯛꯅꯕ ꯃꯈꯣꯏꯒꯤ ꯇꯛꯁꯤꯟꯋꯥꯁꯤꯡ ꯑꯗꯨ ꯄꯥꯛꯊꯣꯛ ꯆꯥꯎꯊꯣꯛꯍꯟꯈ꯭ꯔꯦ꯫[꯴]
ꯃꯇꯦꯡ ꯂꯧꯔꯛꯐꯝ
ꯁꯦꯝꯒꯠꯂꯨ- ↑ https://www.washingtonpost.com/world/2024/07/19/bangladesh-demonstrations-police-hasina/
- ↑ https://www.bbc.com/news/articles/c4ng5v03gd4o
- ↑ https://www.france24.com/en/asia-pacific/20240719-deadly-clashes-between-police-and-students-during-protests-in-bangladesh
- ↑ https://www.aljazeera.com/opinions/2024/7/23/bangladesh-protests-are-no-longer-about-the-quota-system