ꯑꯉꯥꯡꯗꯒꯤ ꯃꯥꯢꯔꯦꯟ ꯑꯣꯟꯕ (ꯋꯥꯔꯤ)
"ꯑꯉꯥꯡꯗꯒꯤ ꯃꯥꯢꯔꯦꯟ ꯑꯣꯟꯕ" ꯍꯥꯢꯔꯤꯕ ꯑꯁꯤ ꯀꯪꯂꯩꯄꯥꯛ (ꯃꯅꯤꯄꯨꯔ)ꯒꯤ ꯃꯤꯇꯩꯒꯤ ꯐꯨꯡꯒꯥꯋꯥꯔꯤ (ꯃꯩꯇꯩꯒꯤ ꯐꯨꯡꯒꯥꯋꯥꯔꯤ) ꯑꯃꯅꯤ ꯫
| ꯑꯉꯥꯡꯗꯒꯤ ꯃꯥꯢꯔꯦꯟ ꯑꯣꯟꯕ | |
|---|---|
 | |
| ꯑꯉꯥꯡꯗꯒꯤ ꯃꯥꯢꯔꯦꯟ ꯑꯣꯟꯕ | |
| ꯐꯨꯡꯒꯥ ꯋꯥꯔꯤ | |
| ꯃꯃꯤꯡ | ꯑꯉꯥꯡꯗꯒꯤ ꯃꯥꯢꯔꯦꯟ ꯑꯣꯟꯕ |
| ꯑꯇꯣꯞꯄ ꯃꯃꯤꯡ | ꯑꯉꯥꯡꯗꯒꯤ ꯃꯥꯢꯔꯦꯜ ꯑꯣꯟꯕ |
| ꯑꯀꯨꯞꯄ ꯋꯥꯔꯣꯜ | |
| Aarne-Thompson Grouping: | ꯅꯠꯇꯦ |
| ꯂꯤꯅ-ꯋꯥꯔꯤ | ꯃꯤꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ (ꯃꯩꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ) |
| ꯂꯩꯄꯥꯛ | ꯏꯟꯗꯤꯌꯥ |
| ꯃꯐꯝ | ꯀꯪꯂꯩꯄꯥꯛ (ꯃꯅꯤꯄꯨꯔ) |
| ꯃꯔꯤ ꯂꯩꯅꯕ | ꯁꯟꯗ꯭ꯔꯦꯝꯕꯤ ꯆꯩꯁ꯭ꯔꯥ |
ꯋꯥꯔꯤ ꯁꯦꯝꯒꯠꯂꯨ
ꯊꯥꯢꯅ ꯊꯥꯢꯅ ꯃꯃꯥꯡꯉꯩꯗ ꯌꯥꯝꯅ ꯁꯥꯎꯒꯟꯕ ꯅꯤꯡꯊꯧ ꯑꯃ ꯄꯥꯜꯂꯝꯃꯤ꯫ ꯑꯗꯨꯒ ꯃꯆꯥ ꯂꯩꯖꯗꯕ ꯃꯇꯩ ꯃꯅꯥꯎ ꯑꯃꯁꯨ ꯂꯩꯔꯝꯃꯤ꯫ ꯃꯇꯩ ꯃꯅꯥꯎ ꯑꯗꯨꯅ ꯂꯥꯢ ꯗ ꯃꯆꯥ ꯐꯪꯖꯅꯕ ꯈꯨꯔꯨꯝꯖꯔꯝꯃꯤ꯫ ꯑꯗꯨꯗꯒꯤꯗꯤ ꯂꯥꯢ ꯅ ꯃꯈꯣꯢꯗ ꯃꯆꯥ ꯑꯃ ꯊꯧꯖꯥꯟꯕꯤꯔꯝꯃꯤ꯫ ꯊꯥꯕꯨꯝ ꯱꯰ ꯅꯥꯎꯄꯨꯔꯕꯇꯨꯡꯗ ꯅꯨꯄꯤ ꯑꯗꯨꯅ ꯅꯨꯄꯥ ꯃꯆꯥ ꯑꯃ ꯄꯣꯛꯂꯝꯃꯤ꯫ ꯑꯗꯨꯕꯨ ꯃꯈꯣꯢꯒꯤ ꯅꯨꯉꯥꯢꯕꯁꯤ ꯇꯨꯡꯀꯣꯢꯔꯝꯗꯦ꯫
ꯑꯉꯥꯡ ꯑꯗꯨ ꯍꯦꯛ ꯄꯣꯛꯄꯒ ꯅꯨꯃꯤꯠ ꯶ꯅꯤ ꯁꯨꯕꯗ ꯑꯉꯥꯡ ꯑꯗꯨ ꯑꯍꯤꯡ ꯅꯨꯡꯊꯤꯜ ꯲ꯃꯛ ꯀꯞꯂꯝꯃꯤ꯫ꯑꯌꯨꯛꯇꯒꯤꯅ ꯅꯨꯃꯤꯗꯥꯡ ꯐꯥꯎꯕ ꯀꯞꯂꯝꯃꯤ꯫
ꯃꯈꯣꯢꯒꯤ ꯌꯨꯝꯊꯪꯅꯕ ꯐꯥꯎꯕꯗ ꯉꯩꯍꯥꯛꯇ ꯂꯩꯇꯥꯐꯝ ꯈꯪꯍꯟꯗ꯭ꯔꯦ꯫ ꯃꯈꯣꯢꯅ ꯑꯃꯅ ꯑꯃꯗ ꯍꯪꯅꯔꯝꯃꯤ꯫ "ꯀꯅꯥꯒꯤ ꯑꯉꯥꯡ ꯅꯣ? ꯈꯨꯜ ꯑꯁꯤꯒꯤ ꯅꯨꯉꯥꯢꯕꯁꯤ ꯂꯣꯢꯅ ꯃꯥꯡꯍꯜꯂꯦ꯫" ꯑꯗꯨꯕꯨ ꯑꯉꯥꯡ ꯑꯗꯨ ꯂꯥꯎꯅ ꯂꯥꯎꯅ ꯀꯞꯄ ꯍꯦꯟꯒꯠꯂꯛꯂꯝꯃꯤ꯫ ꯀꯞꯄꯒꯤ ꯂꯥꯡꯕ ꯅꯤꯟꯕꯁꯤ ꯅꯤꯡꯊꯧ ꯒꯤ ꯀꯣꯅꯨꯡ ꯌꯧꯔꯛꯂꯝꯃꯤ꯫ ꯅꯤꯡꯊꯧ ꯑꯗꯨ ꯇꯨꯝꯕ ꯌꯥꯔꯝꯗꯦ꯫ ꯃꯍꯥꯛꯀꯤ ꯃꯊꯧ ꯑꯃꯇ ꯅꯤꯡꯊꯤꯖꯅ ꯇꯧꯕ ꯉꯝꯂꯝꯗꯦ꯫
ꯑꯁꯤꯒꯤ ꯅꯤꯡꯊꯧ ꯅ ꯃꯅꯥꯢꯁꯤꯡꯗ "ꯅꯈꯣꯢ ꯃꯈꯣꯜꯗꯨ ꯇꯥꯕꯔꯥ? ꯑꯉꯥꯡ ꯑꯗꯨ ꯁꯤꯗ ꯄꯨꯔꯛꯎ꯫"
ꯃꯈꯣꯜꯗꯨ ꯂꯥꯛꯄ ꯃꯥꯢꯊꯩꯗ ꯆꯠꯂꯗꯨꯅ ꯅꯤꯡꯊꯧ ꯃꯅꯥꯢꯁꯤꯡꯗꯨꯅ ꯃꯇꯩ ꯃꯅꯥꯎ ꯑꯗꯨꯒꯤ ꯃꯌꯨꯝ ꯌꯧꯔꯛꯂꯝꯃꯤ꯫
"ꯌꯨꯝꯁꯤꯕꯨ ꯃꯤ ꯂꯩꯕꯔꯣ?", ꯃꯈꯣꯢꯅ ꯍꯪꯂꯝꯃꯤ꯫ ꯅꯨꯄꯥ ꯑꯗꯨ ꯊꯣꯛꯂꯛꯏ꯫
"ꯅꯤꯡꯊꯧ ꯅ ꯅꯈꯣꯢ ꯒꯤ ꯑꯉꯥꯡ ꯑꯗꯨ ꯀꯣꯅꯨꯡ ꯗ ꯄꯨꯔꯛꯅꯕ ꯌꯥꯊꯪ ꯇꯥꯎꯊꯔꯛꯂꯤ꯫", ꯃꯈꯣꯢꯅ ꯃꯇꯩ ꯃꯅꯥꯎ ꯑꯗꯨꯗ ꯍꯥꯢ꯫
ꯅꯨꯄꯥ ꯑꯗꯨ ꯆꯃꯝꯅꯔꯝꯃꯤ꯫ ꯃꯈꯣꯢꯅ ꯍꯥꯢꯔꯤꯕꯗꯨ ꯀꯔꯤꯅꯣ ꯈꯪꯂꯝꯗꯦ꯫ ꯅꯤꯡꯊꯧ ꯃꯅꯥꯢꯁꯤꯡꯗꯨꯅ ꯅꯝꯗꯨꯅ ꯏꯃꯨꯡꯗ ꯆꯪꯏ꯫ ꯑꯉꯥꯡ ꯃꯃꯥ ꯑꯗꯨ ꯑꯉꯥꯡ ꯁꯨꯝꯅꯅꯕ ꯍꯣꯠꯅꯔꯝꯃꯤ꯫
ꯑꯉꯥꯡ ꯃꯃꯥ ꯑꯗꯨ ꯒꯤ ꯌꯥꯅꯤꯡꯗꯕꯗꯨ ꯎꯕꯗ ꯅꯤꯡꯊꯧ ꯃꯅꯥꯢꯁꯤꯡꯗꯨꯅ ꯅꯝꯗꯨꯅ ꯑꯉꯥꯡ ꯑꯗꯨ ꯃꯨꯟꯗꯨꯅ ꯀꯣꯅꯨꯡ ꯗ ꯄꯨꯔꯛꯂꯝꯃꯤ꯫ ꯑꯉꯥꯡ ꯅꯨꯄꯥ ꯃꯆꯥ ꯑꯗꯨ ꯀꯞꯄ ꯂꯦꯞꯂꯝꯗꯦ꯫ ꯅꯤꯡꯊꯧ ꯅ ꯃꯗꯨ ꯎꯕꯗ ꯑꯉꯥꯡ ꯑꯗꯨ ꯂꯩꯄꯥꯛꯇ ꯐꯨꯝꯖꯤꯟꯈꯤꯅꯕ (ꯂꯩꯔꯣꯟ ꯆꯟꯈꯤꯅꯕ) ꯃꯊꯪꯒꯤ ꯅꯨꯃꯤꯠꯇ ꯍꯥꯢꯅ ꯍꯥꯢꯔꯝꯃꯤ꯫
ꯑꯁꯨꯝꯅ, ꯑꯉꯥꯡ ꯑꯗꯨ ꯃꯤꯍꯥꯠꯄ ꯅꯨꯄꯥ ꯑꯃꯗ ꯈꯨꯠꯁꯤꯟꯅꯔꯝꯃꯤ꯫ ꯃꯇꯩ ꯃꯅꯥꯎ ꯑꯗꯨꯅ ꯄꯥꯎ ꯑꯗꯨ ꯇꯥꯔꯝꯃꯤ꯫ ꯃꯈꯣꯢ ꯇꯨꯝꯕ ꯌꯥꯔꯝꯗꯦ꯫ ꯅꯨꯄꯤ ꯑꯗꯨꯅ ꯎꯏꯔꯨꯝ ꯎꯏꯔꯨꯝ ꯇꯧꯔꯛꯄꯗ ꯀꯅꯥꯅꯣ ꯑꯃ ꯄꯄꯥꯡꯗ ꯂꯦꯞꯂꯝꯃꯤ꯫
"ꯅꯪꯒꯤ ꯑꯉꯥꯡ ꯑꯗꯨ ꯍꯌꯦꯡ ꯂꯩꯄꯥꯛꯇ ꯐꯨꯝꯖꯤꯟꯈ꯭ꯔꯅꯤ꯫ ꯅꯈꯣꯢꯕꯥꯅꯤ ꯃꯣꯡꯐꯝ ꯑꯃ ꯁꯦꯝꯃꯨ꯫ ꯅꯨꯡ ꯑꯃꯃꯝ ꯊꯥꯊꯔꯝꯃꯨ ꯃꯐꯝꯗꯨꯗ ꯑꯗꯨꯒ ꯇꯨꯡ ꯍꯟꯅ ꯌꯦꯡꯂꯝꯗꯅ ꯅꯌꯨꯝꯗ ꯆꯠꯈꯣ꯫ ꯌꯨꯝꯗ ꯐꯃꯨꯡꯗ ꯑꯉꯥꯡ ꯑꯗꯨ ꯑꯃꯨꯛ ꯂꯩꯔꯝꯒꯅꯤ꯫ ꯃꯍꯥꯛ ꯑꯃꯨꯛ ꯍꯟꯅ ꯀꯞꯂꯔꯣꯢ꯫"
ꯅꯨꯄꯤ ꯑꯗꯨ ꯍꯧꯒꯠꯂꯝꯃꯤ꯫ ꯑꯗꯨꯒ ꯋꯥꯔꯤ ꯄꯨꯝꯕ ꯃꯥꯒꯤ ꯅꯨꯄꯥ ꯗ ꯂꯤꯔꯝꯃꯤ꯫ ꯃꯈꯣꯢꯅ ꯅꯤꯡꯊꯧꯒꯤ ꯃꯅꯥꯛꯇ ꯆꯠꯂꯝꯃꯤ꯫
"ꯏꯅꯤꯡꯊꯧ ꯏꯄꯨꯉꯣ! ꯑꯩꯈꯣꯢꯕꯨ ꯑꯉꯥꯡ ꯑꯗꯨ ꯑꯃꯨꯛꯇꯪ ꯎꯕ ꯐꯪꯍꯟꯕꯤꯌꯨ ꯑꯔꯣꯢꯕ ꯑꯣꯢꯅ ꯫", ꯃꯈꯣꯢꯅ ꯍꯥꯢꯖꯔꯝꯃꯤ꯫
ꯅꯤꯡꯊꯧ ꯑꯗꯨ ꯃꯤꯅꯨꯡꯁꯤ ꯄꯣꯛꯇꯨꯅ ꯃꯈꯣꯢꯗ ꯌꯥꯕꯤꯔꯝꯃꯤ꯫ ꯃꯈꯣꯢ ꯃꯣꯡꯐꯝ ꯗ ꯆꯠꯄ ꯌꯥꯕꯤꯔꯝꯃꯤ꯫
ꯑꯉꯥꯡ ꯑꯗꯨ ꯒꯤ ꯍꯛꯆꯥꯡꯗꯨ ꯃꯣꯡꯐꯝ ꯗ ꯊꯝꯈꯤ꯫ ꯃꯈꯣꯢ ꯲ ꯌꯥꯝ ꯀꯞꯂꯝꯃꯤ꯫
ꯑꯉꯥꯡ ꯑꯗꯨ ꯒꯤ ꯍꯛꯆꯥꯡꯗꯨ ꯐꯖꯅ ꯂꯩꯄꯥꯛꯇ ꯐꯨꯝꯖꯤꯟꯈ꯭ꯔꯕ ꯃꯇꯨꯡꯗ ꯃꯇꯩ ꯃꯅꯥꯎ ꯅ ꯅꯨꯡ ꯑꯃꯃꯝ ꯃꯣꯡꯐꯝ ꯑꯗꯨꯗ ꯊꯥꯊꯔꯝꯃꯤ ꯫ ꯑꯗꯨꯒ ꯃꯌꯨꯝꯗ ꯇꯨꯡ ꯍꯟꯅ ꯌꯦꯡꯂꯝꯗꯅ ꯂꯥꯛꯈꯤ꯫
ꯃꯈꯣꯢ ꯅ ꯀꯅꯥꯅꯣ ꯑꯃ ꯅ ꯇꯨꯡꯗ ꯏꯟꯅꯔꯛꯄꯒꯤ ꯃꯈꯣꯜ ꯇꯥꯔꯝꯃꯤ꯫ ꯇꯥꯕꯗ ꯇꯨꯡ ꯏꯟꯅꯔꯛꯂꯤꯕ ꯃꯤ ꯑꯗꯨ ꯎꯁꯥ ꯑꯃ ꯆꯤꯡꯗꯨꯅ ꯄꯨꯔꯛꯄꯒꯤ ꯃꯑꯣꯡ ꯃꯥꯜꯂꯤ꯫
" ꯁꯣꯔꯣ ꯁꯣꯔꯣ " ꯂꯥꯎꯕ ꯃꯈꯣꯜ ꯑꯃ ꯊꯣꯛꯂꯛꯄꯗꯨꯅ ꯅꯨꯄꯤ ꯑꯗꯨ ꯍꯦꯟꯅ ꯄꯥꯈꯠꯍꯜꯂꯤ꯫
ꯃꯈꯣꯢꯅ ꯃꯌꯨꯝꯒꯤ ꯊꯣꯡꯒꯥꯜ ꯍꯦꯛ ꯌꯧꯕꯒ, ꯅꯨꯄꯤ ꯑꯗꯨ ꯂꯣꯢꯅ ꯀꯥꯎꯈꯤꯗꯨꯅ ꯇꯨꯡ ꯗ ꯌꯦꯡꯂꯨꯏ ꯫
.png)
ꯈꯨꯗꯛꯇꯨꯗ, ꯃꯥꯢꯔꯦꯟ ꯄꯥꯝꯕꯤ ꯑꯃ ꯃꯈꯣꯢ ꯒꯤ ꯆꯥꯛꯁꯪꯒꯤ ꯄꯥꯝꯕꯤ ꯊꯥꯐꯝ ꯃꯅꯥꯛꯇ ꯍꯧꯔꯝꯃꯤ꯫
ꯑꯉꯥꯡ ꯑꯗꯨ ꯐꯃꯨꯡꯗ ꯂꯩꯔꯝꯗꯦ꯫ ꯆꯍꯤ ꯈꯨꯗꯤꯡꯒꯤ ꯃꯥꯢꯔꯦꯟ ꯄꯥꯝꯕꯤ ꯑꯗꯨꯅ ꯆꯥꯛꯁꯪꯒꯤ ꯄꯥꯝꯕꯤ ꯊꯥꯐꯝ ꯑꯗꯨꯗ ꯃꯥꯢꯔꯦꯟ ꯃꯌꯥꯝ ꯄꯥꯜꯍꯜꯂꯝꯃꯤ꯫
ꯑꯗꯨꯕꯨ ꯃꯇꯩ ꯃꯅꯥꯎ ꯑꯗꯨꯅ ꯃꯥꯢꯔꯦꯟꯁꯤꯡꯗꯨ ꯀꯩꯗꯧꯅꯨꯡꯗ ꯆꯥꯔꯝꯗꯦ꯫ꯃꯔꯝꯗꯤ ꯃꯈꯣꯢ ꯅ ꯃꯥꯢꯔꯦꯟ ꯗꯨ ꯃꯆꯥꯗꯨꯅꯤ ꯈꯜꯂꯝꯃꯤ꯫
ꯃꯈꯣꯢ ꯅ ꯃꯈꯣꯢ ꯒꯤ ꯁꯥꯡꯂꯕ ꯄꯨꯟꯁꯤꯗꯨ ꯀꯞ ꯀꯞꯇꯨꯅ ꯂꯦꯜꯂꯝꯃꯤ꯫
ꯂꯧꯔꯛꯐꯝ ꯁꯦꯝꯒꯠꯂꯨ
- "ꯑꯉꯥꯡ ꯗꯒꯤ ꯃꯥꯢꯔꯦꯟ ꯑꯣꯟꯕ" ꯋꯥꯔꯤ ꯑꯁꯤ "ꯐꯨꯡꯒꯥꯋꯥꯔꯤ,꯳ꯁꯨꯕ ꯁꯔꯨꯛ" ꯍꯥꯢꯕ ꯂꯥꯢꯔꯤꯛꯇꯒꯤꯅꯤ ꯫ ('Angangdagi Mairen Onba' story in the collected work Funga Wari, Vol. 3)
- ꯑꯏꯕ: ꯑꯦꯟ. ꯕꯦꯝꯅꯤ ꯁꯤꯡꯍꯥ (N. Bemni Singha)
- ꯂꯥꯢ ꯌꯦꯛꯄ: ꯑꯦꯟ. ꯅꯣꯡꯗꯣꯟ ꯁꯅꯥ (N. Nongdon Sana)
- ꯐꯣꯡꯕ: ꯅꯍꯥꯔꯣꯜ ꯈꯣꯔꯖꯩ ꯊꯧꯒꯜꯂꯨꯞ ꯖꯔꯤꯕꯣꯟ (Naharol Khorjei Thaugallup Jaribon)
- ꯐꯣꯡꯈꯤꯕ ꯆꯍꯤ: ꯱꯹꯹꯹