ꯔꯦꯁ꯭ꯃꯤ ꯁꯣꯔꯣꯈꯥꯏꯕꯝ

ꯔꯦꯁ꯭ꯃꯤ ꯁꯣꯔꯣꯈꯥꯏꯕꯝ ꯑꯁꯤ ꯃꯅꯤꯄꯨꯔꯒꯤ ꯃꯤꯇꯩꯂꯣꯟꯒꯤ ꯃꯃꯤ ꯀꯨꯝꯍꯩ ꯁꯛꯇꯝ ꯂꯥꯡꯕꯤ ꯁꯤꯟꯂꯣꯏ ꯑꯃꯅꯤ ꯫

ꯄꯨꯟꯁꯤ ꯋꯥꯔꯤ

ꯃꯅꯤꯄꯨꯔꯒꯤ ꯑꯅꯧꯕ ꯃꯃꯤ ꯀꯨꯝꯍꯩ ꯈꯨꯗꯤꯡꯃꯛꯇ ꯉꯁꯤ ꯑꯅꯧꯕ ꯑꯃꯁꯨꯡ ꯍꯩꯊꯣꯏ-ꯁꯤꯡꯊꯣꯏꯔꯕ ꯃꯃꯤꯔꯣꯏꯁꯤꯡ ꯂꯩꯔꯤ꯫ ꯑꯗꯨꯒ ꯑꯅꯧꯕ ꯍꯩꯊꯣꯏ-ꯁꯤꯡꯊꯣꯏꯔꯕ ꯃꯃꯤꯔꯣꯏ ꯀꯌꯥꯁꯨ ꯑꯅꯧꯕ ꯃꯃꯤ ꯀꯨꯝꯍꯩꯁꯤꯡꯗꯁꯨ ꯁꯔꯨꯛ ꯌꯥꯅꯕ ꯄꯔꯦꯡ ꯂꯦꯞꯂꯤ꯫ ꯃꯅꯤꯄꯨꯔꯤ ꯃꯃꯤ ꯀꯨꯝꯍꯩꯁꯤꯡ ꯑꯁꯤ ꯂꯩꯕꯥꯛꯀꯤ ꯑꯃꯁꯨꯡ ꯃꯥꯂꯦꯝꯒꯤ ꯊꯥꯛꯇ ꯌꯧꯈ꯭ꯔꯦ ꯍꯥꯏꯕꯁꯤ ꯈꯪꯅꯔꯕ ꯑꯁꯦꯡꯕ ꯋꯥꯐꯝ ꯑꯃꯅꯤ꯫ ꯃꯁꯤꯒꯤ ꯃꯥꯏꯄꯥꯛꯄꯁꯤꯡ ꯄꯨꯝꯅꯃꯛ ꯑꯁꯤ ꯇꯣꯉꯥꯟ-ꯇꯣꯉꯥꯟꯕ ꯃꯤꯑꯣꯏꯁꯤꯡꯅ ꯄꯨꯟꯅ ꯍꯣꯠꯅꯕꯗꯒꯤ ꯂꯥꯛꯂꯕꯁꯨ, ꯃꯅꯤꯄꯨꯔ ꯑꯁꯤ ꯉꯁꯤꯗꯤ ꯃꯁꯤꯡ ꯌꯥꯝꯂꯕ ꯃꯃꯤ ꯀꯨꯝꯍꯩꯁꯤꯡ ꯄꯨꯊꯣꯛꯄꯗ ꯑꯋꯥꯡ-ꯅꯣꯡꯄꯣꯛ ꯚꯥꯔꯠꯀꯤ ꯔꯥꯖ꯭ꯌꯁꯤꯡꯒꯤ ꯃꯅꯨꯡꯗ ꯑꯃꯅꯤ꯫ ꯊꯥ ꯑꯃꯗ ꯌꯥꯝꯗ꯭ꯔꯕꯗ ꯃꯃꯤ ꯀꯨꯝꯍꯩ ꯃꯔꯤꯗꯒꯤ ꯃꯉꯥ ꯐꯥꯎꯕ ꯄꯨꯊꯣꯛꯏ ꯑꯗꯨꯒ ꯀꯨꯝꯍꯩꯒꯤ ꯃꯇꯝꯗ ꯃꯁꯤꯡ ꯍꯦꯟꯒꯠꯂꯛꯏ꯫ ꯃꯃꯤ ꯀꯨꯝꯍꯩꯁꯤꯡꯒꯤ ꯃꯁꯤꯡ ꯇꯞꯅ-ꯇꯞꯅ ꯍꯦꯟꯒꯠꯂꯛꯄꯒ ꯂꯣꯏꯅꯅ, ꯇꯣꯉꯥꯟ-ꯇꯣꯉꯥꯟꯕ ꯁꯛꯇꯝ ꯑꯃ ꯅꯠꯇ꯭ꯔꯒ ꯑꯇꯣꯞꯄ ꯑꯃꯒ ꯂꯣꯏꯅꯅ ꯑꯅꯧꯕ ꯃꯃꯤꯔꯣꯏ/ꯃꯃꯥꯏ ꯀꯌꯥ ꯑꯃ ꯊꯣꯛꯂꯛꯏ꯫ ꯃꯈꯣꯏꯒꯤ ꯃꯅꯨꯡꯗ ꯌꯥꯝꯅ ꯐꯖꯕ, ꯅꯣꯛꯅꯤꯡꯕ ꯑꯃꯁꯨꯡ ꯅꯨꯡꯉꯥꯏꯇꯕ ꯌꯥꯎꯔꯤ, ꯌꯥꯏꯁ꯭ꯀꯨꯜꯗꯒꯤ ꯆꯍꯤ ꯱꯹ ꯁꯨꯔꯕꯤ ꯔꯦꯁꯃꯤꯅꯤ꯫ ꯃꯍꯥꯛ ꯃꯅꯤꯄꯨꯔꯤꯒꯤ ꯃꯃꯤꯔꯣꯏ ꯑꯃꯥ ꯑꯣꯏꯕꯒꯤ ꯑꯋꯥꯕ ꯄꯨꯝꯅꯃꯛ ꯊꯦꯡꯅꯅꯕ ꯑꯃꯁꯨꯡ ꯁꯤꯅꯦꯃꯥ ꯌꯦꯡꯂꯤꯕꯁꯤꯡꯒꯤ ꯊꯃꯣꯏꯕꯨ ꯃꯥꯏꯊꯤꯕ ꯄꯤꯅꯕ ꯁꯦꯝ ꯁꯥꯔꯤ꯫ ꯔꯦꯁꯃꯤꯅ ꯃꯃꯤꯡ ꯂꯩꯔꯕ ꯁ꯭ꯀ꯭ꯔꯤꯟꯒꯤ ꯐꯝꯕꯥꯛ ꯀꯨꯝꯍꯩ ꯏꯕ, ꯂꯥꯏꯃꯌꯨꯝ ꯙꯅꯆꯟꯗ꯭ꯔꯒꯤ ꯃꯅꯥꯛꯇ ꯂꯩ ꯑꯃꯁꯨꯡ ꯃꯃꯤ ꯀꯨꯝꯍꯩꯒꯤ ꯃꯃꯤꯔꯣꯏ ꯀꯌꯥꯅ ꯃꯍꯥꯛꯀꯤ ꯌꯨꯝꯂꯣꯟꯅꯕꯗ ꯄꯨꯟꯁꯤꯟꯕ ꯎꯕ ꯐꯪꯏ꯫

ꯏꯀꯥꯏ ꯈꯨꯝꯅꯕꯒꯤ ꯃꯅꯤꯡꯗ ꯂꯦꯞꯇꯨꯅ ꯃꯍꯥꯛꯅ ꯃꯃꯤ ꯀꯨꯝꯍꯩ ꯁꯦꯝꯕꯁꯤꯡ, ꯃꯃꯤꯔꯣꯏꯁꯤꯡꯕꯨ ꯃꯈꯣꯏꯅ ꯀꯔꯤ ꯇꯧꯔꯤꯕꯒꯦ ꯍꯥꯏꯕꯗꯨ ꯌꯦꯡꯗꯨꯅ ꯂꯩꯔꯝꯃꯤ ꯃꯔꯝꯗꯤ ꯔꯦꯁꯃꯤꯅ ꯑꯉꯥꯡ ꯑꯣꯏꯔꯤꯉꯩꯗꯒꯤ ꯍꯧꯅ ꯃꯃꯤ ꯀꯨꯝꯍꯩꯁꯤꯡ, ꯗ꯭ꯔꯃꯥꯁꯤꯡ ꯑꯃꯁꯨꯡ ꯁꯨꯃꯥꯡ ꯂꯤꯂꯥ ꯄꯥꯝꯃꯤ꯫ ꯃꯍꯥꯛꯄꯨ ꯃꯃꯤꯔꯣꯏ ꯑꯃꯍꯦꯛꯇꯕꯨ ꯌꯦꯡꯂꯕ ꯃꯇꯨꯡꯗ ꯃꯇꯧ ꯇꯝꯕ ꯉꯝꯕꯒꯤ ꯃꯄꯥꯡꯒꯜ ꯂꯩꯈꯤ꯫ ꯙꯅꯆꯟꯗ꯭ꯔꯅ ꯔꯦꯁꯃꯤꯅ ꯃꯃꯤ ꯀꯨꯝꯍꯩꯁꯤꯡꯗ ꯌꯥꯝꯅ ꯄꯨꯛꯅꯤꯡ ꯆꯪꯏ ꯍꯥꯏꯕꯁꯤꯁꯨ ꯈꯪꯏ ꯑꯗꯨꯕꯨ ꯔꯦꯁꯃꯤꯒꯤꯗꯃꯛ ꯑꯆꯨꯝꯕ ꯃꯇꯝ ꯑꯃ ꯁꯣꯏꯗꯅ ꯅꯨꯃꯤꯠ ꯑꯃꯗ ꯂꯥꯛꯀꯅꯤ ꯍꯥꯏꯅ ꯃꯍꯥꯛꯅ ꯈꯜꯂꯝꯕꯅ ꯃꯔꯝ ꯑꯣꯏꯗꯨꯅ ꯃꯃꯤꯔꯣꯏꯁꯤꯡꯒ ꯂꯣꯏꯅꯅ ꯆꯠꯈꯤꯗꯦ꯫

ꯃꯌꯦꯛ ꯁꯦꯡꯅ, ꯑꯩꯍꯥꯛꯅ ꯑꯀꯛꯅꯕ ꯃꯤꯀꯨꯞ ꯑꯗꯨ ꯉꯥꯏꯒꯅꯤ ꯑꯃꯁꯨꯡ ꯍꯧꯖꯤꯛꯁꯨ ꯃꯀꯣꯛ ꯊꯣꯡꯕ ꯑꯃꯁꯨꯡ ꯃꯃꯤꯡ ꯂꯩꯔꯕ ꯁꯤꯟꯅꯥꯏꯕꯁꯤꯡꯗꯒꯤ ꯇꯝꯂꯤ꯫ ꯑꯇꯦꯟꯕ ꯃꯇꯝ ꯑꯁꯤꯒꯤ ꯃꯅꯨꯡꯗ ꯑꯩꯍꯥꯛꯅ ꯌꯦꯡꯂꯤꯕ ꯃꯤꯑꯣꯏ ꯀꯌꯥꯕꯨ ꯄꯨꯛꯅꯤꯡ ꯆꯤꯡꯁꯤꯟꯕ ꯉꯝꯒꯅꯤ ꯍꯥꯏꯕꯁꯤ ꯁꯣꯏꯗꯅ ꯈꯪꯏ ꯑꯗꯨꯕꯨ ꯑꯩꯍꯥꯛꯅ ꯑꯩꯒꯤ ꯁꯤꯟꯐꯝ ꯑꯗꯨ ꯃꯄꯨꯡ ꯐꯥꯍꯟꯅꯕ ꯀꯩꯗꯧꯅꯨꯡꯗ ꯇꯨꯝꯕ ꯌꯥꯔꯣꯏ꯫

ꯏ-ꯄꯥꯎ ꯂꯨꯞꯀ ꯑꯈꯟꯅꯅ ꯎꯟꯅꯕꯗ ꯔꯦꯁ꯭ꯃꯤꯅ ꯑꯁꯨꯝꯅ ꯍꯥꯏꯔꯛꯈꯤ ꯫

ꯑꯩ ꯆꯍꯤ ꯱꯹ ꯁꯨꯔꯦ, ꯏꯪ ꯱꯹꯹꯵ꯒꯤ ꯐꯦꯕ꯭ꯔꯨꯋꯥꯔꯤ ꯲꯶ꯇ ꯄꯣꯛꯈꯤ꯫ ꯑꯩꯒꯤ ꯃꯃꯥꯒꯤ ꯃꯃꯤꯡꯅ ꯁꯣꯔꯣꯈꯥꯏꯕꯝ (ꯑꯣ) ꯃꯦꯔꯤꯅꯥ ꯅꯤ ꯑꯃꯁꯨꯡ ꯑꯩꯒꯤ ꯃꯄꯥꯒꯤ ꯃꯃꯤꯡꯅ ꯏꯝꯐꯥꯜꯒꯤ ꯌꯥꯏꯁꯀꯨꯜ ꯍꯤꯔꯨꯍꯥꯟꯕꯥ ꯂꯦꯏꯀꯥꯏꯒꯤ ꯑꯦꯁ. ꯔꯟꯖꯟ ꯁꯤꯡꯍꯅꯤ꯫ ꯑꯩꯍꯥꯛ ꯈ꯭ꯋꯥꯏꯗꯒꯤ ꯑꯍꯜꯅꯤ ꯑꯃꯁꯨꯡ ꯑꯩꯒꯤ ꯃꯅꯥꯎꯅꯨꯄꯤ ꯑꯃ ꯑꯃꯁꯨꯡ ꯃꯅꯥꯎꯅꯨꯄꯥ ꯑꯃ ꯂꯩ꯫ ꯍꯧꯖꯤꯛꯀꯤ ꯑꯣꯏꯅ ꯑꯩꯍꯥꯛ ꯍꯤꯌꯥꯡꯊꯥꯡꯒꯤ ꯀꯥꯃꯥꯈ꯭ꯌꯥ ꯄꯦꯝꯇꯣꯟ ꯀꯣꯂꯦꯖꯗ ꯕꯤ.ꯑꯦ.ꯒꯤ ꯑꯍꯨꯝꯁꯨꯕ ꯁꯦꯃꯤꯁ꯭ꯇꯔꯗ ꯇꯝꯂꯤ꯫ ꯃꯃꯤꯡ ꯂꯩꯔꯕ ꯃꯃꯤꯔꯣꯏ ꯁꯤꯃꯥ ꯕꯤꯁ꯭ꯋꯥꯁꯀꯤ ꯃꯈꯥꯗ ꯑꯩꯍꯥꯛꯅ ꯃꯃꯤ ꯀꯨꯝꯍꯩꯒꯤ ꯑꯦꯛꯇꯤꯡꯒꯤ ꯀꯣꯔ꯭ꯁ ꯑꯃꯁꯨ ꯇꯧꯈ꯭ꯔꯦ꯫... ꯑꯩꯍꯥꯛ ꯆꯍꯤ ꯱꯷ ꯁꯨꯔꯛꯄꯗ ꯑꯣꯀꯦꯟꯗ꯭ꯔꯣ ꯈꯨꯟꯗꯣꯡꯕꯝ ꯀꯧꯕ ꯑꯩꯒꯤ ꯃꯔꯤ-ꯃꯇꯥ ꯑꯃꯅ ꯑꯩꯍꯥꯛꯄꯨ ꯏꯄꯥꯛ ꯐꯤꯜꯃ꯭ꯁꯀꯤ ꯔꯥꯀꯦꯁ ꯅꯥꯎꯔꯦꯝꯒ ꯁꯛꯇꯥꯛꯈꯤ꯫ ꯑꯗꯨꯗꯒꯤ ꯔꯥꯀꯦꯁꯅ ꯑꯩꯍꯥꯛꯄꯨ ꯂꯝꯖꯤꯡ-ꯂꯝꯇꯥꯛꯄ ꯑꯣ.ꯁꯤ. ꯃꯤꯔꯥꯒꯤ ꯃꯐꯝꯗ ꯄꯨꯈꯤ ꯃꯐꯝ ꯑꯗꯨꯗ ꯑꯩꯉꯣꯟꯗ ꯃꯃꯤ ꯀꯨꯝꯍꯩ ꯁꯈꯦꯟꯕꯤ ꯏꯇꯦꯃꯥꯗ ꯁꯄꯣꯔꯇꯤꯡ ꯔꯣꯜ ꯑꯃ ꯄꯤꯔꯛꯈꯤ꯫ ꯃꯁꯤ ꯃꯃꯤ ꯀꯨꯝꯍꯩ ꯑꯃꯗ ꯁꯛꯇꯝ ꯂꯥꯡꯕꯒꯤ ꯑꯩꯒꯤ ꯑꯍꯥꯟꯕ ꯈꯨꯗꯣꯡꯆꯥꯕ ꯑꯣꯏꯈꯤ ꯑꯃꯁꯨꯡ ꯑꯩꯒꯤ ꯄꯨꯟꯁꯤꯒꯤ ꯈ꯭ꯋꯥꯏꯗꯒꯤ ꯅꯨꯡꯉꯥꯏꯕ ꯃꯤꯀꯨꯞꯅꯤ꯫

ꯃꯃꯤꯔꯣꯏ ꯑꯃꯥ ꯑꯣꯏꯕꯒꯤ ꯑꯩꯒꯤ ꯃꯪꯂꯥꯟ ꯑꯗꯨ ꯃꯄꯨꯡ ꯐꯥꯍꯟꯈꯤꯕ ꯑꯣꯀꯦꯟꯗ꯭ꯔꯣꯅ ꯃꯍꯥꯛꯀꯤ ꯍꯣꯠꯅꯕꯒꯤꯗꯃꯛ ꯑꯩꯍꯥꯛꯅ ꯇꯁꯦꯡꯅ ꯊꯥꯒꯠꯂꯤ꯫ ꯃꯃꯤ ꯀꯨꯝꯍꯩ ꯁꯈꯦꯟꯕꯤ ꯏꯇꯦꯏꯃꯥꯗ ꯁꯄꯣꯔꯇꯤꯡ ꯑꯦꯛꯇꯔ ꯑꯃꯒꯤ ꯁꯛꯇꯝ ꯂꯥꯡꯂꯕ ꯃꯇꯨꯡꯗ ꯑꯩꯍꯥꯛꯅ ꯔꯥꯀꯦꯁ ꯅꯥꯎꯔꯦꯝꯅ ꯄꯨꯊꯣꯛꯄ ꯑꯃꯁꯨꯡ ꯏꯄꯥꯛ ꯃꯃꯤ ꯀꯨꯝꯍꯩꯁꯤꯡꯒꯤ ꯑꯣ.ꯁꯤ. ꯃꯤꯔꯥꯅ ꯂꯝꯖꯤꯡ-ꯂꯝꯇꯥꯛꯈꯤꯕ ꯐꯣꯡꯗꯣꯛꯅꯥꯗ꯭ꯔꯤꯡꯒꯦꯏ ꯑꯃꯁꯨꯡ ꯅꯒꯥꯏꯅꯥ-ꯅꯒꯥꯏꯅꯥꯗ ꯁꯔꯨꯛ ꯌꯥꯈꯤ꯫ ꯃꯁꯤ ꯃꯃꯤ ꯀꯨꯝꯍꯩꯁꯤꯡꯗ ꯑꯩꯒꯤ ꯑꯍꯥꯟꯕ ꯁꯤꯟꯐꯝ ꯑꯣꯏꯕꯅ ꯃꯔꯝ ꯑꯣꯏꯗꯨꯅ ꯑꯩꯅ ꯃꯀꯣꯛ ꯊꯣꯡꯕ/ꯃꯔꯨꯑꯣꯏꯕ ꯊꯧꯗꯥꯡ ꯂꯧꯈꯤꯗꯦ꯫ ꯃꯇꯨꯡꯗ, ꯙꯅꯆꯟꯗ꯭ꯔꯅ ꯑꯩꯍꯥꯛꯄꯨ ꯀꯤꯁꯣꯔꯀꯨꯃꯥꯔꯗ ꯄꯨꯈꯤ ꯑꯃꯁꯨꯡ ꯃꯃꯤ ꯀꯨꯝꯍꯩ ꯃꯤꯍꯠꯄꯥ-꯲ꯗ ꯁꯛꯇꯝ ꯂꯥꯡꯕꯒꯤ ꯈꯨꯗꯣꯡꯆꯥꯕ ꯐꯪꯈꯤ ꯑꯃꯁꯨꯡ ꯃꯗꯨꯒꯤ ꯃꯇꯨꯡꯗ ꯃꯈꯣꯏꯒꯤ ꯂꯥꯛꯀꯗꯧꯔꯤꯕ ꯃꯃꯤ ꯀꯨꯝꯍꯩꯁꯤꯡꯒꯤꯗꯃꯛ ꯇꯣꯉꯥꯟ-ꯇꯣꯉꯥꯟꯕ ꯂꯝꯖꯤꯡ-ꯂꯝꯇꯥꯛꯄꯁꯤꯡꯅ ꯑꯩꯉꯣꯟꯗ ꯑꯣꯐꯔ ꯇꯧꯈꯤ꯫ ꯑꯗꯨꯗꯒꯤ ꯑꯩꯅ ꯖꯤꯇꯦꯟꯗ꯭ꯔ ꯅꯤꯡꯒꯣꯝꯕꯥꯒꯤ ꯂꯤꯡꯖꯦꯜ, ꯃꯣꯏꯔꯥꯡꯊꯦꯝ ꯏꯅꯥꯎꯒꯤ ꯅꯨꯡꯁꯤꯕꯥꯒꯤ ꯂꯃꯥꯟ ꯑꯃꯁꯨꯡ ꯑꯥꯔ.ꯀꯦ. ꯂꯥꯜꯃꯅꯤꯒꯤ ꯕꯥꯃꯣꯜ ꯏꯆꯜꯗ ꯁꯔꯨꯛ ꯌꯥꯈꯤ꯫ ... ꯃꯃꯤ ꯀꯨꯝꯍꯩꯁꯤꯡꯒꯤ ꯃꯊꯛꯇ, ꯑꯩꯍꯥꯛ ꯏꯁꯩ-ꯅꯣꯡꯃꯥꯏꯒꯤ ꯚꯤꯗꯤꯑꯣꯁꯤꯡꯗꯁꯨ ꯌꯥꯎꯈ꯭ꯔꯦ꯫ ꯑꯩꯅ ꯑꯍꯥꯟꯕ ꯑꯣꯏꯅ 'ꯁꯦꯒꯥꯏꯔꯣ' ꯍꯥꯏꯅ ꯃꯤꯡꯊꯣꯟꯕ ꯏꯁꯩꯒꯤ ꯚꯤꯗꯤꯑꯣ ꯑꯗꯨꯗ ꯁꯛꯇꯝ ꯂꯥꯡꯈꯤ꯫ ꯑꯇꯣꯞꯄ ꯏꯁꯩ-ꯅꯣꯡꯃꯥꯏꯒꯤ ꯚꯤꯗꯤꯑꯣꯁꯤꯡꯗꯤ ꯇꯞꯅꯥ ꯇꯞꯅꯥ, ꯎ-ꯊꯥꯝꯕꯜ, ꯅꯣꯛꯅꯤꯡꯕ ꯅꯨꯄꯥꯃꯆꯥ, ꯃꯔꯝ ꯂꯦꯇꯥꯅꯥ, ꯅꯨꯡꯁꯤ ꯁꯛꯇꯝ, ꯋꯥ, ꯂꯣꯠꯂꯦꯖ ꯈꯥꯟꯅꯥ ꯂꯣꯠꯂꯕꯥ, ꯅꯪꯒꯤ ꯅꯨꯡꯁꯤ ꯅꯇꯨꯗꯥ ꯑꯃꯁꯨꯡ ꯊꯥꯋꯥꯏꯅꯤ꯫

ꯏꯁꯩ-ꯅꯣꯡꯃꯥꯏꯒꯤ ꯚꯤꯗꯤꯑꯣꯁꯤꯡ ꯑꯃꯁꯨꯡ ꯃꯃꯤ ꯀꯨꯝꯍꯩꯁꯤꯡꯗ ꯇꯣꯉꯥꯟ-ꯇꯣꯉꯥꯟꯕ ꯊꯧꯗꯥꯡꯁꯤꯡꯅ ꯑꯩꯍꯥꯛꯄꯨ ꯀꯦꯃꯦꯔꯥꯒ ꯃꯥꯌꯣꯛꯅꯔꯤꯉꯩꯗ ꯑꯩꯒꯤ ꯍꯩꯊꯣꯏ-ꯁꯤꯡꯊꯣꯏꯕꯁꯤꯡ ꯑꯗꯨ ꯐꯣꯡꯗꯣꯛꯄ ꯉꯝꯕ ꯑꯀꯛꯅꯕ ꯑꯋꯥꯡꯕ ꯑꯃꯗ ꯄꯨꯔꯛꯈꯤ꯫ ꯍꯧꯖꯤꯛꯀꯤ ꯑꯣꯏꯅ ꯑꯩꯅ ꯑꯊꯨꯕ ꯃꯇꯝꯗ ꯐꯣꯡꯒꯗꯕ ꯃꯃꯤ ꯀꯨꯝꯍꯩ ꯇꯔꯦꯠꯇ ꯁꯛꯇꯝ ꯂꯥꯡꯈ꯭ꯔꯦ꯫ ꯃꯈꯣꯏꯁꯤꯡ ꯑꯗꯨꯗꯤ ꯑꯥꯔ.ꯀꯦ. ꯂꯥꯜꯃꯅꯤꯒꯤ ꯈꯥꯝꯅꯨ, ꯖꯤꯇꯦꯟꯗ꯭ꯔꯒꯤ ꯅꯨꯡꯁꯤꯕꯥꯒꯤ ꯁꯥꯝꯕꯜ, ꯆꯤꯡꯈꯦꯏꯒꯤ ꯍꯨꯔꯥꯟꯕꯥ, ꯃꯣꯏꯔꯥꯡꯊꯦꯝ ꯏꯅꯥꯎꯒꯤ ꯑꯦꯅꯦꯍꯜ, ꯆꯤꯟꯊꯤꯕꯥ ꯆꯤꯟꯊꯤꯕꯤ, ꯍꯤꯡꯕꯥꯒꯤ ꯃꯍꯥꯎ ꯑꯃꯁꯨꯡ ꯀꯤꯔꯃꯤꯜ ꯁꯣꯔꯥꯏꯁꯥꯝꯒꯤ ꯇꯣꯔꯣꯅꯤ꯫ ꯂꯥꯛꯀꯗꯧꯔꯤꯕ ꯃꯃꯤ ꯀꯨꯝꯍꯩꯁꯤꯡ ꯑꯁꯤꯗ ꯁꯤꯅꯦꯃꯥ ꯌꯦꯡꯕ ꯃꯤꯑꯣꯏ ꯀꯌꯥ ꯑꯃꯅ ꯑꯩꯒꯤ ꯑꯦꯛꯇꯤꯡ ꯑꯗꯨ ꯌꯦꯡꯅꯕ ꯉꯥꯏꯔꯤ ꯍꯥꯏꯕꯁꯤ ꯑꯩꯍꯥꯛꯅ ꯁꯣꯏꯗꯅ ꯈꯪꯉꯤ꯫... ꯑꯩꯍꯥꯛꯅ ꯇꯣꯉꯥꯟ-ꯇꯣꯉꯥꯟꯕ ꯃꯃꯤ ꯀꯨꯝꯍꯩꯁꯤꯡꯗ ꯁꯛꯇꯝ ꯂꯥꯡꯈ꯭ꯔꯕꯁꯨ ꯑꯃꯁꯨꯡ ꯑꯩꯒꯤ ꯑꯦꯛꯇꯤꯡꯒꯤꯗꯃꯛ ꯊꯥꯒꯠꯈ꯭ꯔꯕꯁꯨ ꯑꯩꯅ ꯍꯧꯖꯤꯛꯁꯨ ꯑꯩꯅ ꯉꯝꯂꯤꯕꯃꯈꯩ ꯃꯃꯤ ꯀꯨꯝꯍꯩ ꯀꯌꯥꯗ ꯁꯛꯇꯝ ꯂꯥꯡꯕ ꯄꯥꯝꯃꯤ꯫ ꯃꯅꯤꯄꯨꯔꯤ ꯃꯃꯤ ꯀꯨꯝꯍꯩꯁꯤꯡꯗ ꯑꯩꯅ ꯐꯪꯂꯤꯕ ꯍꯧꯖꯤꯛ ꯂꯩꯔꯤꯕ ꯐꯤꯚꯝ ꯑꯗꯨꯗ ꯑꯩꯍꯥꯛ ꯍꯧꯖꯤꯛꯁꯨ ꯄꯦꯟꯗꯕ ꯐꯥꯎꯔꯤ꯫ ꯃꯃꯤ ꯀꯨꯝꯍꯩꯗ ꯑꯩꯒꯤ ꯁꯤꯟꯐꯝ ꯑꯁꯤ ꯃꯅꯤꯄꯨꯔꯤ ꯃꯃꯤ ꯀꯨꯝꯍꯩ ꯈꯨꯗꯤꯡꯃꯛꯀꯤ ꯃꯀꯣꯛ ꯊꯣꯡꯕ/ꯃꯔꯨꯑꯣꯏꯕ ꯁꯛꯇꯝ ꯂꯥꯡꯕ ꯃꯐꯝ ꯑꯣꯏꯒꯅꯤ꯫ꯑꯀꯛꯅꯕ ꯐ꯭ꯔꯦꯝꯁꯤꯡꯗ ꯑꯦꯛꯇꯤꯡ ꯇꯧꯕꯇ ꯅꯠꯇꯅ, ꯑꯩꯍꯥꯛ ꯇꯣꯉꯥꯟ-ꯇꯣꯉꯥꯟꯕ ꯁꯛꯇꯝꯁꯤꯡꯒ ꯂꯣꯏꯅꯅ ꯂꯥꯏꯕ ꯁ꯭ꯇꯦꯖ ꯗ꯭ꯔꯃꯥꯒ ꯃꯔꯤ ꯂꯩꯅꯩ꯫ ꯍꯧꯖꯤꯛꯀꯤ ꯑꯣꯏꯅ ꯑꯩꯍꯥꯛ ꯃꯅꯤꯄꯨꯔ ꯗ꯭ꯔꯥꯃꯦꯇꯤꯛ ꯌꯨꯅꯤꯌꯟ (ꯑꯦꯝ.ꯗꯤ.ꯌꯨ.)ꯒꯤ ꯑꯥꯔꯇꯤꯁꯠ ꯑꯃꯅꯤ꯫ ꯑꯩꯅ ꯑꯦꯝ.ꯗꯤ.ꯌꯨ.ꯒꯤ 'ꯏꯔꯥꯕꯣꯠ' ꯑꯃꯁꯨꯡ ꯍꯥꯎꯕꯥ ꯀꯣꯅꯨ ꯐꯝꯕꯥꯛ ꯀꯨꯝꯍꯩꯗ ꯃꯔꯨꯑꯣꯏꯕ ꯊꯧꯗꯥꯡ ꯂꯧꯈꯤ꯫ ꯑꯩꯍꯥꯛꯅ ꯂꯝꯖꯤꯡ ꯑꯥꯔꯠ꯭ꯁ ꯑꯦꯟꯗ ꯀꯜꯆꯔꯦꯜ ꯑꯦꯁꯣꯁꯤꯑꯦꯁꯟꯒꯤ ꯁ꯭ꯇꯦꯖ ꯄ꯭ꯂꯦ ꯂꯝꯈꯦꯏ ꯋꯥꯊꯣꯛꯇꯁꯨ ꯁꯛꯇꯝ ꯂꯥꯡꯈ꯭ꯔꯦ꯫

— ꯔꯦꯁ꯭ꯃꯤ

ꯁ꯭ꯇꯦꯖ ꯗ꯭ꯔꯃꯥ

ꯂꯝꯈꯩ ꯋꯥꯊꯣꯛ: ꯂꯝꯖꯤꯡ ꯑꯥꯔꯠ꯭ꯁ ꯑꯦꯟꯗ ꯀꯜꯆꯔ ꯑꯦꯁꯣꯁꯤꯑꯦꯁꯟ ꯏꯔꯥꯕꯣꯠ: ꯃꯅꯤꯄꯨꯔ ꯗ꯭ꯔꯥꯃꯦꯇꯤꯛ ꯌꯨꯅꯤꯌꯟ ꯍꯥꯎꯕꯥ ꯀꯣꯅꯨ: ꯃꯅꯤꯄꯨꯔ ꯗ꯭ꯔꯥꯃꯦꯇꯤꯛ ꯌꯨꯅꯤꯌꯟ

ꯃ꯭ꯌꯨꯖꯤꯛ ꯚꯤꯗꯤꯑꯣ ꯑꯦꯜꯕꯝꯁꯤꯡ

ꯁꯦꯒꯥꯏꯔꯣ, ꯇꯞꯅꯥꯇꯞꯅꯥ, ꯌꯨ ꯊꯝꯕꯜ, ꯐꯅꯤ ꯕꯣꯏ, ꯃꯔꯝ ꯂꯦꯏꯇꯥꯅꯥ, ꯅꯨꯡꯁꯤ ꯁꯛꯇꯝ, ꯋꯥ ꯂꯣꯠꯂꯦꯖ ꯈꯟꯅꯥ ꯂꯣꯠꯂꯥꯕꯥ, ꯅꯪꯒꯤ ꯅꯨꯡꯁꯤ ꯅꯥꯇꯨꯗꯥ, ꯊꯥꯋꯥꯏ

ꯃꯃꯤ ꯀꯨꯝꯍꯩꯁꯤꯡ

ꯁꯛꯍꯦꯟꯕꯤ ꯏꯇꯦꯏꯃꯥ (꯲꯰꯱꯲), ꯐꯣꯡꯗꯣꯛꯅꯥꯗ꯭ꯔꯤꯡꯒꯦꯏ (꯲꯰꯱꯲), ꯅꯒꯥꯏꯅꯥ ꯅꯒꯥꯏꯅꯥ (꯲꯰꯱꯳), ꯃꯤꯍꯠꯄꯥ-꯲ (꯲꯰꯱꯳), ꯂꯤꯡꯖꯦꯜ (꯲꯰꯱꯳), ꯅꯨꯡꯁꯤꯕꯥꯒꯤ ꯂꯃꯥꯟ (꯲꯰꯱꯳), ꯕꯥꯃꯣꯟ ꯑꯦꯆꯜ (꯲꯰꯱꯳)

ꯂꯥꯛꯀꯗꯧꯔꯤꯕ ꯃꯃꯤ ꯀꯨꯝꯍꯩꯁꯤꯡ

ꯅꯨꯡꯁꯤꯕꯥꯒꯤ ꯁꯝꯕꯜ (꯲꯰꯱꯴), ꯈꯥꯝꯅꯨ (꯲꯰꯱꯴), ꯑꯦꯅꯦꯍꯜ (꯲꯰꯱꯴), ꯍꯨꯔꯥꯟꯕꯥ (꯲꯰꯱꯴), ꯆꯤꯟꯊꯤꯕꯥ ꯆꯤꯟꯊꯤꯕꯤ (꯲꯰꯱꯴), ꯍꯤꯡꯕꯥꯒꯤ ꯃꯍꯥꯎ, ꯇꯣꯔꯣ

ꯃꯇꯦꯡ ꯂꯧꯔꯛꯐꯝ

• ꯁꯣꯌꯥꯝ ꯅꯤꯉꯣꯜ ꯀꯥꯡꯖꯝ ꯑꯣꯡꯕꯤ ꯁ꯭ꯋꯤꯇꯤ