ꯋꯤꯀꯤꯄꯦꯗꯤꯌꯥ

ꯕꯦꯡꯒꯂꯤ ꯃꯌꯦꯛ:খম্লাংপা

     


ꯇꯦꯝꯄ꯭ꯂꯦꯠ:কংলৈ খোয়ুম্সীং খম্লাংপ অসী অলীপা কংলৈপাক্ (অরীবা মনীপুর)গী মীতৈ মী লাই তীনগী ৱারী অমদী মীতৈ লাইনীং (সনামহী লাইনীং)গী লাই নুপা অমনী । মহাক্ অসী য়োৎ থাং, লৈতৌ লৈখোৎ, সা তান্বা, অমদী সা লানগী খোয়ুম্ লাই অমনী । মহাক্ অসী কক্চীংদা মপুং ওইনা লাৎলী ।[꯱][꯲] মহাক্কী মথৌ অসী য়োৎ সুংবা অমদী অতৈ য়োৎ থাং খুৎসু খুৎলাই সেম্ সাবনী ।[꯳] খম্লাংপা থেনলোন্ কৌবা পুয়াদা লাই খম্লাংপগী তৌবা ঙম্বা মতীক্ ময়াই য়োৎ থাং সুংবা অমদী খুৎসু খুৎলাই সেম্ সাবগী মতাংদা মরীক্ চুম্না পল্লী ।

খম্লাংপা
য়োৎ থাং, লৈতৌ লৈখোৎ, সা তান্বা, অমদী সা লানগী খোয়ুম্
লাইনীংথৌসীং অমদী লম্ লাইসীংꯒꯤ ꯃꯅꯨꯡ ꯆꯟꯕꯅꯤ ꯫
"খম্লাংপ"
ꯑꯇꯩ ꯃꯃꯤꯡলাই খম্লাংপা, লাই খম্লাংপা, লাই নীংথৌ খম্লাংপা, লাই নীংথৌ খম্লাংপা, খম্লাংবা, খপ্লাংপা, খপ্লাংবা
Affiliationমীতৈ মী লাই তীনগী ৱারী (মৈতৈ মী লাই তীনগী ৱারী) অমদী মীতৈ লাইনীং (সনামহী লাইনীং)
Major cult centreকক্চীং
ꯌꯨꯝকক্চীং
Artifactsয়োৎ থাং
Adherentsমীতৈ কাংলুপ্ (অখন্ননা নাওরেম্ সাগৈ অমদী ময়াংলম্বম্ সাগৈ)
ꯑꯏꯕ ꯂꯥꯇꯝ(ꯁꯤꯡ)খম্লাংপা খুনকুম্লোন্, খম্লাংপা থেনলোন্, কাংচৈলোল্
ꯅꯨꯄꯥ/ꯅꯨꯄꯤনুপা
ꯃꯐꯝঅলীপা কংলৈপাক্ (অরীবা মনীপুর)
ꯐꯨꯂꯨꯞ ꯀꯥꯡꯂꯨꯞমীতৈ কাংলুপ্ (মৈতৈ কাংলুপ্)
ꯀꯨꯝꯍꯩꯁꯤꯡকক্চীং হরাওব (লাই হরাওবগী মখল্ ৪গী মনুংদগী অমনী)
ꯑꯀꯨꯞꯄ ꯋꯥꯔꯣꯜ
ꯄꯣꯛꯄ
নোংথক্
ꯃꯄꯥ ꯃꯃꯥ
ꯂꯣꯏꯅꯕꯤহুইমু লৈমা (হুইমু লৈম)
ꯃꯆꯥঅমুতোন্ (অমুদোন্)
Equivalents
ꯒ꯭ꯔꯤꯛ ꯂꯦꯡꯃꯥꯟꯅꯕহীফেইসতস
ꯔꯣꯃꯥꯟ ꯂꯦꯡꯃꯥꯟꯅꯕভুল্কান্

সৈথাবা

ꯁꯦꯝꯒꯠꯂꯨ
 
খম্লাংপ

লাই খম্লাংপা অসী য়োৎ থাং লৈতৌ লৈখোৎ তৌদুনা লৈনুংদগী লৌথোক্লক্তুনা সুংদোক্পা অমদী খুৎসু খুৎলাই সেম্ সাবগী থৌ পাংই । মহাক্ অসী ইংবা চীক্পা তংদু লৈতাবা পুরক্ননবগীদমক্তা মীয়াম্না ইরাৎ থৌনীজনৈ । মহাক্ অসী অনা অয়েক্ অমদী সীবা নাবা পুম্নমক্তগী মীওইববু কন্বী ঙাক্পী হাইনসু লৌনৈ । মহাক্না লাই ফৎতবসীং অমদী ফৎতবা থৱাইসীংবু তান্থোক্ই হাইনসু লৈতৌ । মহাক্ অসী করীগুম্বদা ওমং লাইগী সীংদা চল্লী ।[꯴]

কাংচৈলোল্ কৌবা পুয়াদা লাই খম্লাংপা অসী সগোল্ কাংজৈ (সকোল্ কাংচৈ) সান্নবা খোয়ুম্ লাইয়াম্সীংগী মনুংদগী অমনী হাইনা পল্লী ।[꯵]

ৱারী

ꯁꯦꯝꯒꯠꯂꯨ

হৌরক্পগী ৱারীদা লাই খম্লাংপা অসী সলাইলেন্ সীতপগী হক্চাংদগী থোক্লক্ই হাইনা থাজনৈ । মহাক্ অসী সা তান্বা, লান্ তৌবা অমদী লৈতৌ লৈখোৎ তৌবা লাইনী হাইনা লৌনৈ । মহাক্না লাইরেম্বী হুইমু লৈমগা য়ুম্ পানমীন্নদুনা অমুতোন্ কৌবা মপারী অমা ফংজৈ । মসীগী মতুংদা লাই খম্লাংপনা কংলৈপাক্ থাদোক্তুনা মতম্ খরা তখেল্দা য়োৎ থাং থীরুবা ওইনা লৈরুই হাইনৈ । মহাক্না কংলৈপাক্তা হল্লক্পা মতম্দা কক্চীংদা লৈখী । কক্চীংগী মীয়াম্না মহাক্পু ইরাৎ থৌনীজনখী । কোন্না "কক্চীং হরাওব" হাইবা লাই হরাওবগী অনৌবা সক্লোন্ অমা সেম্গৎখী ।[꯶] মসীগী মতাংদা খম্লাংপা খুনকুম্লোন্ পুয়াদা পল্লী ।[꯷]

অতোপ্পা ৱারীদা লাই খম্লাংপা অসী "খুমন্ হৈয়েল্ লৌপুক্" কৌবা মফম্দা লৈখী । কোন্না মহাক্না খেলাচীং কৌবা মফম্ অমদা লাক্খী । "ঙান্বা তেক্চা পাম্বা লাইহাৎ থৌব" কৌবা মীসক্ অমনা "ইরুম্ লাই তুবী কোক্লীং লেংব" কৌবা মীসক্ অমগী লু কক্খী । অদুনা লাই খম্লাংপনা লৈরীবা মফম্দু কোন্না কক্চীং খুল্লেন্ অমদী কক্চীং ৱাইরী কৌখী ।[꯸]

লাই খম্লাংপা অসী খোয়ুম্ লাইয়াম্সীংনা সগোল্ কাংজৈ (সকোল্ কাংচৈ) সান্নবদা সরুক্ য়াখীবা লাই অমনী । সগোল্ কাংজৈ সান্নবগী থৌরম্ অসী লীনা ৱারীগী মতুংইন্না লাইগুম্না লাৎনরীবা পুৱারীদা পাল্লম্বা মীতৈ নীংথৌ নোংতা লাইলেন্ পাখংপগী সনা হাক্তক্তনী হাইনা লৌনৈ । মসী কাংজৈরোল্ কৌবা পুয়াদা পল্লী ।[꯹] মহাক্ অসী অৱাং থংবা পনাগী সান্নরোই ৭কী মনুংদগী অমনী । মহাক্কী পনা অদু লাই মারজীংনা লুচীংখী । অদুগা মহাক্কী পনাগী মাইয়োক্তা লৈরীবা খা পনা অসীনা লাই থাংচীংনা লুচীংখী ।[꯱꯰]

ইরাৎপা অমদী লাইফম্সীং

ꯁꯦꯝꯒꯠꯂꯨ

লাই খম্লাংপা অসী কক্চীং হরাওবা কুম্হৈদা অখন্নবা মফম্ কল্লী । কক্চীং হরাওবা অসী লাই হরাওবগী মখল্ ৪গী মনুংদগী অমনী ।[꯱꯱]

সমুলোইপা নীংথৌগী হাক্তক্তা খম্লাংপগী লাইসং কক্চীং খুল্লেন্দা সাখী । মতম্সীদা নাওরেম্ সাগৈনসু কক্চীং ৱাইরীদা খম্লাংপগী অতোপ্পা লাইসং অমা সাখী । কক্চীং খুল্লেন্দা লৈবা লাইসং অদুনা ময়াংলম্বম্ সাগৈনা য়েংসীল্লী । অদুগা কক্চীং ৱাইরীদা লৈবা লাইসং অদুনা নাওরেম্ সাগৈনা য়েংসীল্লী ।[꯱꯲]

মমী সক্তম্সীং

ꯁꯦꯝꯒꯠꯂꯨ
  •  
    লাই খম্লাংপগী লাইসং অমা
  •  
    লাই খম্লাংপগী লাই লম্থোক্পা থৌরম্
  •  
    লাই খম্লাংপগী ইরাৎ থৌরম্
  •  
    লাই খম্লাংপগী লাই হরাওবা কুম্হৈদা লৈসাবী ময়াম্ জগোই সাবা
  •  
    লাই খম্লাংপগী ইরাৎ থৌরম্ অমদা পেনা খোংবসীং অমদী য়ুম্ পাল্লবী মৌসীংনা সরুক্ য়াবা

মতেং লৌরক্ফম্

ꯁꯦꯝꯒꯠꯂꯨ
  1. ↑ Devi, Dr Yumlembam Gopi. Glimpses of Manipuri Culture (in en). Lulu.com. ISBN 978-0-359-72919-7. 
  2. ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House. ISBN 978-81-7835-864-2. 
  3. ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House. ISBN 978-81-7835-864-2. 
  4. ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House. ISBN 978-81-7835-864-2. 
  5. ↑ Sanajaoba, Naorem (1988). Manipur, Past and Present: The Heritage and Ordeals of a Civilization (in en). Mittal Publications. ISBN 978-81-7099-853-2. 
  6. ↑ Devi, Dr Yumlembam Gopi. Glimpses of Manipuri Culture (in en). Lulu.com. ISBN 978-0-359-72919-7. 
  7. ↑ Sanajaoba, Naorem (1988). Manipur, Past and Present: The Heritage and Ordeals of a Civilization (in en). Mittal Publications. ISBN 978-81-7099-853-2. 
  8. ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House. ISBN 978-81-7835-864-2. 
  9. ↑ Sanajaoba, Naorem (1988). Manipur, Past and Present: The Heritage and Ordeals of a Civilization (in en). Mittal Publications. ISBN 978-81-7099-853-2. 
  10. ↑ Roy, L. Somi (2021-06-21). And That Is Why... Manipuri Myths Retold (in en). Penguin Random House India Private Limited. ISBN 978-93-91149-65-9. 
  11. ↑ Kumar, Niraj (2020-11-18). Himalayan Bridge (in en). Routledge. ISBN 978-1-000-21551-9. 
  12. ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House. ISBN 978-81-7835-864-2. 

লাইরীক্সীং

ꯁꯦꯝꯒꯠꯂꯨ

অহেন্বা য়েংফম্সীং

ꯁꯦꯝꯒꯠꯂꯨ
  ꯋꯤꯀꯤꯃꯦꯗꯤꯌꯥ ꯀꯝꯃꯟꯁꯇ Khamlangba ꯑꯁꯤꯒ ꯃꯔꯤ ꯂꯩꯅꯕ ꯄꯥꯎ-ꯏ ꯐꯪꯕꯤꯒꯅꯤ꯫
"https://mni.wikipedia.org/w/index.php?title=ꯕꯦꯡꯒꯂꯤ_ꯃꯌꯦꯛ:খম্লাংপা&oldid=54720" ꯃꯐꯝꯗꯨꯗꯒꯤ ꯂꯧꯈꯠꯂꯛꯄꯥ