ꯏꯂꯩꯃ
ꯏꯂꯩꯃ (ꯅꯠꯇ꯭ꯔꯒ ꯏꯔꯩꯃ ꯅꯠꯇ꯭ꯔꯒ ꯏꯂꯥꯢ ꯂꯩꯃ ꯅꯠꯇ꯭ꯔꯒ ꯏꯂꯥꯏ ꯂꯩꯃ ꯅꯠꯇ꯭ꯔꯒ ꯏꯔꯥꯢ ꯂꯩꯃ ꯅꯠꯇ꯭ꯔꯒ ꯏꯔꯥꯏ ꯂꯩꯃ) ꯑꯁꯤ ꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ)ꯀꯤ ꯃꯤꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ (ꯃꯩꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ) ꯑꯃꯗꯤ ꯃꯤꯇꯩ ꯂꯥꯢꯅꯤꯡ (ꯁꯅꯥꯃꯍꯤ ꯂꯥꯏꯅꯤꯡ)ꯒꯤ ꯂꯥꯢꯔꯦꯝꯕꯤ ꯑꯃꯅꯤ ꯫ ꯃꯍꯥꯛ ꯑꯁꯤ ꯏꯁꯤꯡꯒꯤ ꯂꯥꯢꯂꯦꯝꯄꯤ ꯑꯃꯅꯤ ꯫[꯱][꯲][꯳] ꯃꯍꯥꯛ ꯑꯁꯤ ꯑꯅꯥ ꯑꯌꯦꯛ, ꯂꯥꯢꯅꯥ ꯇꯤꯟꯅꯥꯒꯤꯁꯨ ꯂꯥꯢꯔꯦꯝꯕꯤꯅꯤ ꯫[꯴]
_%E2%80%94_Goddess_of_water_%E2%80%94_Classical_Meitei_mythology_%26_religion_(Sanamahism)_of_Kangleipak_civilisation.jpg)
| ꯏꯂꯩꯃ | |
|---|---|
ꯏꯁꯤꯡꯒꯤ ꯂꯥꯢꯔꯦꯝꯕꯤ | |
| ꯂꯥꯢꯔꯦꯝꯕꯤꯁꯤꯡꯒꯤ ꯃꯅꯨꯡ ꯆꯟꯕꯅꯤ ꯫ | |
 | |
| ꯑꯇꯩ ꯃꯃꯤꯡ | ꯏꯔꯩꯃ, ꯏꯔꯥꯢ ꯂꯩꯃ, ꯏꯔꯥꯏ ꯂꯩꯃ, ꯏꯂꯥꯢ ꯂꯩꯃ, ꯏꯂꯥꯏ ꯂꯩꯃ, ꯍꯤꯌꯥꯡꯊꯥꯡ ꯂꯥꯢꯔꯦꯝꯕꯤ, ꯍꯤꯌꯥꯪꯊꯥꯪ ꯂꯥꯢꯔꯦꯝꯕꯤ |
| Venerated in | ꯏꯁꯤꯡ |
| Affiliation | ꯃꯤꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ (ꯃꯩꯇꯩ ꯃꯤ ꯂꯥꯢ ꯇꯤꯟꯒꯤ ꯋꯥꯔꯤ) ꯑꯃꯗꯤ ꯃꯤꯇꯩ ꯂꯥꯢꯅꯤꯡ (ꯁꯅꯥꯃꯍꯤ ꯂꯥꯏꯅꯤꯡ) |
| Major cult centre | ꯍꯤꯌꯥꯡꯊꯥꯡ ꯂꯥꯢꯔꯦꯝꯕꯤ ꯂꯥꯢꯁꯪ |
| ꯌꯨꯝ | ꯏꯁꯤꯡ |
| ꯑꯏꯕ ꯂꯥꯇꯝ(ꯁꯤꯡ) | ꯄꯨꯌꯥꯁꯤꯡ |
| ꯅꯨꯄꯥ/ꯅꯨꯄꯤ | ꯅꯨꯄꯤ |
| ꯃꯐꯝ | ꯑꯂꯤꯄ ꯀꯪꯂꯩꯄꯥꯛ (ꯑꯔꯤꯕ ꯃꯅꯤꯄꯨꯔ) |
| ꯐꯨꯂꯨꯞ ꯀꯥꯡꯂꯨꯞ | ꯃꯤꯇꯩ ꯀꯥꯡꯂꯨꯞ |
| ꯂꯥꯏꯁꯪꯁꯤꯡ | ꯍꯤꯌꯥꯡꯊꯥꯡ ꯂꯥꯢꯔꯦꯝꯕꯤ ꯂꯥꯢꯁꯪ |
| ꯀꯨꯝꯍꯩꯁꯤꯡ | ꯂꯥꯢ ꯍꯔꯥꯎꯕ |
| ꯑꯀꯨꯞꯄ ꯋꯥꯔꯣꯜ | |
| ꯃꯄꯥ ꯃꯃꯥ | |
| ꯃꯆꯤꯟ ꯃꯅꯥꯎ | ꯐꯧꯑꯣꯢꯕꯤ (ꯐꯧꯂꯩꯃ), ꯉꯥꯂꯩꯃ (ꯉꯥꯔꯩꯃ), ꯊꯨꯝꯂꯩꯃ |
| ꯃꯇꯩ ꯃꯅꯥꯎ | ꯏꯂꯥꯢ ꯅꯤꯡꯊꯧ |
| Equivalents | |
| ꯒ꯭ꯔꯤꯛ ꯂꯦꯡꯃꯥꯟꯅꯕ | ꯑꯦꯝꯐꯤꯇ꯭ꯔꯥꯢꯇꯤ |
| ꯔꯣꯃꯥꯟ ꯂꯦꯡꯃꯥꯟꯅꯕ | ꯁꯦꯂꯥꯁꯤꯌꯥ |
ꯃꯍꯥꯛ ꯑꯁꯤ ꯏꯂꯥꯢ ꯅꯤꯡꯊꯧꯒꯤ ꯂꯣꯢꯅꯕꯤꯅꯤ ꯫ ꯃꯈꯣꯢ ꯑꯅꯤꯁꯤ ꯏꯁꯤꯡꯒꯤ ꯂꯥꯢ ꯑꯣꯢꯅ ꯂꯧꯅꯩ ꯫[꯵]
ꯍꯧꯔꯛꯂꯣꯟ
ꯁꯦꯝꯒꯠꯂꯨꯋꯥꯔꯤ
ꯁꯦꯝꯒꯠꯂꯨ_%E2%80%94_Goddess_of_water_%E2%80%94_Classical_Meitei_mythology_%26_religion_(Sanamahism)_of_Kangleipak_civilization.jpg)
ꯏꯂꯥꯢ ꯂꯩꯃ (ꯏꯔꯥꯢ ꯂꯩꯃ) ꯑꯁꯤ ꯍꯩꯕꯣꯛ ꯅꯤꯡꯊꯧꯒꯤ ꯃꯆꯥꯅꯨꯄꯤ ꯑꯃꯅꯤ ꯫ ꯍꯩꯕꯣꯛ ꯅꯤꯡꯊꯧ ꯑꯁꯤ ꯍꯩꯕꯣꯛ ꯆꯤꯡꯒꯤ ꯅꯤꯡꯊꯧꯅꯤ ꯫ ꯍꯩꯕꯣꯛ ꯅꯤꯡꯊꯧ ꯑꯁꯤ ꯄꯣꯠꯀꯥꯞ ꯇꯦꯟꯀꯥꯞꯀꯤ ꯂꯝꯗ ꯆꯪꯈꯣꯜꯂꯤ ꯫ ꯏꯂꯥꯢ ꯂꯩꯃ ꯑꯁꯤ ꯀꯥ ꯍꯦꯟꯅ ꯐꯖꯕꯒꯤ ꯈꯪꯅꯩ ꯫ ꯅꯣꯡꯃ ꯏꯂꯥꯢ ꯂꯩꯃꯅ ꯂꯤꯋꯥ ꯇꯨꯔꯦꯜꯒꯤ ꯇꯣꯔꯕꯥꯟꯗ ꯉꯥ ꯐꯥꯔꯤꯉꯩ ꯈꯨꯃꯟꯒꯤ ꯅꯤꯡꯊꯧ ꯀ꯭ꯋꯥꯛꯄꯅ ꯎꯈꯤ ꯫ ꯃꯍꯥꯛꯀꯤ ꯐꯖꯕꯗꯨ ꯎꯕꯗ ꯅꯤꯡꯊꯧ ꯀ꯭ꯋꯥꯛꯄ ꯏꯂꯥꯢ ꯂꯩꯃꯗ ꯉꯥꯎꯖꯈꯤ, ꯅꯨꯡꯁꯤꯖꯈꯤ ꯫ ꯈꯨꯃꯟ ꯀ꯭ꯋꯥꯛꯄꯅ ꯏꯂꯥꯢ ꯂꯩꯃꯗ ꯃꯍꯥꯛꯀꯤ ꯄꯨꯛꯅꯤꯡꯒꯤ ꯋꯥꯐꯝ ꯐꯣꯡꯗꯣꯛꯈꯤ ꯫ ꯃꯁꯤꯗ ꯏꯂꯥꯢ ꯂꯩꯃꯅ ꯃꯄꯥꯕꯨꯡꯒꯤ ꯑꯄꯥꯝꯕꯅ ꯃꯍꯥꯛꯀꯤ ꯑꯄꯥꯝꯕ ꯑꯣꯢꯒꯅꯤ ꯈꯨꯝꯂꯛꯈꯤ ꯫ ꯑꯗꯨꯅ ꯈꯨꯃꯟ ꯀ꯭ꯋꯥꯛꯄꯅ ꯃꯅꯥꯢꯁꯤꯡꯒ ꯇꯥꯟꯅꯔꯕ ꯃꯇꯨꯡꯗ ꯍꯩꯕꯣꯛ ꯅꯤꯡꯊꯧꯒꯤ ꯃꯐꯝꯗ ꯈꯨꯗꯣꯜꯄꯣꯠꯁꯤꯡ ꯈꯨꯗꯣꯜ ꯇꯝꯂꯛꯈꯤ ꯫[꯶]
ꯈꯨꯃꯟ ꯀ꯭ꯋꯥꯛꯄꯅ ꯊꯧ ꯑꯃ ꯂꯥꯡꯈꯤ ꯫ ꯀꯔꯤꯒꯨꯝꯕ ꯍꯩꯕꯣꯛ ꯅꯤꯡꯊꯧꯅ ꯃꯆꯥꯅꯨꯄꯤ ꯄꯤꯕ ꯌꯥꯔꯛꯂꯕꯗꯤ ꯅꯤꯡꯊꯤꯖꯅ ꯂꯨꯍꯣꯡꯂꯦ, ꯑꯗꯨꯕꯨ ꯀꯔꯤꯒꯨꯝꯕ ꯍꯩꯕꯣꯛ ꯅꯤꯡꯊꯧꯅ ꯃꯆꯥꯅꯨꯄꯤ ꯄꯤꯕ ꯌꯥꯔꯛꯇ꯭ꯔꯕꯗꯤ ꯏꯂꯥꯢ ꯂꯩꯃꯕꯨ ꯅꯝꯗꯨꯅ ꯐꯥꯔꯒ ꯄꯨꯔꯛꯀꯅꯤ ꯍꯥꯢꯅ ꯊꯧꯔꯥꯡꯈꯤ ꯫ ꯈꯨꯃꯟ ꯀ꯭ꯋꯥꯛꯄꯒꯤ ꯌꯥꯝꯅ ꯀꯥ ꯍꯦꯟꯅ ꯇꯛꯁꯤꯜꯂꯛꯄ ꯃꯑꯣꯡꯗꯨ ꯎꯕꯗ ꯍꯩꯕꯣꯛ ꯅꯤꯡꯊꯧꯅ ꯁꯥꯎꯅꯤꯡꯕꯗꯒꯤ ꯀ꯭ꯋꯥꯛꯄꯒꯤ ꯈꯨꯗꯣꯜꯄꯣꯠꯁꯤꯡ ꯄꯨꯝꯅꯃꯛ ꯅꯨꯡ ꯑꯣꯜꯍꯟꯈꯤ ꯫ ꯃꯁꯤꯗ ꯀ꯭ꯋꯥꯛꯄꯒꯤ ꯃꯅꯥꯢ ꯃꯁꯦꯟ ꯄꯨꯝꯅꯃꯛ ꯀꯤꯗꯨꯅ ꯆꯦꯟꯈꯤ ꯫ ꯈꯨꯃꯟ ꯀ꯭ꯋꯥꯛꯄ ꯅꯤꯡꯕ ꯀꯥꯢꯗꯨꯅ ꯌꯨꯝ ꯍꯜꯂꯛꯈꯤ ꯫[꯷]
ꯅꯣꯡꯃ ꯈꯨꯃꯟ ꯀ꯭ꯋꯥꯛꯄꯅ ꯇꯦꯔꯥ ꯄꯥꯝꯕꯤ (Bambax malabaricum)ꯒꯤ ꯃꯔꯥꯗꯒꯤ ꯁꯨꯡꯕ ꯋꯥꯡꯂꯩ ꯌꯨ ꯊꯛꯂꯨꯕꯗꯒꯤ ꯃꯁꯥ ꯉꯥꯎꯈꯠꯂꯛꯈꯤ ꯫ ꯃꯗꯨꯗ ꯃꯍꯥꯛ ꯏꯂꯥꯢ ꯂꯩꯃ ꯎꯟꯅꯅꯤꯡꯉꯛꯈꯤ ꯫ ꯃꯍꯥꯛꯅ ꯏꯂꯥꯢ ꯂꯩꯃ ꯎꯟꯅꯅꯕ ꯂꯥꯛꯈꯤ ꯫ ꯃꯍꯥꯛ ꯍꯤꯌꯥꯡ ꯍꯤ ꯑꯃ ꯇꯣꯡꯗꯨꯅ ꯂꯥꯛꯈꯤ ꯫ ꯈꯨꯃꯟ ꯀ꯭ꯋꯥꯛꯄ ꯂꯥꯛꯄ ꯎꯕꯗ ꯏꯂꯥꯢ ꯂꯩꯃ ꯄꯥꯈ꯭ꯔꯥ ꯆꯤꯡꯗ ꯆꯦꯟꯈꯤ ꯫ ꯀ꯭ꯋꯥꯛꯄꯅ ꯏꯂꯥꯢ ꯂꯩꯃ ꯇꯝꯅ ꯇꯥꯟꯅꯔꯛꯈꯤ ꯫ ꯃꯁꯤ ꯄꯨꯝꯅꯃꯛ ꯎꯕꯗ ꯍꯩꯕꯣꯛ ꯅꯤꯡꯊꯧꯅ ꯀ꯭ꯋꯥꯛꯄꯒꯤ ꯍꯤ ꯑꯗꯨ ꯅꯨꯡ ꯑꯣꯜꯍꯟꯈꯤ ꯫ ꯑꯗꯨꯒ ꯍꯤꯒꯤ ꯅꯥꯎ ꯑꯗꯨ ꯄꯥꯝꯕꯤ ꯑꯣꯜꯍꯟꯈꯤ ꯫[꯸] ꯃꯁꯤꯗ ꯀ꯭ꯋꯥꯛꯄꯅ ꯁꯥꯎꯔꯛꯇꯨꯅ ꯍꯩꯕꯣꯛ ꯅꯤꯡꯊꯧ ꯍꯥꯠꯂꯒꯦ ꯈꯟꯅ ꯃꯍꯥꯛ ꯇꯝꯅ ꯂꯥꯛꯈꯤ ꯫ ꯃꯁꯤꯗ ꯍꯩꯕꯣꯛ ꯅꯤꯡꯊꯧꯅ ꯈꯨꯃꯟ ꯀ꯭ꯋꯥꯛꯄꯕꯨ ꯅꯨꯡ ꯑꯣꯜꯍꯟꯈꯤ ꯫ ꯃꯁꯤ ꯄꯨꯝꯅꯃꯛ ꯑꯁꯤ ꯎꯕꯗ ꯏꯂꯥꯢ ꯂꯩꯃ ꯃꯍꯥꯛꯀꯤ ꯃꯄꯥꯕꯨ ꯀꯤꯖꯈꯤꯗꯨꯅ ꯆꯦꯟꯈꯤ ꯫ ꯏꯂꯥꯢ ꯂꯩꯃꯅ ꯄꯥꯈ꯭ꯔꯥ ꯆꯤꯡ ꯐꯥꯎꯗꯨꯅ ꯆꯦꯟꯈꯤ ꯫ ꯃꯍꯥꯛꯅ ꯂꯤꯋꯥ ꯇꯨꯔꯦꯜꯁꯨ ꯂꯥꯟꯈꯤ ꯫ ꯏꯀꯣꯟ ꯀꯣꯟꯅ ꯏꯂꯥꯢ ꯂꯩꯃ ꯁꯔꯥꯡꯊꯦꯝ ꯂꯨꯋꯥꯡꯕꯒꯤ ꯌꯨꯝ ꯌꯧꯔꯛꯈꯤ ꯫ ꯃꯍꯥꯛꯅ ꯂꯨꯋꯥꯡꯕꯒꯤ ꯌꯨꯝꯒꯤ ꯐꯧ ꯀꯣꯠꯇ ꯆꯪꯗꯨꯅ ꯂꯣꯠꯈꯤ ꯫ ꯁꯔꯥꯡꯊꯦꯝ ꯂꯨꯋꯥꯡꯕ ꯑꯃꯗꯤ ꯃꯍꯥꯛꯀꯤ ꯅꯨꯄꯤ ꯊꯣꯢꯗꯤꯡꯖꯝ ꯆꯅꯨ ꯑꯃꯨꯔꯩ ꯑꯅꯤꯅ ꯂꯧ ꯀꯨꯝꯈꯤꯕ ꯃꯇꯝꯗ ꯏꯂꯥꯢ ꯂꯩꯃꯅ ꯃꯈꯣꯢꯒꯤ ꯏꯃꯨꯡꯒꯤ ꯊꯕꯛ ꯊꯧꯔꯝ ꯄꯨꯝꯅꯃꯛ ꯂꯣꯢꯁꯤꯟꯕꯤꯔꯝꯃꯤ ꯫ ꯃꯈꯣꯢ ꯌꯨꯝꯗ ꯍꯜꯂꯛꯄ ꯃꯇꯝꯗ ꯏꯂꯥꯢ ꯂꯩꯃ ꯃꯍꯥꯛꯀꯤ ꯍꯥꯟꯅꯒꯤ ꯂꯣꯠꯐꯝꯗ ꯑꯃꯨꯛ ꯆꯪꯗꯨꯅ ꯂꯣꯠꯈꯤ ꯫[꯹]
ꯃꯇꯩ ꯃꯅꯥꯎ ꯑꯗꯨ ꯊꯧꯗꯣꯛ ꯑꯁꯤꯗ ꯑꯉꯛꯄ ꯄꯣꯛꯈꯤ ꯫ ꯃꯁꯤ ꯅꯨꯃꯤꯠ ꯈꯨꯗꯤꯡꯒꯤ ꯊꯣꯛꯈꯤ ꯫ ꯃꯁꯤꯗ ꯅꯣꯡꯃ ꯁꯔꯥꯡꯊꯦꯝ ꯂꯨꯋꯥꯡꯕꯅ ꯌꯨꯝꯗ ꯍꯥꯟꯅꯒꯤ ꯍꯜꯂꯛꯄ ꯃꯇꯝꯗꯒꯤ ꯈꯔ ꯉꯟꯅ ꯍꯜꯂꯛꯇꯨꯅ ꯌꯦꯡꯂꯨꯕꯗ ꯏꯂꯥꯢ ꯂꯩꯃ ꯎꯔꯛꯈꯤ ꯫ ꯑꯗꯨꯕꯨ ꯃꯍꯥꯛꯅ ꯏꯂꯥꯢ ꯂꯩꯃꯒꯤ ꯃꯅꯥꯛ ꯆꯪꯂꯨꯕꯗ ꯏꯂꯥꯢ ꯂꯩꯃ ꯀꯣꯠ ꯃꯈꯥꯗ ꯆꯦꯟꯁꯤꯟꯈꯤꯗꯨꯅ ꯃꯥꯡꯈꯤ ꯫ ꯃꯍꯥꯛꯅ ꯇꯥꯟꯅꯗꯨꯅ ꯀꯣꯠ ꯃꯈꯥꯗ ꯌꯦꯡꯂꯨꯕꯗ ꯀꯅꯥ ꯑꯃꯇꯁꯨ ꯂꯩꯔꯝꯈꯤꯗꯦ ꯫ ꯂꯨꯋꯥꯡꯕꯅ ꯋꯥꯐꯝ ꯑꯁꯤ ꯁꯥꯒꯩꯒꯤ ꯃꯤꯄꯨꯝ ꯈꯨꯗꯤꯡ ꯇꯝꯗꯨꯅ ꯄꯨꯟꯅ ꯏꯂꯥꯢ ꯂꯩꯃꯕꯨ ꯊꯤꯈꯤ ꯫ ꯃꯈꯣꯢꯅ ꯊꯤꯕꯗ ꯐꯪꯈꯤꯗꯦ ꯫[꯱꯰]
ꯏꯂꯥꯢ ꯂꯩꯃꯅ ꯁꯔꯥꯡꯊꯦꯝ ꯂꯨꯋꯥꯡꯕꯒꯤ ꯃꯃꯪꯗ ꯂꯥꯛꯈꯤ ꯫ ꯃꯍꯥꯛꯅ ꯂꯨꯋꯥꯡꯕꯒꯤ ꯃꯃꯪꯗ ꯃꯍꯥꯛ ꯂꯨꯋꯥꯡꯕꯒꯤ ꯁꯥꯒꯩꯗ ꯇꯤꯜꯂꯦ ꯍꯥꯢꯔꯛꯈꯤ ꯫ ꯑꯗꯨꯅ ꯃꯍꯥꯛ ꯂꯨꯋꯥꯡꯕꯒꯤ ꯃꯆꯥꯅꯨꯄꯤ ꯑꯣꯢꯔꯕꯅꯤ ꯍꯥꯢꯔꯛꯈꯤ ꯫ ꯂꯨꯋꯥꯡꯕꯅ ꯋꯥꯐꯝ ꯑꯁꯤ ꯅꯤꯡꯊꯧ ꯁꯦꯟꯕꯤ ꯀꯤꯌꯥꯝꯕꯗ ꯇꯝꯈꯤ ꯫ ꯅꯤꯡꯊꯧꯅ ꯃꯥꯢꯕ ꯃꯥꯢꯕꯤ ꯀꯌꯥ ꯊꯥꯔꯛꯇꯨꯅ ꯊꯧꯗꯣꯛ ꯑꯁꯤ ꯌꯦꯡꯁꯤꯜꯍꯟꯈꯤ ꯫ ꯌꯦꯡꯁꯤꯜꯂꯕ ꯃꯇꯨꯡꯗ ꯃꯥꯢꯕ ꯃꯥꯢꯕꯤꯁꯤꯡꯅ ꯅꯨꯄꯤ ꯑꯗꯨ ꯂꯥꯢꯔꯦꯝꯕꯤꯅꯤ ꯍꯥꯢꯔꯛꯈꯤ ꯫ ꯑꯗꯨꯅ ꯂꯥꯢꯔꯦꯝꯕꯤ ꯑꯁꯤ ꯂꯥꯠꯂꯁꯤ ꯍꯥꯢꯔꯛꯈꯤ ꯫ ꯑꯁꯨꯝꯅ ꯏꯂꯥꯢ ꯂꯩꯃ ꯑꯁꯤ ꯂꯥꯢꯔꯦꯝꯕꯤ ꯑꯣꯢꯅ ꯂꯥꯠꯈꯤ ꯫[꯱꯱]
ꯂꯨꯋꯥꯡꯕꯅ ꯏꯂꯥꯢ ꯂꯩꯃ ꯏꯍꯥꯟ ꯍꯥꯟꯅ ꯎꯕ ꯅꯨꯃꯤꯠ ꯑꯗꯨ ꯂꯝꯇꯥꯒꯤ ꯑꯍꯥꯟꯕ ꯅꯤꯡꯊꯧꯀꯥꯄ ꯅꯨꯃꯤꯠꯇꯅꯤ ꯫ ꯑꯗꯨꯒ ꯃꯥꯢꯕ ꯃꯥꯢꯕꯤꯁꯤꯡꯅ ꯋꯥꯐꯝ ꯑꯁꯤ ꯏꯍꯥꯟ ꯍꯥꯟꯅ ꯌꯦꯡꯁꯤꯟꯈꯤꯕ ꯅꯨꯃꯤꯠ ꯑꯗꯨ ꯂꯝꯇꯥꯒꯤ ꯑꯍꯥꯟꯕ ꯂꯩꯄꯥꯛꯄꯣꯛꯄ ꯅꯨꯃꯤꯠꯇꯅꯤ ꯫ ꯉꯁꯤ ꯐꯥꯎꯕ ꯅꯤꯡꯊꯧ ꯁꯦꯟꯕꯤ ꯀꯤꯌꯥꯝꯕ (1467-1508 AD)ꯒꯤ ꯃꯇꯝꯗꯒꯤ ꯍꯧꯅ ꯆꯍꯤ ꯈꯨꯗꯤꯡꯒꯤ ꯁꯔꯥꯡꯊꯦꯝ ꯁꯥꯒꯩꯅ ꯂꯥꯢꯔꯦꯝꯕꯤ ꯑꯁꯤꯒꯤꯗꯃꯛꯇ ꯆꯥꯛꯂꯦꯟ ꯀꯠꯄ ꯆꯠꯅꯔꯤ ꯫ ꯏꯂꯥꯢ ꯂꯩꯃ ꯂꯥꯢꯔꯦꯝꯕꯤ ꯑꯁꯤ ꯀꯣꯟꯅ ꯍꯤꯌꯥꯡꯊꯥꯡ ꯂꯥꯢꯔꯦꯝꯕꯤ ꯍꯥꯢꯅ ꯁꯛꯈꯪꯂꯛꯈꯤ ꯫[꯱꯲]
ꯏꯔꯥꯠ ꯊꯧꯅꯤ
ꯁꯦꯝꯒꯠꯂꯨ_%E2%80%94_Goddess_of_water_%E2%80%94_Classical_Meitei_mythology_%26_religion_(Sanamahism)_of_Kangleipak_civilization.jpg)
ꯀꯔꯤꯒꯨꯝꯕ ꯃꯤꯁꯛ ꯑꯃ ꯏꯁꯤꯡꯗ ꯏꯔꯨꯞꯂꯨꯕ, ꯏꯔꯣꯢꯂꯨꯕ ꯅꯠꯇ꯭ꯔꯒ ꯏꯔꯨꯖꯔꯨꯕꯗꯒꯤ ꯅꯥꯔꯛꯄ ꯊꯣꯛꯂꯕꯗꯤ ꯏꯁꯤꯡꯒꯤ ꯂꯥꯢ ꯏꯔꯥꯢ ꯂꯩꯃ ꯑꯃꯗꯤ ꯏꯔꯥꯢ ꯅꯤꯡꯊꯧ ꯑꯅꯤꯅ ꯃꯤꯁꯛ ꯑꯗꯨꯕꯨ ꯐꯥꯖꯤꯜꯂꯤꯅꯤ ꯍꯥꯢꯅ ꯊꯥꯖꯅꯩ ꯫ ꯑꯗꯨꯅ ꯑꯃꯨꯛ ꯃꯁꯥ ꯐꯒꯠꯂꯛꯍꯟꯅꯅꯕ ꯃꯤꯌꯥꯝꯅ ꯂꯥꯢ ꯑꯅꯤꯁꯤꯕꯨ ꯈꯨꯔꯨꯝꯅꯩ ꯫ ꯃꯁꯤꯒꯤꯗꯃꯛ ꯃꯥꯢꯕꯅ ꯊꯧ ꯇꯧꯕꯤ ꯫ ꯃꯁꯤꯗ ꯌꯦꯔꯨꯝ ꯲ ꯑꯃꯗꯤ ꯆꯥꯛ ꯍꯥꯞꯂꯕ ꯋꯥꯒꯤ ꯀꯣꯟ ꯷ ꯀꯠꯅꯩ ꯫[꯱꯳] ꯊꯥꯗꯧ ꯀꯥꯡꯂꯨꯞꯀꯤ ꯃꯤꯌꯥꯝꯅ ꯂꯥꯢ ꯑꯅꯤꯁꯤꯕꯨ ꯌꯥꯝꯅ ꯂꯨꯅ ꯅꯤꯡꯅꯩ ꯫ ꯃꯈꯣꯢꯅ ꯂꯥꯢ ꯑꯅꯤꯁꯤꯕꯨ ꯂꯥꯠꯂꯤ ꯫ ꯃꯈꯣꯢꯅ ꯂꯥꯢ ꯑꯅꯤꯁꯤꯗ ꯁꯥ ꯉꯥ ꯀꯠꯂꯤ ꯫ ꯀꯠꯄ ꯁꯥ ꯉꯥ, ꯁꯥ ꯎꯆꯦꯛꯁꯤꯡꯒꯤ ꯃꯔꯛꯇ ꯌꯦꯟ ꯑꯉꯧꯕ, ꯑꯣꯛ, ꯍꯨꯢ ꯅꯠꯇ꯭ꯔꯒ ꯍꯥꯃꯦꯡ ꯂꯥꯕ ꯌꯥꯎꯅꯩ ꯫[꯱꯴]
ꯑꯇꯣꯞꯄ ꯂꯥꯢꯔꯦꯝꯕꯤꯁꯤꯡꯒ ꯃꯔꯤ ꯂꯩꯅꯕ
ꯁꯦꯝꯒꯠꯂꯨ_%E2%80%94_Goddess_of_water_%E2%80%94_Classical_Meitei_mythology_%26_religion_(Sanamahism)_of_Kangleipak_civilisation.jpg)
ꯏꯂꯩꯃ ꯂꯥꯢꯔꯦꯝꯕꯤ ꯑꯁꯤ ꯂꯥꯢꯔꯦꯝꯕꯤ ꯂꯩꯃꯔꯦꯜ ꯁꯤꯗꯕꯤꯒꯤ ꯁꯥꯢꯑꯣꯟ ꯂꯥꯡꯑꯣꯟ ꯑꯃꯅꯤ ꯍꯥꯢꯅ ꯂꯧꯅꯩ ꯫[꯱꯵] ꯃꯍꯥꯛ ꯑꯁꯤ ꯏꯃꯣꯢꯅꯨ ꯂꯥꯢꯔꯦꯝꯕꯤꯒꯤ ꯁꯥꯢꯑꯣꯟ ꯂꯥꯡꯑꯣꯟ ꯑꯃꯅꯤ ꯍꯥꯢꯅꯁꯨ ꯊꯥꯖꯅꯩ ꯫[꯱꯶]
ꯍꯤꯌꯥꯡꯊꯥꯡꯗ ꯂꯥꯠꯂꯤꯕꯤ ꯏꯂꯩꯃ (ꯏꯂꯥꯢ ꯂꯩꯃ) (ꯍꯤꯌꯥꯡꯊꯥꯡ ꯂꯥꯢꯔꯦꯝꯕꯤ) ꯑꯁꯤ ꯄꯥꯝꯍꯩꯕ ꯅꯤꯡꯊꯧꯒꯤ ꯍꯥꯛꯇꯛꯇ ꯍꯤꯟꯗꯨ ꯂꯥꯢꯅꯤꯡꯒꯤ ꯂꯥꯢꯔꯦꯝꯕꯤ ꯀꯥꯃꯥꯈ꯭ꯌꯥ (ꯗꯨꯔꯒꯥꯒꯤ ꯁꯛꯂꯣꯟ ꯑꯃ)ꯗ ꯑꯣꯟꯊꯣꯛꯄꯤꯈꯤ ꯫ ꯗꯨꯔꯒꯥ ꯏꯂꯥꯠꯄ ꯀꯨꯝꯍꯩꯒꯤ ꯳ꯁꯨꯕ ꯅꯨꯃꯤꯠ ꯑꯁꯤ "ꯕꯣꯔ ꯅꯨꯃꯤꯠ" ("ꯊꯧꯖꯥꯜ ꯅꯨꯃꯤꯠ")ꯅꯤ ꯍꯥꯢꯅ ꯂꯧꯅꯩ ꯫[꯱꯷][꯱꯸]
ꯃꯃꯤꯡ ꯂꯩꯕ ꯐꯝꯄꯥꯛꯁꯤꯡꯗ
ꯁꯦꯝꯒꯠꯂꯨ- ꯐꯧ-ꯑꯣꯢꯕꯤ, ꯗ ꯔꯥꯢꯁ ꯒꯣꯗꯦꯁ ꯑꯁꯤ ꯏꯪ. ꯀꯨꯝ ꯲꯰꯰꯹ꯗ ꯄꯨꯊꯣꯛꯄ ballad opera ꯑꯃꯅꯤ ꯫ ꯃꯁꯤ Laihui Ensembleꯅ ꯄꯨꯊꯣꯛꯄꯅꯤ ꯫ ꯃꯁꯤ ꯂꯥꯢꯔꯦꯝꯕꯤ ꯏꯂꯩꯃ, ꯃꯍꯥꯛꯀꯤ ꯃꯆꯦꯕꯦꯝꯃ ꯐꯧꯑꯣꯢꯕꯤ ꯑꯃꯗꯤ ꯑꯇꯩ ꯂꯥꯢꯔꯦꯝꯕꯤꯁꯤꯡꯒꯤ ꯋꯥꯔꯤꯗ ꯌꯨꯝꯐꯝ ꯑꯣꯢꯕꯅꯤ ꯫[꯱꯹][꯲꯰]
- ꯐꯧꯑꯣꯢꯕꯤ ꯁꯥꯌꯣꯟ ꯑꯁꯤ ꯏꯪ. ꯀꯨꯝ ꯲꯰꯱꯷ꯒꯤ ꯃꯤꯇꯩꯂꯣꯟꯒꯤ ꯃꯃꯤ ꯀꯨꯝꯍꯩ ꯑꯃꯅꯤ ꯫ ꯃꯁꯤ ꯂꯥꯢꯔꯦꯝꯕꯤ ꯏꯂꯩꯃ, ꯃꯍꯥꯛꯀꯤ ꯃꯆꯦꯕꯦꯝꯃ ꯐꯧꯑꯣꯢꯕꯤ ꯑꯃꯗꯤ ꯑꯇꯩ ꯂꯥꯢꯔꯦꯝꯕꯤꯁꯤꯡꯒꯤ ꯋꯥꯔꯤꯗ ꯌꯨꯝꯐꯝ ꯑꯣꯢꯕꯅꯤ ꯫[꯲꯱][꯲꯲][꯲꯳]
ꯃꯔꯤ ꯂꯩꯅꯕ ꯂꯃꯥꯢꯁꯤꯡ
ꯁꯦꯝꯒꯠꯂꯨꯃꯇꯦꯡ ꯂꯧꯔꯛꯐꯝ
ꯁꯦꯝꯒꯠꯂꯨ- ↑ Gassah, L. S. (1998). Traditional Institutions of Meghalaya: A Case Study of Doloi and His Administration (in en). Regency Publications. ISBN 978-81-86030-49-3.
- ↑ Devi, Dr Yumlembam Gopi. Glimpses of Manipuri Culture (in en). Lulu.com. ISBN 978-0-359-72919-7.
- ↑ Parratt, Saroj Nalini (1997). The Pleasing of the Gods: Meitei Lai Haraoba (in en). Vikas Publishing House. ISBN 978-81-259-0416-8.
- ↑ T C Das (1945). The Purums 1945, 263.
- ↑ T C Das (1945). The Purums 1945, 247.
- ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House, 674. ISBN 978-81-7835-864-2.
- ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House, 675. ISBN 978-81-7835-864-2.
- ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House, 675. ISBN 978-81-7835-864-2.
- ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House, 675. ISBN 978-81-7835-864-2.
- ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House, 675. ISBN 978-81-7835-864-2.
- ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House, 676. ISBN 978-81-7835-864-2.
- ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House, 676. ISBN 978-81-7835-864-2.
- ↑ T C Das (1945). The Purums 1945, 247.
- ↑ T C Das (1945). The Purums 1945, 247.
- ↑ Gassah, L. S. (1998). Traditional Institutions of Meghalaya: A Case Study of Doloi and His Administration (in en). Regency Publications. ISBN 978-81-86030-49-3.
- ↑ Devi, Dr Yumlembam Gopi. Glimpses of Manipuri Culture (in en). Lulu.com. ISBN 978-0-359-72919-7.
- ↑ Lisam, Khomdan Singh (2011). Encyclopaedia Of Manipur (3 Vol.) (in en). Gyan Publishing House, 676. ISBN 978-81-7835-864-2.
- ↑ Noni, Arambam (2015-10-16). Colonialism and Resistance: Society and State in Manipur (in en). Routledge. ISBN 978-1-317-27066-9.
- ↑ Laihui Ensemble Manipur – Phou-oibi, the Rice Goddess to perform at Esplanade Theatre Studio Singapore.
- ↑ Phou-Oibi, the Rice Goddess by Laihui Ensemble.
- ↑ Phouoibi Shayon to be shown at Shankar : 01st apr17 ~ E-Pao! Headlines.
- ↑ Phouoibi Shayon to be shown at Shankar – Manipur News.
- ↑ Gurumayum, Maheshwar. Film Release - Imphal Times.
ꯑꯇꯣꯞꯄ ꯌꯦꯡꯐꯝꯁꯤꯡ
ꯁꯦꯝꯒꯠꯂꯨ| ꯋꯤꯀꯤꯃꯦꯗꯤꯌꯥ ꯀꯃꯣꯟꯁꯀꯥ ꯃꯔꯤꯂꯩꯅꯕ ꯃꯦꯗꯤꯌꯥ ꯏꯂꯩꯃ ꯇ ꯌꯥꯎꯔꯦ ꯫ |
| ꯋꯤꯀꯤꯍꯧꯔꯛꯐꯝꯗ ꯃꯁꯤꯒꯤ ꯋꯥꯔꯦꯡ ꯑꯁꯤꯒ ꯃꯔꯤ ꯂꯩꯅꯕ ꯏꯁꯤꯟꯗꯨꯅ ꯊꯝꯕ ꯋꯥꯐꯝ ꯈꯔ ꯂꯩ: |