ꯃꯤꯇꯩꯂꯣꯟ

ꯀꯨꯞꯊꯅ ꯈꯪꯅꯕ: ꯃꯤꯇꯩꯂꯣꯟ ꯄꯨ ꯑꯋꯥꯡꯄ ꯊꯥꯛꯀꯤ ꯂꯣꯟ ꯑꯣꯏꯍꯟꯅꯄꯀꯤ ꯈꯣꯡꯆꯪ

ꯃꯤꯇꯩꯂꯣꯟ (ꯃꯤꯇꯩꯂꯣꯜ) ꯅꯠꯇ꯭ꯔꯒ ꯃꯩꯇꯩꯂꯣꯟ (ꯃꯩꯇꯩꯂꯣꯜ) ꯅꯠꯇ꯭ꯔꯒ ꯃꯅꯤꯄꯨꯔꯤ ꯂꯣꯟ (ꯃꯅꯤꯄꯨꯔꯤ ꯂꯣꯜ) ꯑꯁꯤ ꯑꯋꯥꯡ-ꯅꯣꯡꯄꯣꯛ ꯏꯟꯗꯤꯌꯥꯒꯤ ꯃꯅꯤꯄꯨꯔꯗ ꯃꯄꯨꯡ ꯑꯣꯢꯅ ꯉꯥꯡꯅꯕ ꯂꯣꯟ ꯑꯃꯅꯤ ꯫ ꯃꯁꯤ ꯇꯤꯕꯦꯇꯣ-ꯕꯔꯃꯟ ꯂꯣꯟ ꯀꯥꯡꯂꯨꯞꯇ ꯆꯤꯡꯕ ꯂꯣꯟ ꯑꯃꯅꯤ ꯫ ꯃꯁꯤ ꯚꯥꯔꯠ ꯂꯩꯉꯥꯛꯅ ꯁꯛꯈꯪꯂꯕ ꯂꯣꯟ ꯲꯲ꯒꯤ ꯃꯅꯨꯡꯗꯒꯤ ꯑꯃꯅꯤ ꯫ ꯃꯤꯇꯩꯂꯣꯟ ꯑꯁꯤ ꯏꯟꯗꯤꯌꯥꯒꯤ ꯁ꯭ꯇꯦꯠ ꯑꯁꯥꯝ ꯑꯃꯁꯨꯡ ꯇ꯭ꯔꯤꯄꯨꯔꯥꯗꯁꯨ ꯉꯥꯡꯅꯩ ꯫ ꯃꯁꯤ ꯑꯇꯩ ꯂꯩꯕꯥꯛꯁꯤꯡꯗ ꯍꯥꯢꯕꯗꯤ ꯕꯥꯡꯂꯥꯗꯦꯁ ꯑꯃꯁꯨꯡ ꯑꯋꯥ ꯂꯩꯄꯥꯛꯇꯁꯨ ꯉꯥꯡꯅꯩ ꯫ ꯏꯪ. ꯀꯨꯝꯆꯥ ꯲꯰꯱꯱ꯒꯤ ꯏꯟꯗꯤꯌꯥꯒꯤ ꯃꯤꯀꯣꯛ ꯊꯤꯕꯗ ꯃꯤꯇꯩꯂꯣꯟꯕꯨ ꯃꯃꯥꯂꯣꯟ ꯑꯣꯢꯅ ꯉꯥꯡꯕꯒꯤ ꯃꯤꯁꯤꯡ ꯂꯤꯆꯥ ꯱꯸ ꯃꯨꯛ ꯁꯨꯈꯤ ꯫

ꯃꯤꯇꯩꯂꯣꯟ
ꯃꯅꯤꯄꯨꯔꯤ
ꯃꯤꯇꯩꯂꯣꯟ
ꯃꯐꯝ	ꯑꯋꯥꯡ ꯅꯣꯡꯄꯣꯛ ꯚꯥꯔꯠ, ꯕꯥꯡꯂꯥꯗꯦꯁ, ꯑꯋꯥ
ꯐꯨꯔꯨꯞ	ꯃꯤꯇꯩ
ꯃꯃꯥꯂꯣꯟ ꯑꯣꯏꯔꯤꯕꯁꯤꯡ
ꯂꯣꯟ ꯏꯃꯨꯡ	ꯁꯤꯅꯣ-ꯇꯤꯕꯦꯠꯇꯥꯟ ꯃꯤꯇꯩꯂꯣꯟ
ꯂꯣꯟ ꯃꯆꯥ	ꯄ꯭ꯔꯣꯄꯔ ꯃꯤꯇꯩꯂꯣꯟ, ꯃꯤꯇꯩ ꯄꯥꯡꯒꯜ ꯂꯣꯟ, ꯁꯦꯛꯃꯥꯢ ꯂꯣꯟ, ꯑꯟꯗ꯭ꯔꯣ ꯂꯣꯟ, ꯀꯛꯆꯤꯡ ꯂꯣꯟ, ꯃꯣꯢꯔꯥꯡ ꯂꯣꯟ, ꯈꯨꯔꯈꯨꯜ ꯂꯣꯟ
ꯏꯕꯗ ꯆꯪꯕ ꯃꯌꯦꯛ	ꯃꯤꯇꯩ ꯃꯌꯦꯛ, ꯕꯦꯡꯒꯥꯂꯤ-ꯑꯁꯥꯃꯤꯁ ꯃꯌꯦꯛ ꯂꯦꯇꯤꯟ ꯃꯌꯦꯛ
Official status
ꯑꯣꯐꯤꯁꯤꯑꯦꯜ ꯂꯣꯟ	India (ꯃꯅꯤꯄꯨꯔ)
Language codes
ꯑꯥꯏꯑꯦꯁꯑꯣ ꯶꯳꯹-꯲	mni
ꯑꯥꯏꯑꯦꯁꯑꯣ ꯶꯳꯹-꯳	Either: mni – Meiteilon omp – Old Manipuri
ꯂꯣꯟ ꯅꯩꯅꯐꯝ	omp Old Manipuri
ꯒ꯭ꯂꯣꯇꯣꯂꯣꯒ	mani1292

ꯅꯤꯡꯁꯤꯡꯕ ꯊꯣꯛꯇ꯭ꯔꯕ ꯃꯇꯝꯗꯒꯤ ꯍꯧꯅ ꯃꯤꯇꯩꯂꯣꯟꯁꯤ ꯃꯤꯇꯩ ꯃꯌꯦꯛꯅ ꯏꯗꯨꯅ ꯂꯥꯛꯂꯤ ꯫ ꯃꯤꯇꯩꯂꯣꯟꯁꯤ ꯑꯔꯨꯝ ꯑꯌꯥꯡ ꯌꯥꯎꯕ ꯂꯣꯟ ꯃꯈꯜ ꯑꯃꯅꯤ ꯫

ꯃꯤꯇꯩꯂꯣꯟꯁꯤ ꯕ꯭ꯔꯤꯇꯤꯁ (꯱꯸꯹꯱ ꯑꯦꯗꯤ) ꯑꯃꯁꯨꯡ ꯍꯤꯟꯗꯨ ꯂꯥꯏꯅꯤꯡ (꯱꯷꯲꯹-꯲꯰꯰꯵) ꯁꯥꯐꯨꯅꯥ ꯃꯔꯝ ꯑꯣꯏꯔꯒ ꯂꯦꯇꯤꯟ ꯃꯌꯦꯛ ꯑꯃꯁꯨꯡ ꯕꯦꯡꯒꯥꯂꯤ ꯃꯌꯦꯛꯅ ꯃꯔꯨ ꯑꯣꯢꯅ ꯏꯅꯔꯝꯃꯤ, ꯍꯧꯖꯤꯛꯇꯤ ꯃꯤꯇꯩ ꯃꯌꯦꯛꯁꯨ ꯌꯥꯎꯅ ꯃꯌꯦꯛ ꯳ꯅ ꯏꯅꯔꯦ ꯫

ꯃꯤꯇꯩꯂꯣꯟꯁꯤ ꯃꯅꯤꯄꯨꯔꯗ ꯑꯟꯗꯔ-ꯒ꯭ꯔꯦꯖ꯭ꯋꯦꯠ ꯊꯥꯛ ꯐꯥꯎꯕ ꯄꯔꯥ ꯇꯥꯛꯄꯒꯤ ꯈꯨꯊꯥꯡ(ꯄꯥꯝꯕꯩ) ꯑꯃ ꯑꯣꯢꯕꯒꯤ ꯃꯊꯛꯇ ꯚꯥꯔꯠꯀꯤ ꯇꯥꯢꯕꯪ-ꯃꯍꯩꯀꯣꯜ ꯈꯔꯗ ꯄꯣꯁꯠ-ꯒ꯭ꯔꯦꯖ꯭ꯋꯦꯠ ꯊꯥꯛ ꯐꯥꯎꯕꯗ ꯃꯍꯩ ꯑꯃ ꯑꯣꯢꯅ ꯇꯝꯅꯔꯤ ꯫ ꯃꯤꯇꯩꯂꯣꯟ ꯑꯁꯤ ꯌꯥꯝꯅ ꯂꯤꯔꯕ ꯂꯣꯟ ꯑꯃꯅꯤ ꯫

ꯂꯣꯟ ꯃꯆꯥ

ꯃꯤꯇꯩꯂꯣꯟ ꯑꯁꯤ ꯂꯝꯂꯝꯗ ꯈꯦꯠꯅꯕ(ꯂꯣꯟ ꯊꯩꯅꯕ) ꯑꯗꯨꯃꯛ ꯎꯢ ꯑꯗꯨꯕꯨ ꯂꯝꯂꯝ ꯂꯧꯅ-ꯂꯩꯅꯕꯒꯤ ꯂꯣꯟ ꯊꯩꯅꯕꯒꯤ ꯆꯥꯡ ꯁꯨꯝꯁꯨꯝ ꯍꯟꯙꯔꯠꯂꯤ ꯫ ꯃꯤꯇꯩꯂꯣꯟꯒꯤ ꯆꯞꯆꯥꯕ ꯂꯣꯟꯊꯩ ꯃꯁꯤꯡ ꯑꯀꯛꯅꯕ ꯑꯣꯢꯅ ꯈꯪꯗ꯭ꯔꯤ ꯫

ꯃꯔꯨꯑꯣꯢꯕ ꯂꯣꯟ ꯃꯆꯥꯁꯤꯡꯒꯤ ꯃꯔꯛꯇ ꯊꯣꯢꯗꯣꯛꯅ ꯈꯦꯠꯅꯔꯤꯕ ꯃꯇꯧꯁꯤꯡꯗꯤ ꯀꯣꯟꯊꯣꯛ ꯑꯃꯁꯨꯡ ꯑꯔꯨꯝ-ꯑꯌꯥꯡꯅꯤ ꯫

ꯋꯥꯍꯩ ꯄꯔꯦꯡꯒꯤ ꯃꯑꯣꯡ

ꯃꯤꯇꯩꯂꯣꯟꯁꯤ SOV ꯋꯥꯍꯩ ꯄꯔꯦꯡ ꯑꯣꯢꯕ ꯂꯣꯟ ꯑꯃꯅꯤ ꯫ ꯇꯧꯒꯨꯝꯕꯁꯨꯡ topicꯅ ꯃꯃꯥꯡ ꯊꯥꯕꯗꯤ ꯌꯥꯢ ꯫

ꯈꯣꯟꯊꯣꯛꯂꯣꯟ

ꯃꯤꯇꯩꯂꯣꯟꯁꯤ ꯑꯔꯨꯝ-ꯑꯌꯥꯡ ꯌꯥꯎꯕ ꯂꯣꯟ ꯑꯃꯅꯤ ꯫ ꯑꯔꯨꯝ-ꯑꯌꯥꯡꯒꯤ ꯃꯁꯤꯡ ꯑꯅꯤꯔꯛ ꯑꯍꯨꯝꯂꯛ ꯍꯥꯢꯕꯒꯤ ꯌꯦꯠꯅꯕ ꯂꯩꯔꯤ ꯫

ꯏꯅꯕ ꯃꯌꯦꯛ

ꯃꯤꯇꯩꯂꯣꯟꯒꯤ ꯆꯍꯤꯆꯥ ꯱꯸ꯁꯨꯕ ꯐꯥꯎꯕ ꯁꯤꯖꯟꯅꯔꯝꯕ ꯃꯁꯥꯒꯤ ꯃꯌꯦꯛ ꯂꯩꯖꯩ ꯫ ꯍꯧꯔꯛꯄ ꯃꯇꯝꯗꯤ ꯆꯞꯆꯥꯅ ꯈꯪꯗ꯭ꯔꯤ ꯫ ꯃꯅꯤꯄꯨꯔꯒꯤ ꯅꯤꯡꯊꯧ ꯄꯥꯝꯍꯩꯕꯅ ꯍꯤꯟꯗꯨ ꯂꯥꯢꯅꯤꯡ ꯁꯟꯗꯣꯔꯛꯄ ꯃꯇꯝꯗ ꯃꯤꯇꯩ ꯃꯌꯦꯛꯅ ꯏꯕ ꯊꯤꯡꯖꯤꯟꯗꯨꯅ ꯕꯦꯡꯒꯥꯂꯤ ꯃꯌꯦꯛꯅ ꯑꯣꯢꯅ ꯏꯕ ꯆꯠꯅꯍꯟꯈꯤ ꯫ ꯍꯧꯖꯤꯛꯇꯤ ꯃꯤꯇꯩ ꯃꯌꯦꯛꯅ ꯏꯕ ꯅꯧꯍꯧꯅꯅ ꯑꯃꯨꯛ ꯆꯠꯅꯔꯛꯂꯦ ꯫

ꯃꯄꯥꯟ ꯁꯝꯅꯐꯝ

• ꯃꯤꯇꯩ ꯃꯌꯦꯛ ꯑꯇꯣꯞꯄ ꯃꯌꯦꯛꯁꯤꯡꯒ ꯑꯣꯟꯊꯣꯛ ꯑꯣꯟꯁꯤꯟ ꯇꯧꯅꯕ ꯫
• ꯏꯌꯦꯛ ꯌꯨꯅꯤꯀꯣꯗ ꯃꯤꯇꯩ ꯃꯌꯦꯛ ꯌꯨꯅꯤꯀꯣꯗ ꯫